Михаил Кожухов

Михаил Кожухов æрцæудзæн Цæгат Ирыстонмæ

9
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

9
Цæгат Иры ирон театр равдисдзæн Цхинвалы Шекспиры трагеди

Цæгат Иры ирон театр равдисдзæн Цхинвалы Шекспиры трагеди

19
Уильям Шекспиры историон пьесӕ "Ричард III" таурæгъ кæны паддзахы бынатыл тохыл. Трагедийы æвдыст цæуы Англи XV æнусы

ЦХИНВАЛ, 13 апр - Sputnik, Плиты Фатимӕ. Цæгат Ирыстоны ирон театр Цхинвалы 22 апрелы равдисдзæн режиссер Уалыты Гивийы спектакль "Ричард III". Уый тыххæй Sputnik фехъусын кодтой РХИ паддзахадон драмон театры пресс-службæйы.

Уильям Шекспиры историон пьесӕ "Ричард III" таурæгъ кæны паддзахы бынатыл тохыл. Трагедийы æвдыст цæуы Англи XV æнусы.

"Хетæгкаты Къостайы номыл Хуссар Ирыстоны паддзахадон театр æмæ Цæгат Ирыстоны Тæбæхсауты Балойы номыл ирон театры сфидар кодтой æмгуыстады тæгтæ. 2019 азы мах ныццыдыстæм гастрольтимæ Дзæуджыхъæумæ. Уыцы аз Цæгат Иры театр æрхаста Цхинвалмæ фæсивæдон труппæимæ спектакль "Ромео и Джульетта", уый дæр у Уалыты Гивийы куыст. Ныр дӕр та нӕм ӕрхӕссынц иу равдыст, ныридӕгӕн билеттæ сты кассæты", - загътой культурон уагдоны.

Уалыты Гивийы спектакль "Ричард III"-йæ ивгъуыд аз Цæгат Ирыстоны бакодтой театралон сезон. Стæй ма 2020 азы национ театрты æппæтуæрæсейон фестивалы экспертон къамисы хъуыдымæ гæсгæ спектакль бацыд 15 хуыздæр спектаклы номхыгъдмæ.

19
Сергей Меняйло

Уӕрӕсейы президент раивта Цӕгат Иры сӕргълӕууӕджы

19
(ранӕуӕггонд 15:44 09.04.2021)
Сергей Меняйло 2014 азы апрелӕй 2016 азы октябрьмӕ уыд Севастополы губернатор, 2016 азы июлы та йӕ снысан кодтой президенты ӕххӕстбарджын минӕварӕй Сыбыры федералон зылды

ЦХИНВАЛ, 9 апр — Sputnik. Уӕрӕсейы президент Владимир Путин снысан кодта йӕ ӕххӕстбарджын минӕвары Сыбыры федералон зылды Сергей Меняйлойы Цӕгат Ирыстоны сӕргълӕууӕджы хӕстӕ ӕххӕстгӕнӕгӕй, хъусын кӕны РИА Новости.

Афтӕ ма, Владимир Путин бафыста барамынд регионы ныры сӕргълӕууӕг Битарты Вячеславы йӕхи фӕндонмӕ гӕсгӕ отставкӕйы арвитыны фӕдыл.

Биографион справкӕ

Сергей Меняйло райгуырд 22 августы 1950 азы РЦИ-Аланийы горӕт Алагиры.

1983 азы каст фӕцис Кировы номыл Каспийскы уӕлдӕр ӕфсӕддон-денджызон ахуыргӕнӕндон, 1995 азы та адмирал Кузнецовы номыл ӕфсӕддон-денджызон академи. 2004 азы каст фӕцис Уӕрӕсейы Федерацийы Гарзджын тыхты Генералон штабы Ӕфсӕддон академи.

1983 азӕй фӕстӕмӕ службӕ кодта Цӕгаттаг флоты штурманон дӕлхайады командӕгӕнӕгӕй.

1991 азӕй фӕстӕмӕ – денджызон тральщик "Контр-адмирал Власов"-ы командӕгӕнӕг.

1995 азы йӕ снысан кодтой Каспийскы флотилийы науты бригадӕйы штабы хистӕрӕй.

1998-2002 азты – доны районы хъахъхъӕнӕн науты бригадӕйы командӕгӕнӕг.

2009 азы 30 майӕ 2011 азы 22 декабры онг – Сау денджызы флоты командӕгӕнӕджы хӕдивӕг.

2014 азы 14 апрелы УФ президенты барамындӕй Сергей Меняйлойы снысан кодтой Севастополы губернаторы хӕстӕ ӕххӕстгӕнӕгӕй.

2014 азы апрелӕй 2016 азы октябрьмӕ уыд Севастополы губернатор.

2016 азы 28 июлы та йӕ снысан кодтой президенты ӕххӕстбарджын минӕварӕй Сыбыры федералон зылды. 2018 азы 26 июны йӕ ногӕй снысан кодтой ацы бынаты.

Ис ын бинонтӕ, хъомыл кӕны дыууӕ лӕппуйы.

19
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2