Цæгат Иры иуварс кæнынц тыхдымгæйы фæстиуджытæ

Цæгат Иры иуварс кæнынц тыхдымгæйы фæстиуджытæ

5
(ранӕуӕггонд 12:27 28.07.2020)
Тыхдымгæ æмæ тæрккъæвдатæ Дзæуджыхъуы афæлдæхтой бæлæстæ æмæ æрхастой зиан горæты инфраструктурæйæн

ЦХИНВАЛ, 28 июл — Sputnik. Цæгат Ирыстоны столицæйы къуырисæры æхсæвы æвзæр боныгъæды фæстиуæгæн рафæлдæхтысты цалдæр бæласы, кæцыдæр районтæ та баззадысты æнæ электроифтонгадæй, хъусын кæны 15 регион. 

Тыхымгæ ма сæйраг горæтæй дарддæр аскъуыдта рухсы телтæ Горæтгæрон, Рахизфарс, Кировы æмæ Мæздæджы районты кæцыдæр хъæуты дæр.

Банысангонд æрцыд, иууыл фылдæр зиан æвзæр боныгъæд кæй æрхаста Дзæуджыхъæуы Сæудæджерадон æмæ Цæгат-Ныгуылæйнаг районтæн. Ирыстойнаг районы та тыхдымгæ бахъыгдардта фылдæр бæрцæй йæ центр.

Коммуналон кусджытæ æрдзон бæллæхы фæстиуджытæ иуварс кæнынмæ æрæвнæлдтой уайтагъд æхсæвы.

Посмотреть эту публикацию в Instagram

Дом на ул. Владикавказской, 71 после сильного ветра остался без крыши

Публикация от ЧП / ВЛАДИКАВКАЗ 🔞1️⃣ (@chp_vladikavkaz)

"Райсом 5 сахатыл техникæ иууылдæр рахызт куыстмæ, гаражты иу машинæ дæр нал ис. Ныры онг уал аиуварс кодтой тыхдымгæйы фæстиуджыты 70%, боны кæронмæ куыстытæ иууылдæр хъуамæ фæуой", - хъусын кæны портал "Спецэкосервис"-ы директор Рустама Козыревы ныхæстæ.

5
Ирон уӕлибыхтӕ ссисты иууыл хуыздӕр Санкт-Петербурджы фестивалы

Ирон уӕлибыхтӕ ссисты иууыл хуыздӕр Санкт-Петербурджы фестивалы

4
(ранӕуӕггонд 11:54 14.09.2020)
Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы

ЦХИНВАЛ, 14 сен — Sputnik. Ирон уӕлибыхтӕ ссисты иууыл хуыздӕр "Петербурджы Националон къӕбицтӕ – 2020"-ы конкурсы, хъусын кӕны 15-ӕм Регион.

Конкурс уагъд цыд онлайн-форматы – Цӕгат Ирыстон бавдыста видеоролик, кӕцы систой республикон хӕларады хӕдзар, нациадты хӕдзар ӕмӕ хъазахъхъӕгты ӕхсӕнады минӕвӕртты хсӕн ӕмархайды фӕдыл бадзырд бафыссыны рӕстӕджы. Ацы мадзалы фӕлгӕтты сорганизаци кодтой мастер-класс, кӕцыйы рӕстӕджы хъазахъхъхъӕгты минӕвӕртты ахуыр кодтой аразын уӕлибыхтӕ, процесс систой видеойыл.

Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы. Фыццаг этапы уӕлахиздзауты схорзӕхджын кӕндзысты 18 сентябры Санкт-Петербурджы.

4
Коронавирус

Цӕгат Иры рабӕрӕг кодтой COVID-19-ӕй 31 ног рынчыны

10
Пандемийы рӕстӕджы республикӕйы рабӕрӕг кодтой 5311 рынчыны коронавирусӕй, уыдонӕй 4625 адӕймаджы сӕнӕниз сты, 68 амардысты

ЦХИНВАЛ, 14 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 31 ног рынчыны. Фӕрынчынуӕвджыты иумӕйаг нымӕц у 5311, фехъусын кодтой Роспотребнадзоры.

- 575 адӕймаджы сты амбулаторон хоскӕнынады.

- 43 адӕймаджы хос кӕнынц республикӕйы медицинон уагдӕтты.

- 4625 адӕймаджы сӕнӕниз сты.

- 68 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 28 милуан адӕймагӕй фылдӕр, 920 мин рынчынӕй фылдӕр амардысты.

10
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау