Уæрæсейы УУМ хæдтæхæг

Æхсæнгарзæй æхст цæгатирыстойнаг сабийы арвитдзысты спецбортыл Мæскуымæ

22
(ранӕуӕггонд 15:55 30.07.2020)
Фыдбылыз æрцыд ацы аз 26 июлы Кировы районы Елхоты хъæуы. Цæгатирыстойнаг пæлицæйы кусджытæ ацы цауы æвзæрстмæ здахынц уæлдай хъусдард

ЦХИНВАЛ, 30 июл – Sputnik. Йæ сæр æхсæнгарзæй æхст кæмæн æрцыд, уыцы 8-аздзыд цæгатирыстойнаг сывæллоны хос кæнынмæ арвитдзысты Н.Н. Бурденкойы номыл нейрохирургийы Институтмæ Мæскуымæ, хъусын кæны 15 регион.

Порталы информацимæ гæсгæ, фыдбылыз æрцыд ацы аз 26 июлы Кировы районы Елхоты хъæуы. Цæгатирыстойнаг пæлицæйы кусджытæ ацы цауы æвзæрстмæ здахынц уæлдай хъусдард.

Сывæллæтты республикон клиникон рынчындоны сæйраг дохтыр Икъаты Мураты ныхæстæм гæсгæ, республикæмæ Мæскуыйæ æрхæццæ дæсны-реаниматолог, уый йæ хъус дардта хъыгдард баййафæджы организмы царды функцитæм. Абоны бон лæппуйы уавæр фадат дæтты æндæр хосгæнæн уагдонмæ транспортизацийæн.

Цæгат Ирыстоны сæргълæууæг Битарты Вячеславы уынаффæйæ, Мæскуымæ лæппуйы арвитдзысты майрæмбоны сæрмагонд бортæй. Хæрдзтæ йæхимæ райста республикæйы разамынд, хъусын кæны сæргълæууæг æмæ хицауады пресс-службæ.

22
Бокс

Ирыстойнаг боксертӕ ссисты ӕппӕтуӕрӕсейон ерысты призертӕ

3
(ранӕуӕггонд 12:11 28.09.2020)
Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты

ЦХИНВАЛ, 28 сен — Sputnik. Цӕгат Ирыстоны боксы олимпиаг резервы спортивон скъолайы хъомылгӕнинӕгтӕ Золойты Станислав ӕмӕ Дойаты Хетӕг ссисты Ӕппӕтуӕрӕсейон ерысты призертӕ боксӕй, хъусын кӕны республикӕйы спорты министрад.

Дыууӕ хатты олимпиаг чемпион Борис Лагутины призтыл турнир 15-16 азы кары фӕсивӕды хсӕн балхынцъ ис Мӕскуыйы ивгъуыд улӕфт бонты.

"Золойты Станислав 60 килограммы уӕзы категорийы рамбылдта ӕртӕ тохы, фӕлӕ финалы фембӕлд боксерӕн Свердловскы областӕй. Дойаты Хетӕг архайдта 75 килограммы уӕзы категорийы ӕмӕ рамбылдта ӕртӕ тохы, уыдонӕй дыууӕ нокаутӕй. Финалы уый фембылд Европӕйы фыццагады уӕлахиздзауӕн Ростовы областӕй", - дзырдӕуы хъусинаджы.

Уагдоны бафтыдтой, спортсментӕ кӕй цӕттӕ кодтой ерыстӕм Цӕлойты Георгийы къухдариуӕгады бын.

3
Коронавирус

Цӕгат Иры Роспотребнадзор фехъусын кодта ног бӕрӕггӕнӕнтӕ коронавирусы фӕдыл

3
(ранӕуӕггонд 10:35 28.09.2020)
Пандемийы рӕстӕджы республикӕйы рабӕрӕг кодтой 5785 рынчыны коронавирусӕй, уыдонӕй 4964 адӕймаджы сӕнӕниз сты, 69 амардысты

ЦХИНВАЛ, 28 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны. Фӕрынчынуӕвджыты иумӕйаг нымӕц у 5785, фехъусын кодтой Роспотребнадзоры.

- 728 адӕймаджы сты амбулаторон хоскӕнынады.

- 24 адӕймаджы хос кӕнынц республикӕйы медицинон уагдӕтты.

- 4964 адӕймаджы сӕнӕниз сты.

- 69 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 33 милуан адӕймагӕй фылдӕр, 995 мин рынчынӕй фылдӕр амардысты.

3