Коронавирус

Авд рынчыны иу суткӕмӕ: коронавирусимӕ уавӕр Цӕгат Иры

10
(ранӕуӕггонд 10:38 06.08.2020)
Республикӕйы 6 августы райсоммӕ сбӕрӕг кодтой COVID-19-ӕй 4611 фӕрынчынуӕвӕджы, уыдонӕй 4119 сӕнӕниз сты, 67 адӕймаджы амардысты

ЦХИНВАЛ, 6 авг — Sputnik. Цӕгат Ирыстоны ивгъуыд суткӕйы рабӕрӕг кодтой коронавирусӕй авд ног рынчыны. Цыппӕрӕмы райсоммӕ бӕрӕггӕнӕнтӕм гӕсгӕ республикӕйы сбӕрӕг кодтой COVID-19-ӕй 4611 фӕрынчынуӕвӕджы, хъусын кӕны Роспотребнадзор.

- 384 адӕймаджы сты амбулаторон хоскӕнынады.

- 41 адӕймаджы хос кӕнынц республикӕйы медицинон уагдӕтты.

- 4119 адӕймаджы сӕнӕниз сты.

- 67 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 18,5 милуан адӕймагӕй фылдӕр, 700 мин рынчынӕй фылдӕр амардысты.

10
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

2
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

2
COVID-19-имæ уавæр Цæгат Иры

COVID-19-имæ уавæр Цæгат Иры: ноджы иу адæймаг амард инфекцийæ

7
(ранӕуӕггонд 12:04 30.09.2020)
Коронавирусы амæттаг бацис Медицинон академийы клиникон рынчындоны ревматологион хайады дохтыр. Сылгоймаджы амæлæты аххосæгтæ ссисты, коронавирус йæ фæстæ цы низтæ расайдта, уыдон

ЦХИНВАЛ, 30 сен — Sputnik. Цæгат Ирыстоны "Роспотребнадзоры" бæрæггæнæнтæм гæсгæ, республикæйы фæстаг суткæйы дæргъы рабæрæг кодтой коронавирусæй 34 ног фæрынчынуæвæджы, ноджы иу адæймаг та COVID-19 диагнозимæ фæзиан. Уый адыл, æртыццæджы райсоммæ рынчынты иумæйаг нымæц ахызт 5853 онг, инфекци ахаста 70 адæймаджы цард.

15 регион куыд хъусын кæны, афтæмæй коронавирусы амæттаг бацис Медицинон академийы клиникон рынчындоны ревматологион хайады дохтыр. Сылгоймаджы амæлæты аххосæгтæ ссисты, коронавирус йæ фæстæ цы низтæ расайдта, уыдон.

Уымæй дарддæр:

- амбулаторон хоскæнынадыл сты 739 адæймаджы

- республикæйы медуагдæтты хос кæнынц 25 адæймагæн

- сæнæниз сты 5019 адæймаджы

- амардысты 70 адæймаджы

Коронавирусы тынгдæр апарахаты рейтингы Уæрæсе ис цыппæрæм бынаты АИШ, Инди æмæ Бразилийы фæстæ.

7