Ирыстойнаг чызг рамбылдта бронзӕйон майдан Уӕрӕсейы чемпионаты уӕззау атлетикӕйӕ

Ирыстойнаг чызг рамбылдта бронзӕйон майдан Уӕрӕсейы чемпионаты уӕззау атлетикӕйӕ

11
(ранӕуӕггонд 17:14 19.08.2020)
Ерыстӕ райдыдтой Грозныйы ӕмӕ адарддӕр уыдзысты 23 августы онг, Цӕгат Ирыстоны кад турниры хъахъхъӕнынц 11 спортсмены

ЦХИНВАЛ, 19 авг — Sputnik. Гасситы Мария Цӕгат Ирыстонӕй схызт кады пьедесталы ӕртыккаг къӕпхӕнмӕ Уӕрӕсейы чемпионаты уӕззау атлетикӕйӕ, хъусын кӕны 15-ӕм Регион.

Иумӕйагӕй спортсменкӕ систа 157 килограммы (68 кг +89 кг). Гасситы Мария тренировкӕ кӕны йӕ фыд – Гасситы Русланы – къухдариуӕгады бын.

Цӕгат Ирыстоны кад ацы ерысты хъахъхъӕнынц 11 спортсмены: Гасситы Мария (49 кг), Соттиты Яна (76 кг) ӕмӕ Гусаты Мӕдинӕ (73 кг), Къусты Тимур (73 кг), Хуыгаты Хетӕг (96 кг), Кӕсӕбиты Александр ӕмӕ Къӕбысты Артур (дыууӕ дӕр 102 кг), Багаты Владимир ӕмӕ Годжысаты Дмитрий (дыууӕ дӕр 109 кг), Наниты Арсен ӕмӕ Кокайты Сослан (дыууӕ дӕр 109). Турнир уагъд цӕуы Грозныйы ӕмӕ адарддӕр уыдзӕн 23 агвгусты онг.

11
Ирон уӕлибыхтӕ ссисты иууыл хуыздӕр Санкт-Петербурджы фестивалы

Ирон уӕлибыхтӕ ссисты иууыл хуыздӕр Санкт-Петербурджы фестивалы

4
(ранӕуӕггонд 11:54 14.09.2020)
Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы

ЦХИНВАЛ, 14 сен — Sputnik. Ирон уӕлибыхтӕ ссисты иууыл хуыздӕр "Петербурджы Националон къӕбицтӕ – 2020"-ы конкурсы, хъусын кӕны 15-ӕм Регион.

Конкурс уагъд цыд онлайн-форматы – Цӕгат Ирыстон бавдыста видеоролик, кӕцы систой республикон хӕларады хӕдзар, нациадты хӕдзар ӕмӕ хъазахъхъӕгты ӕхсӕнады минӕвӕртты хсӕн ӕмархайды фӕдыл бадзырд бафыссыны рӕстӕджы. Ацы мадзалы фӕлгӕтты сорганизаци кодтой мастер-класс, кӕцыйы рӕстӕджы хъазахъхъхъӕгты минӕвӕртты ахуыр кодтой аразын уӕлибыхтӕ, процесс систой видеойыл.

Ирон къӕбицы традицион хӕринаг фӕуӕлахиз конкурсы "За укрепление межнациональных и межрегиональных связей" номинацийы. Фыццаг этапы уӕлахиздзауты схорзӕхджын кӕндзысты 18 сентябры Санкт-Петербурджы.

4
Коронавирус

Цӕгат Иры рабӕрӕг кодтой COVID-19-ӕй 31 ног рынчыны

10
Пандемийы рӕстӕджы республикӕйы рабӕрӕг кодтой 5311 рынчыны коронавирусӕй, уыдонӕй 4625 адӕймаджы сӕнӕниз сты, 68 амардысты

ЦХИНВАЛ, 14 сен — Sputnik. Цӕгат Ирыстоны ивгъуыд суткӕйы сбӕрӕг кодтой коронавирусӕй 31 ног рынчыны. Фӕрынчынуӕвджыты иумӕйаг нымӕц у 5311, фехъусын кодтой Роспотребнадзоры.

- 575 адӕймаджы сты амбулаторон хоскӕнынады.

- 43 адӕймаджы хос кӕнынц республикӕйы медицинон уагдӕтты.

- 4625 адӕймаджы сӕнӕниз сты.

- 68 адӕймаджы амардысты.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 28 милуан адӕймагӕй фылдӕр, 920 мин рынчынӕй фылдӕр амардысты.

10
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

0
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

0
Темӕтӕ:
Радио иронау