Зынгсирвæзт хъæды

Цæгат Иры тæссаг у зынгсирвæзттæй, фæдзæхсы УУМ

8
(ранӕуӕггонд 12:36 20.08.2020)
Ирвæзынгæнджытæ сидынц цæрджытæм хъæды артимæ арæхстгай архайыны тыххæй, афтæ ма курынц, цæмæй хъæды æрдузты, цæхæрадæтты, быдырты, бæлæсты бын хус кæрдæг ма судзой

ЦХИНВАЛ, 20 авг – Sputnik. Цæгат Ирыстоны быдырон районты рагзагъд цæуы зынгсирвæзтытæй тас, хъусын кæны 15 регион республикæйы Уæлвæткон уавæрты министрады информацийыл æнцойгæнгæйæ.

"Зынгсирвæзтытæй (4 кълас) тас йæ тыхы уыдзæн 23 августмæ", — дзырдæуы уагдоны хъусинаджы.

Ирвæзынгæнджытæ сидынц цæрджытæм хъæды артимæ арæхстгай архайыны тыххæй: цæмæй зынгхос, тамакойы æппарæнтæ, хæцъилтæ судзгæйæ ма ‘ппарой; цæмæй арт зынгæфтауæг донгъæдтæй кæнæ дымгæбон ма кæной; хъæды æрдузты, цæхæрадæтты, быдырты, бæлæсты бын хус кæрдæг ма судзой.

8
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

2
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

2
COVID-19-имæ уавæр Цæгат Иры

COVID-19-имæ уавæр Цæгат Иры: ноджы иу адæймаг амард инфекцийæ

7
(ранӕуӕггонд 12:04 30.09.2020)
Коронавирусы амæттаг бацис Медицинон академийы клиникон рынчындоны ревматологион хайады дохтыр. Сылгоймаджы амæлæты аххосæгтæ ссисты, коронавирус йæ фæстæ цы низтæ расайдта, уыдон

ЦХИНВАЛ, 30 сен — Sputnik. Цæгат Ирыстоны "Роспотребнадзоры" бæрæггæнæнтæм гæсгæ, республикæйы фæстаг суткæйы дæргъы рабæрæг кодтой коронавирусæй 34 ног фæрынчынуæвæджы, ноджы иу адæймаг та COVID-19 диагнозимæ фæзиан. Уый адыл, æртыццæджы райсоммæ рынчынты иумæйаг нымæц ахызт 5853 онг, инфекци ахаста 70 адæймаджы цард.

15 регион куыд хъусын кæны, афтæмæй коронавирусы амæттаг бацис Медицинон академийы клиникон рынчындоны ревматологион хайады дохтыр. Сылгоймаджы амæлæты аххосæгтæ ссисты, коронавирус йæ фæстæ цы низтæ расайдта, уыдон.

Уымæй дарддæр:

- амбулаторон хоскæнынадыл сты 739 адæймаджы

- республикæйы медуагдæтты хос кæнынц 25 адæймагæн

- сæнæниз сты 5019 адæймаджы

- амардысты 70 адæймаджы

Коронавирусы тынгдæр апарахаты рейтингы Уæрæсе ис цыппæрæм бынаты АИШ, Инди æмæ Бразилийы фæстæ.

7