Тыбылты Георгий ссис Уӕрӕсейы фыццагады призер греко-римаг хъӕбысхӕстӕй
(ранӕуӕггонд 11:21 10.09.2020)
Уӕрӕсейы чемпионаты 60 килограммы уӕзы категорийы финалон тох ацыд знон Владимиры ЦХИНВАЛ, 10 сен — Sputnik. Цӕгатирыстойнаг спортсмен Тыбылты Георгий рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн, хъусын кӕны республикӕйы спорты министрады пресс-службӕ.
©
Sputnik / Александр Вильф
Уӕрӕсейы чемпионаты 60 килограммы уӕзы категорийы финалон тох ацыд знон Владимиры.
Тыбылты Георгий ӕнтыстджынӕй бахӕццӕ 60 килограммы уӕзы категорийы финалмӕ. Квалификацийы ирон спортсмен рамбылдта Мирлан Дапиновы (11:0); финалы 1/8 хайы – Эльяр Мавлюдовы (8:0); финалы цыппӕрӕм хайы – Сергей Курдоглойы (8:0), ӕрдӕгфиналы та – Гусейн Гусейновы (11:4).
"Финалы ирон богал фембылд Анвар Аллахьяровӕн 1:4 хыгъдӕй ӕмӕ ссис ӕвзист майданы хицау", - банысан кодтой пресс-службӕйы.
Уагдоны бафтыдтой, спортсмены ерыстӕм кӕй бацӕттӕ кодта Цӕмӕхъаты Нарт.
Цӕгат Иры ӕрурӕдтой чызджы, кӕцы уыд федералон агуырды
(ранӕуӕггонд 14:02 05.03.2021)
Цӕгатирыстойнаг полицӕйӕгтӕ ӕрурӕдтой 20-аздзыд чызджы, кӕцыйы агуырдтой наркотикон буарӕдты ӕнӕзаконон ӕгъдауӕй ӕвӕрыны тыххӕйЦХИНВАЛ, 5 мар - Sputnik. Дзӕуджыхъӕуы полицийы кусджытӕ ӕрурӕдтой федералон агуырды уӕвӕг Ставрополы крайы 20-аздзыд цӕрӕджы, хъусын кӕны Цӕгат Ирыстоны МХМ пресс-службӕ.
Чызг агуырдмӕ лӕвӕрд ӕрцыд наркотикон буарӕдты ӕнӕзаконон ӕгъдауӕй ӕвӕрыны тыххӕй.
"Полицийы кусджытӕ рабӕрӕг кодтой, чызг Пятигорскӕй кӕй ацыд Краснодары краймӕ, уырдыгӕй та Цӕгат Ирмӕ, цы ран ӕй ӕрцахстой цӕгатирыстойнаг оперативон кусджытӕ", - дзырдӕуы хъусинаджы.
Ныртӕккӕ чызджы радтой Уӕрӕсейы Мидхъыддӕгты министрады Пятигорскы хайадмӕ.
Ирон богал ссис Уӕрӕсейы чемпион греко-римаг хъӕбысхӕстӕй
(ранӕуӕггонд 11:41 03.03.2021)
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕйЦХИНВАЛ, 3 мар – Sputnik. Ирон богал Теблойты Давид рамбылдта сыгъзӕрин майдан Уӕрӕсейы чемпионаты греко-римаг хъӕбысхӕстӕй 18 азы кары онг спортсменты хсӕн, хъусын кӕны 15-ӕм Регион.
Из личного архива Владимира Созаева
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй.
Афтӕ ма, турниры бронзӕйон призертӕ ссисты Теблойты Даниэль (55 кг), Габиты Сӕрмӕт (71 кг), Цоциты Азӕмӕт (71 кг) ӕмӕ Хуыбиаты Азӕмӕт (92 кг).
Спортсментӕ ерыстӕм цӕттӕ кодтой тренертӕ Гаглойты Уахтанг, Цӕмӕхъаты Нарт ӕмӕ Гудиты Ильяйы къухдариуӕгады бын.
Хуссар Иры скусдзӕн бырондоны фӕзуат
ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.
Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.
©
Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.
Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.
Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.
Объект арӕзт ӕрцыд инвестицион программӕйы фӕлгӕтты.