Хъӕды зынгсирвӕзт

Цӕгат Иры УУМ бафӕдзӕхста хъӕдты зынгсирвӕзтты тӕссагдзинадӕй

17
Хъӕдты зынгсирвӕзтты тӕссагдзинад уыдзӕн республикӕйы 4 октябры онг

ЦХИНВАЛ, 1 окт — Sputnik. Цӕгат Ирыстоны Уӕлвӕткон уавӕрты министрад (УУМ) апарахат кодта экстренон фӕдзӕхст хъӕдты зынгсирвӕзтты тӕссагдзинады фӕдыл.

Уагдоны банысан кодтой, хъӕдты зынгсирвӕзтты тӕссагдзинад кӕй уыдзӕн ӕввахс ӕртӕ боны.

"Цӕгат Ирыстоны гидрометеорологи ӕмӕ мониторингы фӕдыл центры информацимӕ гӕсгӕ 2-ӕй 4-ӕм октябрмӕ республикӕйы хӕххон районты уыдзӕн хъӕдты зынгсирвӕзтты тӕссагдзинад (4 класс), быдырон районты та хъӕдты зынгсирвӕзтты егъау тӕссагдзинад (5 класс)", - дзырдӕуы хъусинаджы.

Уагдон ӕрсидт республикӕйы цӕрджытӕ ӕмӕ уазджытӕм, цӕмӕй ацы период уой арӕхстджындӕр ӕмӕ ӕххӕст кӕной ӕдасдзинады мадзӕлттӕ хъӕды.

17
Вакцинаци

Битарты Вячеслав: Цӕгат Ир цӕттӕ кӕны массон вакцинацимӕ коронавирусы ныхмӕ

3
(ранӕуӕггонд 11:20 15.01.2021)
Цӕгат Ирыстоны сӕргълӕууӕджы ныхӕстӕм гӕсгӕ, уыдон ӕнхъӕлмӕ кӕсынц вакцинӕйы егъау партимӕ

ЦХИНВАЛ, 15 янв — Sputnik. Цӕгат Ирыстонмӕ абоны бон ӕрластой COVID-19-ы ныхмӕ вакцинӕйы 842 комплекты. Ӕнхъӕлмӕ кӕсынц ноджы егъау партимӕ, цӕмӕй райдайой республикӕйы цӕрджыты массон вакцинаци. Уый тыххӕй фехъусын кодта республикӕйы разамонӕг Битарты Вячеслав "Россия 24"-йы эфиры.

Битарты Вячеславы ныхӕстӕм гӕсгӕ, ӕнӕниздзинад хъахъхъӕнынады министрад ныридӕгӕн хъусын кӕны ацы информаци ӕмбӕстӕгтӕн.

"Республикӕйы ӕнӕниздзинад хъахъхъӕнынады министрад сарӕзта фӕндагон картӕ, кӕцыйы фӕлгӕтты хъусын кӕндзысты информаци ӕмбӕстӕгтӕн. Алкӕмӕндӕр ис фадат бацӕуын горӕты ӕртӕ поликлиникӕмӕ ӕмӕ саразын прививкӕ", - банысан кодта Битарты Вячеслав.

Амӕйразмӕ Уӕрӕсейы президент Владимир Путин хицауады уӕнгтимӕ рабадтыл бахӕс кодта райдайын цӕрджыты массон вакцинаци коронавирусы ныхмӕ.

3
Дохтыртӕ

Дзӕуджыхъӕуы ноджы иу адӕймаг амард COVID-19-ӕй

2
(ранӕуӕггонд 14:54 14.01.2021)
Тӕссаг инфекцион низы амӕттаг баисты ныр 105 рынчыны, бон раздӕр та фехъусын кодтой коронавирусы аххосӕй ӕртӕ зианы тыххӕй

ЦХИНВАЛ, 14 янв - Sputnik. Ивгъуыд суткӕйы Цӕгат Ирыстоны ноджы иу адӕймаг амард  COVID-19 диагнозимӕ. Низы амӕттаг баисты ныр 105 рынчыны, фехъусын кодтой Роспотребнадзоры.

Иу суткӕмӕ цӕгатирыстойнаг республикӕйы рабӕрӕг ис коронавирусӕй 81 ног рынчыны

"Цӕгат Ирыстоны 2021 азы 14 январы 08:00 сахаты онг бӕрӕггӕнӕнтӕм гӕсгӕ регистрацигонд ӕрцыд 13 260 (+ 81 фӕстаг суткӕйы) рынчыны ног коронавирусон инфекцийӕ", - дзырдӕуы "Роспотребнадзор"-ы хъусинаджы.

Рынчынты иумӕйаг нымӕцӕй (13 260) 12 593сӕнӕниз сты, 119 адӕймаджы сты амбулаторон хоскӕнынадыл ӕмӕ 443 пациенты та хос кӕнынц республикйы медицинон уагдӕтты.

Дунейы бӕстӕтӕй COVID-19 кӕм тынгдӕр апарахат ис, уыцы рейтингы Уӕрӕсе ахсы цыппӕрӕм бынат АИШ, Инди ӕмӕ Бразилийы фӕстӕ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандемии - коронавирусӕй фӕрынчын сты 63 милуан адӕймагӕй фылдӕр.

2
COVID-19

Хуссар Иры сбӕрӕг кодтой 37 ног рынчыны коронавирусӕй

1
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

1