Ирыстойнаг уӕзисӕг ссис иууыл хуыздӕр Уӕрӕсейы фыццагады

Ирыстойнаг уӕзисӕг ссис иууыл хуыздӕр Уӕрӕсейы фыццагады

5
(ранӕуӕггонд 13:39 07.10.2020)
Гасситы Мария рамбылдта 49 килограммы уӕзы категорийы, йӕ иумӕйаг фӕстиуӕг уыд 157 килограммы (70+87)

ЦХИНВАЛ, 7 окт — Sputnik. Ирыстойнаг уӕзисӕг Гасситы Мария схызт Уӕрӕсейы фыццагады кады пьедесталы фыццаг къӕпхӕнмӕ, хъусын кӕны Цӕгат Ирыстоны спорты министрады пресс-службӕ.

Уӕрӕсейы фыццагад уӕззау атлетикӕйӕ 23 азы кары онг спортсменты хсӕн уагъд цӕуы Владимиры.

"Ӕстдӕсаздзыд Гасситы Мария рамбылдта 49 килограммы уӕзы категорийы, йӕ иумӕйаг фӕстиуӕг уыд 157 килограммы (70+87)", - дзырдӕуы хъусинаджы.

Ӕвзонг чызг ацы аз ссис Уӕрӕсейы фыццагады сыгъзӕрин призер 20 азы кары онг ӕмӕ Уӕрӕсейы чемпионаты бронзӕйон призер хистӕрты хсӕн.

Спортсменкӕйы ерыстӕм цӕттӕ кӕны йӕ фыд – Гасситы Руслан.

5
Ретро-поезд

Дзæуджыхъæумæ ӕрцӕудзæн ретро-поезд "Уæлахиз"

4
(ранӕуӕггонд 13:51 27.10.2020)
Цæугæ музей баст у Фыдыбæстæйы Стыр хæсты 75 азы бонимæ, Цæгат Ирыстонмæ уый ӕрхӕццӕ уыдзæн 11-æм ноябры

ЦХИНВАЛ, 27 окт – Sputnik. Дзæуджыхъæумæ ссæудзæн ретро-поезд "Уæлахиз". Уый тыххӕй ныхас цыд Цӕгат Ирыстоны хицауады æмбырды, хъусын кӕны ПТРК "Алания".

Цæугæ музей баст у Фыдыбæстæйы Стыр хæсты 75 азы бонимæ, Цæгат Ирыстонмæ уый ӕрхӕццӕ уыдзæн 11-æм ноябры.

"Дыууæ боны республикæйы цæрджытæн æмæ уазджытæн фадат уыдзæн хæстон азты рæстæгмæ аздæхынæн. Тематикон поезды маршрут арæзт у дыууæ хайæ. Фыццаг æрзилдзæн фронты фæндагы æмæ бабæрæг кæндзæн, хъæбатыры æмæ хæстон намысы ном чи хæссы, æппæт уыцы 13 горæты. Уый фæстæ та абалц кæндзæн Транссыбыраг фæндагыл Владивостокы онг", - дзырдӕуы хъусинаджы.

Поезд æрлæудзæн стыр горæтты æмæ чысыл хъæуты. Вице-премьер Азымты Иринæ хицауады уӕнгты ‘ргом аздæхта, фæлхасадмæ цæстдарды Управленийы амынддзинæдтæ æххæст кæнын куыд ахсджиаг у, уымæ. "Уæлахизы поезд" бæрæг кæнгæйæ дæр æнæмæнг хъæуы æппæт санитарон домæнтæ æххæст кæнын.

4
Ленинграды областы сцалцӕг кӕндзысты ирон командӕгӕнӕджы мемориал

Ленинграды областы сцалцӕг кӕндзысты ирон командӕгӕнӕджы мемориал

5
(ранӕуӕггонд 11:51 27.10.2020)
Хуссар Ирыстонӕй рацӕугӕ, дӕлбулкъон Дзаттиаты Дмитрий, амард 35-аздзыдӕй Приозерон зӕххыл 1944 азы июлы Вуоксинаг операцийы рӕстӕджы

ЦХИНВАЛ, 27 окт — Sputnik. Ленинграды областы сцалцӕг кӕндзысты Сырх Ӕфсады командӕгӕнӕг Дзаттиаты Дмитрийы мысӕн бынат, хъусын кӕны госзакупкаты портал.

Реставраци кӕмӕ ӕмбӕлы, уыцы хыгъды ис ӕфсӕддон историйы 12 цырты, сӕ нымӕцы - Хуссар Ирыстонӕй рацӕугӕ, дӕлбулкъон Дзаттиаты Дмитрийы цырт, кӕцы амард 35-аздзыдӕй Приозерон зӕххыл 1944 азы июлы Вуоксинаг операцийы рӕстӕджы.

Памятник подполковнику Д. Е. Джатиеву
Дӕлбулкъон Дзаттиаты Дмитрийы цырт
"Цырты цур ис мысӕн бынат, цы ран 1944 азы июлы амард 142-ӕм ӕхсыны дивизийы дӕлхайады хистӕр – Дзаттиаты Дмитрий, кӕцыйы ном сӕвӕрдтой бынӕттон совхозыл. Дзаттиаты Дмитрийы мӕлӕты бынаты ныссагътой фӕткъуы бӕлас, йӕ алыварс та сӕвӕрдтой згъӕрӕй ӕмбонд, кӕцыйыл ис мысӕн фӕйнӕг", - дзырдӕуы документацийы.

Дзаттиаты Дмитрий райгуырд 1909 азы Хуссар Ирыстоны Дзауы районы. Стыр Фыдыбӕстон хӕсты райдайӕны уыйы сӕвӕрдтой ӕхсыны батальоны комиссарӕй.

Хъӕбатырдзинады тыххӕй Дзаттиаты Дмитрийы схорзӕхджын кодтой майдантӕй За оборону Москвы", "За оборону Ленинграда", Сырх Тырысайы дыууӕ орденӕй, Стыр Фыдыбӕстон хӕсты фыццаг къӕпхӕны орденӕй ӕмӕ Сырх Стъалыйы орденӕй.

5
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4