Ирыстойнаг уӕзисджытӕ рамбылдтой 10 хорзӕхы Уӕрӕсейы фыццагады

Ирыстойнаг уӕзисджытӕ рамбылдтой 10 хорзӕхы Уӕрӕсейы фыццагады

4
(ранӕуӕггонд 14:11 13.10.2020)
Ерыстӕ уагъд цыдысты 5-12 октябры Владимиры областы, хайад дзы райстой 500 спортсменӕй фылдӕр

ЦХИНВАЛ, 13 окт — Sputnik. Цӕгат Ирыстоны командӕ уӕззау атлетикӕйӕ рамбылдта 10 хорзӕхы Уӕрӕсейы фыццагады фӕсивӕды хсӕн 23 азы кары онг, хъусын кӕны республикӕйы спорты министрады пресс-службӕ.

Хуссарирыстойнаг уӕзисӕг рамбылдта Уӕрӕсейы фыццагад
Фото из архива тренера Артура Плиева

Ерыстӕ уагъд цыдысты 5-12 октябры Владимиры областы, хайад дзы райстой 500 спортсменӕй фылдӕр.

"Сыгъзӕрин майдантӕ сӕ уӕзы категориты рамбылдтой Оганнес Вардеванян (55 кг), Наниты Арсен ( +109 кг), Гасситы Мария (49 кг), Гусалты Зӕринӕ (71 кг) ӕмӕ Соттиты Яна (76 кг)», - дзырдӕуы хъусинаджы.

Афтӕ ма, ӕвзист майданты хицӕуттӕ баисты Хуыгаты Хетӕг (96 кг), Абайты Мурӕт (102 кг), Годжысаты Дмитрий (109 кг) ӕмӕ Рӕмонаты Сӕрмӕт (+109 кг). Бронзӕйон майдан райста Чилӕхсаты Мӕдинӕ (64 кг).

4
Гӕдиаты Секъа

Цӕгат Иры 3,7 мин адӕймаджы баззадысты ӕнӕ куыстӕй пандемийы тыххӕй

5
(ранӕуӕггонд 12:04 23.10.2020)
Цӕгат Ирыстоны хицауад 1 мартӕй бакодта арӕнӕвӕрдон мадзӕлттӕ коронавирусы тыххӕй, 15 июнӕй та регионы райдыдтой исын уыцы арӕнӕвӕрдтӕ

ЦХИНВАЛ, 23 окт — Sputnik. Цӕгат Ирыстоны 3692 адӕймаджы фесӕфтой сӕ куыст арӕнӕвӕрдон мадзӕлтты тыххӕй. Уый тыххӕй хъусын кӕны ПТРК "Алания" цӕрджыты фӕллойады фӕдыл комитеты сӕрдар Платы Альбинайы ныхӕстыл ӕнцойгӕнгӕйӕ.

Ныртӕккӕ ӕгуыст адӕмы нымӕц фӕкъаддӕр 385 адӕймаджы бӕрц. "Уӕлӕмхасӕн мадзӕлттӕ" программӕйы фӕлгӕтты арӕзт цӕуынц ног кусӕн бынӕттӕ.

"311 адӕймагӕн ссардтам куыст 3 мӕймӕ ӕмӕ 200 адӕймагӕн та, кӕцыты фӕнд кӕнынц ацух кӕнын сӕ куыстӕй, дарддӕр кусдзысты декабры ӕмбисы онг", - банысан кодта Платы Альбина.

Фылдӕр бӕрцӕй уый у рӕстӕгмӕ ӕмӕ сезонон куыст. Куыст ссарыны фӕдыл уӕлӕмхасӕн мадзӕлттӕн федералон бюджетӕй рахицӕн кодтой 22 милуан 600 мин сомы.

5
Кӕсаг ахсыны чемпионат Владивостокы

Цӕгат Ирыстоны ацыд кӕсаг ахсыны чемпионат

5
(ранӕуӕггонд 10:26 23.10.2020)
Ерысты архайдта 19 спортсмены, дыууæйæ дзы уыдысты Цæцæны республикæйæ. Тур ахаста 5 сахаты бæрц

ЦХИНВАЛ, 23 окт – Sputnik. Цӕгат Ирыстоны Бруты хъӕуы цадты ауагъдӕуыд кæсаг ахсыны чемпионат. Йæ архайджытæн алы кæсаг дæр уыди сызгъæрины хуызы, хъусын кӕны ПТРК «Алания».

Спортсменты сæйраг хæс уыд куыд гæнæн ис, афтæ фылдæр кæсаг æрцахсын. Ахстой фылдӕрбӕрцӕй карп.

Чемпионаты хайадисджытӕ куыд нысан кодтой, афтӕмӕй карп хуымæтæг кæсаг нæу. Хъæуы йыл уæлдай узæлыд. Уымæн æмæ цыфæнды хæринагмæ æнгуырмæ хæстæг не рбацæудзæн.

Ерысты архайдта 19 спортсмены, дыууæйæ дзы уыдысты Цæцæны республикæйæ. Тур ахаста 5 сахаты бæрц. Тæрхонгæнджыты раз æвæрд уыд хæс — кæсаг ахсыны спорты 3-аг категорийы аккаг чи суыдзæн, ахæм 11 спортсмены равзарын.

Радон ерыстæ ацæудзысты республикон æмвæзадыл. Уæд та спортсментæ ахсдзысты балер кæсаг

5
Коронавирус

Сӕйраг санитарон дохтыр коронавирусы апарахаты тыххӕй Хуссар Иры: ӕнӕстабилон уавӕр

7
(ранӕуӕггонд 16:30 23.10.2020)
Низ арӕхдӕр бахӕцы 18-69 азы кары адӕмыл, ацы кары къордмӕ хауы вирусӕй рынчынты ӕртыккаг хай, банысан кодта Коцты Марина

ЦХИНВАЛ, 23 окт — Sputnik, Козаты Диана. Хуссар Ирыстоны коронавирусӕй рынчынты ӕртын процентӕй фылдӕр хоскӕнынад цӕуынц медицинон уагдӕтты, радзырдта йӕ интервьюйы Sputnik республикӕйы сӕйраг санитарон дохтыр Коцты Марина.

Югосетпотребнадзоры сӕргълӕууӕг схуыдта коронавирусы апрахаты уавӕр Хуссар Ирыстоны "ӕнӕстабилон". Уый радон хатт ӕрсидт цӕрджытӕм, цӕмӕй ӕххӕст кӕной дохтыртӕ ӕмӕ эпидемиологты рекомендацитӕ, дарой маскӕтӕ ӕмӕ сӕхи хизой адӕмы массон ӕмбырдтӕй.

"Фӕрынчынуӕвджыты ӕртын иу проценты сты стационарты. Инфекцион рынчындон ӕмӕ сывӕллӕтты рынчындоны сты 84 пациенты коронавирусимӕ. Се хсӕн ис уӕззау рынчынтӕ дӕр. Дохтыртӕ аразынц алцыдӕр, цы ис сӕ тыхты, фӕлӕ уыцы тыхтӕ фаг не сты", - загъта Коцты Марина.

Йӕ ныхӕстӕм гӕсгӕ, фӕрынчынуӕвджыты 70 проценты сты 18-69 азы кары адӕм. 12 процентмӕ ӕввахс сты сывӕллӕттӕ 17 азы онг, ӕмӕ 18 проценты та сты 65 азӕй хистӕрдӕр адӕм.

Сӕйраг санитарон дохтыр бахахх кодта, уагдонмӕ кӕй ис тест-системӕтӕ 10 000 басгӕрст ауадзынӕн.

"Хардзгӕнӕн ӕрмӕджытимӕ проблемӕ нын уыд, фӕлӕ сӕ тагъд райстам. Уыдон дефициты сты Уӕрӕсейы дӕр. Мах алкӕмӕндӕр аразӕм тесттӕ, фӕлӕ лабораторийы хъомыс ӕмӕ адӕймагон ресурс нӕ фаг кӕнынц" – банысан кодта Коцты Марина.

Уый ма бафтыдта, зӕгъгӕ, Югосетпотребнадзорӕй дарддӕр ӕмбӕстӕгтӕн фадат ис раттын анализтӕ хисӕрмагонд лабораториты "Гемотест" ӕмӕ "КДЛ"-йы.

7