Зынгсирвӕзт хъӕды

Цӕгат Иры УУМ бафӕдзӕхста хъӕдты зынгсирвӕзтты тӕссагдзинадӕй

2
(ранӕуӕггонд 14:12 14.10.2020)
Хъӕдты зынгсирвӕзтты тӕссагдзинад (5 класс) уыдзӕн республикӕйы хӕххон ӕмӕ быдырон районты

ЦХИНВАЛ, 14 окт — Sputnik. Цӕгат Ирыстоны территорийыл ӕввахс дыууӕ суткӕйы уыдзӕн хъӕдты зынгсирвӕзтты тӕссагдзинад. Экстренон фӕдзӕхст ныммыхуыр кодта Уӕлвӕткон уавӕрты министрады (УУМ) пресс-службӕ.

Хъӕдты зынгсирвӕзтты тӕссагдзинад (5 класс) уыдзӕн республикӕйы хӕххон ӕмӕ быдырон районты.

"Цӕгат Ирыстоны гидрометеорологи ӕмӕ мониторингы фӕдыл центры информацимӕ гӕсгӕ 14-ӕй 16-ӕм октябрмӕ республикӕйы быдырон районты  уыдзӕн хъӕдты зынгсирвӕзтты егъау тӕссагдзинад (5 класс), хӕххон районты та хъӕдты зынгсирвӕзтты тӕссагдзинад (4 класс)", - дзырдӕуы хъусинаджы.

Хъӕдты зынгсирвӕзтты тӕссагдзинад адарддӕр уыдзӕн 16 октябры онг.

2
Сылгоймаджы къухтӕ хъадаманты

Цӕгат Иры ӕрурӕдтой чызджы, кӕцы уыд федералон агуырды

8
(ранӕуӕггонд 14:02 05.03.2021)
Цӕгатирыстойнаг полицӕйӕгтӕ ӕрурӕдтой 20-аздзыд чызджы, кӕцыйы агуырдтой наркотикон буарӕдты ӕнӕзаконон ӕгъдауӕй ӕвӕрыны тыххӕй

ЦХИНВАЛ, 5 мар - Sputnik. Дзӕуджыхъӕуы полицийы кусджытӕ ӕрурӕдтой федералон агуырды уӕвӕг Ставрополы крайы 20-аздзыд цӕрӕджы, хъусын кӕны Цӕгат Ирыстоны МХМ пресс-службӕ.

Чызг агуырдмӕ лӕвӕрд ӕрцыд наркотикон буарӕдты ӕнӕзаконон ӕгъдауӕй ӕвӕрыны тыххӕй.

"Полицийы кусджытӕ рабӕрӕг кодтой, чызг Пятигорскӕй кӕй ацыд Краснодары краймӕ, уырдыгӕй та Цӕгат Ирмӕ, цы ран ӕй ӕрцахстой цӕгатирыстойнаг оперативон кусджытӕ", - дзырдӕуы хъусинаджы.

Ныртӕккӕ чызджы радтой Уӕрӕсейы Мидхъыддӕгты министрады Пятигорскы хайадмӕ.

8
Ирон богал ссис Уӕрӕсейы чемпион греко-римаг хъӕбысхӕстӕй

Ирон богал ссис Уӕрӕсейы чемпион греко-римаг хъӕбысхӕстӕй

9
(ранӕуӕггонд 11:41 03.03.2021)
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй

ЦХИНВАЛ, 3 мар – Sputnik. Ирон богал Теблойты Давид рамбылдта сыгъзӕрин майдан Уӕрӕсейы чемпионаты греко-римаг хъӕбысхӕстӕй 18 азы кары онг спортсменты хсӕн, хъусын кӕны 15-ӕм Регион.

Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй.

Афтӕ ма, турниры бронзӕйон призертӕ ссисты Теблойты Даниэль (55 кг), Габиты Сӕрмӕт (71 кг), Цоциты Азӕмӕт (71 кг) ӕмӕ Хуыбиаты Азӕмӕт (92 кг).

Спортсментӕ ерыстӕм цӕттӕ кодтой тренертӕ Гаглойты Уахтанг, Цӕмӕхъаты Нарт ӕмӕ Гудиты Ильяйы къухдариуӕгады бын.

9
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7