Цæгат Ирыстоны таможнæйӕн снысан кодтой ног хистӕры
(ранӕуӕггонд 13:35 16.10.2020)
Раздӕр Алексей Бреусов куыста Минералон дæтты таможнæйы хицауӕй. Йæ æнæаипп службæйы тыххæй хорзæхджын æрцыд бирӕнымӕц майдантӕ ӕмӕ риуылдаргӕ нысӕнттӕйЦХИНВАЛ, 16 окт – Sputnik. Цæгат Ирыстоны таможнæйы ног сӕргълӕууӕгӕй нысан æрцыд таможнæйы службæйы инæлар-майор Алексей Бреусов. Раздӕр уый куыста Минералон дæтты таможнæйы хицауӕй, хъусын кӕны "15-æм Регион".
УФ таможнæйы органты службæйы фæдыл Алексей Бреусовимæ бадзырд бафыстæуыд 30 октябрæй æртæ азы æмгъуыдмæ.
Таможнæйы органты службæ кæнын Алексей Бреусов райдыдта 1996 азы. Йæ æнæаипп службæйы тыххæй хорзæхджын æрцыд II, III къæпхæны майдантæ "Зæрдиагдзинады тыххæй", "Таможнæйы органты службæйы тыххæй", риуылдаргæ нысæнттæй "Уæрæсейы ГТК 10 азы" æмæ "Таможнæйы службæйы отличник".
Хуыгаты Алан ссис Уӕрӕсейы чемпион уӕгъдибар хъӕбысхӕстӕй
(ранӕуӕггонд 10:48 19.10.2020)
Суперуӕззау уӕзы категорийы финалы ирон спортсмен фӕуӕлахиз дагестайнаг хъӕбысӕйхӕцӕг Шамиль Шариповыл 7:4 хыгъдӕйЦХИНВАЛ, 19 окт — Sputnik. Европӕйы чемпион уӕгъдибар хъӕбысхӕстӕй, ирон спортсмен Хуыгаты Алан рамбылдта сыгъзӕрин майдан Уӕрӕсейы чемпионаты, хъусын кӕны Цӕгат Ирыстоны спорты министрады пресс-службӕ.
Уӕрӕсейы чемпионат уӕгъдибар хъӕбысхӕстӕй балхынцъ ис Наро-Фоминскы хуыцаубоны. Цӕгат Ирыстоны кад ерысты хъахъхъӕдтой 30 спортсмены.
"Ирон спортсмен 125 килограммы уӕзы категорийы финалы рамбылдта дагестайнаг хъӕбысӕйхӕцӕг Шамиль Шариповыл 7:4 хыгъдӕй. Афтӕмӕй, Хуыгаты Алан ссис Уӕрӕсейы дыууӕ хатты чемпион уӕгъдибар хъӕбысхӕстӕй", - дзырдӕуы хъусинаджы.
Уый размӕ сыгъзӕрин майдан йӕ уӕзы категорийы рамбылдта Уалыты Чермен.
Афтӕ ма, Уӕрӕсейы чемпионаты ӕвзист призертӕ ссисты Байаты Давид, Тускъаты Азӕмӕт, Цӕболты Хетик, Соттиты Асланбег ӕмӕ Найфонты Артур. Бронзӕйон майдантӕ райстой Голоты Виталий, Джиоты Эрик, Гогайты Алан, Цӕкулаты Батырбег, Сидахъты Зауырбег ӕмӕ Гӕззаты Асланбег.
Цӕгат Иры аварийы фӕмард сты дыууӕ адӕймаджы
(ранӕуӕггонд 10:30 15.10.2020)
Трагеди ӕрцыд автотрассӕ Дзӕуджыхъӕу – Алагиры 16 километрыл ӕртыццӕджы ӕхсӕвы, 20.20 сахатмӕ ӕввахсЦХИНВАЛ, 15 окт — Sputnik. Цӕгат Ирыстоны дысон ӕхсӕв ӕрцыд фӕндагон-транспортон цау, бӕллӕхы фӕстиуӕгӕн фӕмард сты дыууӕ адӕймаджы, хъусын кӕны 15-й Регион.
Трагеди ӕрцыд автотрассӕ Дзӕуджыхъӕу – Алагиры 16 километрыл ӕртыццӕджы 20.20 сахатмӕ ӕввахс.
"Фӕбӕлвырддӕргонд информацимӕ гӕсгӕ, BMW автомашинӕйы щофыр фӕцӕйцыд Алагирӕй Дзӕуджыхъӕуы ӕрдӕм. Уый не сырӕхст скъӕрын ӕмӕ сӕмбӕлд йӕ ныхмӕ цӕуӕг хӕдтулгӕ KIA-имӕ", - радзырдтой регионы УУМ пресс-службӕйы.
Аварийы фӕстиуӕгӕн KIA-йы 35-аздзыд шофыр ӕмӕ йӕ 31-аздзыд пассажир фӕмард сты. BMW-йы шофыры та алыгъуызон цӕфтимӕ фӕхӕццӕ кодтой Дзӕуджыхъӕуы клиникон рынчындонмӕ.
Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕттыЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.
Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.
"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.
Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.
"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ) ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.
"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.
Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры