Ленинграды областы сцалцӕг кӕндзысты ирон командӕгӕнӕджы мемориал

Ленинграды областы сцалцӕг кӕндзысты ирон командӕгӕнӕджы мемориал

5
(ранӕуӕггонд 11:51 27.10.2020)
Хуссар Ирыстонӕй рацӕугӕ, дӕлбулкъон Дзаттиаты Дмитрий, амард 35-аздзыдӕй Приозерон зӕххыл 1944 азы июлы Вуоксинаг операцийы рӕстӕджы

ЦХИНВАЛ, 27 окт — Sputnik. Ленинграды областы сцалцӕг кӕндзысты Сырх Ӕфсады командӕгӕнӕг Дзаттиаты Дмитрийы мысӕн бынат, хъусын кӕны госзакупкаты портал.

Реставраци кӕмӕ ӕмбӕлы, уыцы хыгъды ис ӕфсӕддон историйы 12 цырты, сӕ нымӕцы - Хуссар Ирыстонӕй рацӕугӕ, дӕлбулкъон Дзаттиаты Дмитрийы цырт, кӕцы амард 35-аздзыдӕй Приозерон зӕххыл 1944 азы июлы Вуоксинаг операцийы рӕстӕджы.

Памятник подполковнику Д. Е. Джатиеву
Дӕлбулкъон Дзаттиаты Дмитрийы цырт
"Цырты цур ис мысӕн бынат, цы ран 1944 азы июлы амард 142-ӕм ӕхсыны дивизийы дӕлхайады хистӕр – Дзаттиаты Дмитрий, кӕцыйы ном сӕвӕрдтой бынӕттон совхозыл. Дзаттиаты Дмитрийы мӕлӕты бынаты ныссагътой фӕткъуы бӕлас, йӕ алыварс та сӕвӕрдтой згъӕрӕй ӕмбонд, кӕцыйыл ис мысӕн фӕйнӕг", - дзырдӕуы документацийы.

Дзаттиаты Дмитрий райгуырд 1909 азы Хуссар Ирыстоны Дзауы районы. Стыр Фыдыбӕстон хӕсты райдайӕны уыйы сӕвӕрдтой ӕхсыны батальоны комиссарӕй.

Хъӕбатырдзинады тыххӕй Дзаттиаты Дмитрийы схорзӕхджын кодтой майдантӕй За оборону Москвы", "За оборону Ленинграда", Сырх Тырысайы дыууӕ орденӕй, Стыр Фыдыбӕстон хӕсты фыццаг къӕпхӕны орденӕй ӕмӕ Сырх Стъалыйы орденӕй.

5
Турнир аивадон гимнастикæйæ

Цæгат Ирыстоны райдыдта турнир аивадон гимнастикæйæ

4
(ранӕуӕггонд 13:35 26.11.2020)
Эпидемиологон уавæры тыххæй турнирмæ æндæр горæттæй гимнасткæтæ хуынд не ‘рцыдысты, стæй ма  мадзалы нæ уыдзæн уазджытæ æмæ кæсджытæ

ЦХИНВАЛ, 26 ноя — Sputnik. Цæгат Ирыстоны райдыдта Уæрæсейы сгуыхт тренер Дулайты Казимæйы номыл турнир аивадон гимнастикæйæ, хъусын кӕны 15 регион.

Ерысты архайы 100 спортсменкæйы бæрц.

"Ацы ерысты æвзæрст цæудзæн республикæйы æмбырдон командæмæ, уый та архайдзæн ЦКФЗ ерысты Налцыччы 2021 азы январы мæйы", —хъусын кӕны портал олимпиаг резервы спортивон скъолайы директор аивадон гимнастикæйæ Таболты Людмилæ.

Уымæй уæлдай ма куыд фæбæрæг кодта, афтæмæй эпидемиологон уавæры тыххæй турнирмæ æндæр горæттæй гимнасткæтæ хуынд не ‘рцыдысты, стæй ма  мадзалы нæ уыдзæн уазджытæ æмæ кæсджытæ. Уыимæ æппæт санитарон домæнтæ (уыдонимæ маскæтæ дарын) æххæст кæндзысты куыд тæрхонгæнджыты коллеги æмæ тренерты сконд, афтæ гимнасткæтæ дæр.

 

4
Цӕгат Иры аварийы фӕмард 38-аздзыд нӕлгоймаг

Цӕгат Иры аварийы фӕмард 38-аздзыд нӕлгоймаг

7
(ранӕуӕггонд 10:03 26.11.2020)
Трагеди ӕрцыд автотрассӕ "Дзӕуджыхъӕу - Цыкола - Лескъен 2". Фӕндагон фыдбылызы фӕстиуӕгӕг фӕсарӕйнаг хӕдтулгӕйы шофыр фӕмард бынаты

ЦХИНВАЛ, 26 ноя — Sputnik. Цӕгат Ирыстоны фӕндагон-транспортон цауы фӕстиуӕгӕн фӕмард 38-аздзыд нӕлгоймаг, хъусын кӕӕы республикӕйы МХМ пресс-службӕ.

Трагеди ӕрцыд ӕртыццӕджы 15.50 сахатыл автотрассӕ "Дзӕуджыхъӕу - Цыкола - Лескъен 2"-ы 36-ӕм километрыл.

Хъусинагӕй куыд бӕрӕг у, афтӕмӕй хӕдтулгӕ "BMW X-5" шофыр не сырӕхст скъӕрын ӕмӕ сӕмбӕлд ВАЗ 22150-имӕ, кӕцыйы скъӕрдта 57-аздзыд нӕлгоймаг.

BMW сфӕлдӕхт, йӕ шофыр фӕмард бынаты медикты ӕрцыдмӕ.

7
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы бӕрц фыдгӕнӕджы ӕрурӕдтой

0
(ранӕуӕггонд 11:04 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бикъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

0