Ретро-поезд

Дзæуджыхъæумæ ӕрцӕудзæн ретро-поезд "Уæлахиз"

7
(ранӕуӕггонд 13:51 27.10.2020)
Цæугæ музей баст у Фыдыбæстæйы Стыр хæсты 75 азы бонимæ, Цæгат Ирыстонмæ уый ӕрхӕццӕ уыдзæн 11-æм ноябры

ЦХИНВАЛ, 27 окт – Sputnik. Дзæуджыхъæумæ ссæудзæн ретро-поезд "Уæлахиз". Уый тыххӕй ныхас цыд Цӕгат Ирыстоны хицауады æмбырды, хъусын кӕны ПТРК "Алания".

Цæугæ музей баст у Фыдыбæстæйы Стыр хæсты 75 азы бонимæ, Цæгат Ирыстонмæ уый ӕрхӕццӕ уыдзæн 11-æм ноябры.

"Дыууæ боны республикæйы цæрджытæн æмæ уазджытæн фадат уыдзæн хæстон азты рæстæгмæ аздæхынæн. Тематикон поезды маршрут арæзт у дыууæ хайæ. Фыццаг æрзилдзæн фронты фæндагы æмæ бабæрæг кæндзæн, хъæбатыры æмæ хæстон намысы ном чи хæссы, æппæт уыцы 13 горæты. Уый фæстæ та абалц кæндзæн Транссыбыраг фæндагыл Владивостокы онг", - дзырдӕуы хъусинаджы.

Поезд æрлæудзæн стыр горæтты æмæ чысыл хъæуты. Вице-премьер Азымты Иринæ хицауады уӕнгты ‘ргом аздæхта, фæлхасадмæ цæстдарды Управленийы амынддзинæдтæ æххæст кæнын куыд ахсджиаг у, уымæ. "Уæлахизы поезд" бæрæг кæнгæйæ дæр æнæмæнг хъæуы æппæт санитарон домæнтæ æххæст кæнын.

7
Къӕвда

Цӕгат Иры ӕнхъӕлмӕ кӕсынц тӕркъӕвда ӕмӕ тыхдымгӕмӕ УУМ

11
(ранӕуӕггонд 15:53 27.07.2021)
Цӕгат Ирыстоны территорийыл уыдзӕн тӕркъӕвда ӕмӕ ихуард, афтӕ ма тыхдымгӕтӕ дӕр 25 м/с онг

ЦХИНВАЛ, 27 июл — Sputnik. Тӕркъӕвда, ихуард ӕмӕ тыхдымӕгӕтӕ 25 м/с онг гӕнӕн ис бахъыгдарой Цӕгат Ирыстоны цӕрджыты дыццӕджы, бафӕдзӕхстой Уӕрӕсейы Уӕлвӕткон уавӕрты министрады (УУМ).

"Синоптикты бӕрӕггӕнӕнтӕм гӕсгӕ, 27 июлы гӕнӕн ис фӕзыной уӕлвӕткон цаутӕ, кӕцытӕ баст сты энергетикӕ, бастдзинад, ЦКХ ӕмӕ транспорты куысты фехӕлдимӕ Дард Скӕсӕн, Сыбыр ӕмӕ Цӕгат Кавказы федералон зылдты территоритыл", - дзырдӕуы хъусинаджы.

УУМ экспертты бӕрӕггӕнӕнтӕм гӕсгӕ, Цӕгат Ирыстоны гӕнӕн ис уа тӕркъӕвда, ихуард ӕмӕ тыхдымгӕтӕ 25 м/с онг.

11
Нузалы аргъуан

Цæгат Ирыстоны бацæттæ кодтой цыппар ног динон туристон маршруты

18
(ранӕуӕггонд 13:30 27.07.2021)
Ног маршруттæ цæуынц цыппар бынатыл - Дзæуджыхъæу, Куырттаты ком, Мæздæг æмæ Алагирыл. Ныридæгæн снывыл кодтой маршрутты паспорттæ æмæ сæ арвыстой туроператортæм дарддæры реализацийæн

ЦХИНВАЛ, 27 июл - Sputnik. Цæгат Ирыстоны туризмы комитет бацæттæ кодта цыппар религиозон туристон маршруты, хъусын кæны "15-æм Регион" уагдоны сæргълæууæджы хæдивæг Салхъазанты Светланайыл æнцойгæнгæйæ.

"Динон туризм у перспективон къабæзтæй иу, уымæй дарддæр ма нæм 2022 азы уыдзæн зæрдылдарæн бон — Аланийы донаргъуыды 1100 азы бон. Туризмы комитет Дзæуджыхъæуккаг Епархи æмæ чырыстон аргъуанимæ бацæттæ кодта цыппар религиозон туристон маршруты. Снывыл кодтой маршрутты паспорттæ, арвыстой сæ туроператортæм дарддæры реализацийæн", — загъта Салхъазанты Светлана.

Ног маршруттæ цæуынц цыппар бынатыл - Дзæуджыхъæу, Куырттаты ком, Мæздæг æмæ Алагирыл. Уымæй уæлдай, рагзагъдмæ гæсгæ, бæрæггонд цæудзысты, динон объекттæ кæм ис, уыимæ аргъуантæ, моладзандæттæ, уыцы бынæттæ.

18
Мегафон

"Мегафон-Хуссар Ир"-ы директор бамбарын кодта архивон тарифты ӕргъты фӕфылдӕры аххосаг

0
(ранӕуӕггонд 11:34 28.07.2021)
Чырон бастдзинады оператор фехъусын кодта, 3 августӕй кӕцыдӕр тарифты ӕргътӕ кӕй схиздзысты 50 процентӕй фылдӕры бӕрц

ЦХИНВАЛ, 28 июл – Sputnik, Козаты Диана. Хуссар Ирыстоны чырон бастдзинады иунӕг оператор фехъусын кодта августы райдианӕй архивон тарифтыл лӕггӕдты ӕргъты фӕфылдӕры тыххӕй. 

Уыдонӕй фӕдзурыны аргъ хӕдзарон регионы "Отселеком"-ы номыртӕм схиздзӕн 1,6 соммӕ иу минутӕн. Ныртӕккӕ абонӕнттӕн иу минут телефонӕй адзурын лӕууы иу сомы. Компанийы директор Николай Фирсов радзырдта Sputnik, цӕимӕ баст у ӕргъты фӕфылдӕр, уый тыххӕй.

Директор компании Мегафон - Южная Осетия Николай Фирсов
© Sputnik / Диана Козаева
"Отселеком"-ы директор Николай Фирсов

"Кӕй зӕгъын ӕй хъӕуы, ахӕм фактортӕ, куыд инфляцийы рӕзт ӕмӕ нӕ валютон бахыгъдтӕ ӕндавынц бастдзинады ӕргътыл дӕр. Тарифон плантӕ "Отличный", "Южный", "Универсальный" ӕмӕ "Универсальный ВИП" сты ахӕм плантӕ, кӕцыты бакондӕуыд дӕсӕй фылдӕр азы размӕ бынтон ӕндӕр экономикон уавӕрты. Абон уыдон хизынц архивон категоримӕ", - радзырдта Фирсов.

Компанийы директор бамбарын кодта, зӕгъгӕ, уыдон сты ахӕм продукттӕ, кӕцытӕ нал хауынц модернизацимӕ ӕмӕ сӕм ног абонентты нал иу кӕнынц къорд технологион ӕмӕ экономикон домӕнты тыххӕй.

"Уымӕ гӕсгӕ, 3 августӕй махмӕ сӕ тыхы бацӕудзысты архивон планты ивындзинӕдтӕ. Уый тыххӕй мах закъонмӕ гӕсгӕ  развӕлгъау фехъусын кодтам нӕ абоненттӕн. Уымӕ гӕсгӕ ӕнхъарӕм ахъуыды кӕнын бирӕ хӕрзвадатдӕр тарифты тыххӕй", - загъта уый.

"Остелеком"-ы сӕргълӕууӕг банысан кодта, оператор кӕй нӕ хъавы архивон плантӕ бынтондӕр хицӕн кӕнын.

0