Дзӕуджыхъӕуы зонадон центры директорӕй сфидар кодтой Цыбырты Алексейы

© Sputnik / Наталья АйриянЦыбырты Алексей
Цыбырты Алексей - Sputnik Хуссар Ирыстон
Рафыссын
Ахуыргонд фӕстаг азты кӕны зонадон куыст Дзӕудзыхъӕуы, у ӕхсӕнадӕмон журнал "Nartamongӕ"-йы сӕйраг редактор, ивгъуыд ӕнусы 90-ӕм ӕзты та куыста Хуссар Ирыстоны бӕрнон бынӕтты

ЦХИНВАЛ, 29 окт– Sputnik, Плиты Фатимӕ. Уӕрӕсейы зонад ӕмӕ ахуырады министрад сфидар кодта зонӕдты академийы Дзӕуыджыхъӕуы зонадон центры директорӕй не 'мзӕххон, ӕхсӕнадӕмон журнал "Nartamongӕ"-йы сӕйраг редактор Цыбырты Алексейы, хъусын кӕны центры сайт. 

Ахуыргонд фӕстаг азты кӕны зонадон куыст Дзӕудзыхъӕуы, у ӕхсӕнадӕмон журнал "Nartamongӕ"-йы сӕйраг редактор, ивгъуыд ӕнусы 90-ӕм ӕзты та куыста Хуссар Ирыстоны бӕрнон бынӕтты, августы мӕйы йӕ ацы бынатмӕ фылдӕр хъӕлӕстӕй равзӕрста уагдоны коллектив. Нырмӕ Цыбырты Алексей уыд ацы уагдоны директоры хӕстӕ ӕххӕстгӕнӕг. 

"Бузныг алкӕмӕндӕр. Фыццаг рады нӕ хӕлар коллективӕн ӕмӕ Уӕрӕсейы зонад ӕмӕ уӕлдӕр ахуырады министрадӕн. Бузныг мӕ фарсмӕ чи балӕууыд, уыдонӕн се 'ппӕтӕн дӕр. Уый мыл ӕвӕры стыр бӕрн. Зонадон центры коллективимӕ иумӕ цӕудзыстӕм размӕ цадӕггай", - ныффыста йӕ фарсыл Фейсбукы ахуыргонд.

Уӕрӕсейы зонӕдты академийы Дзӕуыджыхъӕуы зонадон центры сконды ис цалдӕр зонадон центры. Сӕ нымӕцы Цӕгат Ирыстоны гуманитарон ӕмӕ социалон иртӕстыты институт, геофизикон институт, биомедицинон иртӕстыты институт ӕмӕ ӕндӕр уагдӕттӕ.

Ног хабӕртты лентӕ
0