Афтид кълас

Цӕгат Иры скъолаты адарддӕр кодтой каникултӕ

5
(ранӕуӕггонд 14:00 30.10.2020)
Ахӕм скъуыддзаг рахаста республикӕйы Ахуырад ӕмӕ зонады министрад вазыгджын эпидемиологон уавӕр хынцгӕйӕ

ЦХИНВАЛ, 30 окт - Sputnik. Цӕгат Ирыстоны ахуырад ӕмӕ зонады министрад аскъуыддзаг кодта адарддӕр кӕнын скъолаты каникултӕ 9 ноябры онг. Ахӕм барамынд баст у республикӕйы вазыгджын эпидемиологон уавӕримӕ, хъусын кӕны 15 регион.

"Куыд уынӕм, афтӕмӕй ныртӕккӕ эпидемиологон уавӕр кӕны вазыгджынӕй вазыгджындӕр, уымӕ гӕсгӕ Ахуырады министрад аскъуыддзаг кодта каникултӕ адарддӕр кӕнын 9 ноябры онг", - загъта уагдоны минӕвар Алан Аликов.

Уый ӕрсидт ӕмбӕстӕгтӕм, цӕмӕй хъахъхъӕной сӕхи ӕмӕ сӕ алыварс адӕмы, ӕххӕст кӕной санитарон дохтырты фӕдзӕхстытӕ.

5
Дойаты Герман рамбылдта ӕвзист майдан Сыбыры федералон зылды чемпионаты

Ирон богал ссис Сыбыры федералон зылды чемпионаты призер

1
(ранӕуӕггонд 14:11 30.11.2020)
Ӕвзист майдан спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы иннӕ аз январы

ЦХИНВАЛ, 30 ноя – Sputnik. Грекъаг-римаг стилы богал Цӕгат Ирыстонӕй Дойаты Герман рамбылдта ӕвзист майдан Сыбыры федералон зылды чемпионаты. Уый тыххӕй хъусын кӕны республикӕйы спорты министрады пресс-службӕ.

Дойаты Герман кады пьедесталы дыккаг къӕпхӕнмӕ схызт 60 кг онг уæзы категорийы архайгӕйӕ.

Ацы хатдзӕг спортсменæн дæтты Уæрæсейы чемпионаты архайыны бар, кӕцы ацӕудзӕн Ростовы 2021 азы январы.

Богалы бацæттæ кодта тренер Фæрниаты Сослан.

Амӕй размӕ та фехъусын кодтой, цӕгатирыстойнаг спортсмен Тыбылты Георгий кӕй рамбылдта ӕвзист майдан Уӕрӕсейы фыццагады греко-римаг хъӕбысхӕстӕй 21 азы кары онг фӕсивӕды хсӕн Владимиры.

1
Коронавирусс

Цӕгат Иры Роспотребнадзоры фехъусын кодтой коронавирусӕй 78 ног рынчыны тыххӕй

2
(ранӕуӕггонд 11:04 30.11.2020)
Пандемийы рӕстӕджы фӕрынынуӕвджыты иумӕйаг нымӕц республикӕйы схызт 9444 онг, уыдонӕй 8665 сӕнӕниз сты, 77 рынчыны та амардысты

ЦХИНВАЛ, 30 ноя – Sputnik. Цӕгат Ирыстоны иу суткӕмӕ сбӕрӕг кодтой коронавирусӕй 78 ног рынчыны. Цыппӕрӕмы райсоммӕйы бӕрӕггӕнӕнтӕм гӕсгӕ, рынчынты иумӕйаг нымӕц схызт 9444 онг.

- 368 адӕймаджы сты амбулаторон хоскӕнынады.

- 334 адӕймаджы хос кӕнынц республикӕйы медицинон уагдӕтты.

- 8665 адӕймаджы сӕнӕнниз сты.

- 77 адӕймаджы амардысты.

Дунейы бӕстӕтӕй COVID-19 кӕм тынгдӕр апарахат ис, уыцы рейтингы Уӕрӕсе ахсы цыппӕрӕм бынат АИШ, Инди, Бразили ӕмӕ Францийы фӕстӕ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 62 милуан адӕймагӕй фылдӕр, 1,4 милуан рынчынӕй фылдӕр амардысты.

2