Дзӕуджыхъӕуы коронавирусӕй амард ноджы иу дохтыр

6
(ранӕуӕггонд 15:38 02.11.2020)
Цӕгат Ирыстоны ӕнӕниздзинад хъахъхъӕныны министр ма иу хатт ӕрсидт цӕрджытӕм, цӕмӕй хъахъхъӕной сӕхи ӕмӕ ӕххӕст кӕной "Роспотребнадзор"-ы домӕнтӕ

ЦХИНВАЛ, 2 ноя — Sputnik. Дзӕуджыхъӕуы амард дохтыр-уролог Тыбылты Анатолий, кӕцыйыл бахӕцыд коронавирус. Уый тыхӕй хъусын кӕны ПТРК "Алания".

Хъусинаджы дзырдӕуы, зӕгъгӕ, Цӕгат Ирыстоны ӕнӕниздзинад хъахъхъӕныны министр Годжысаты Тамерлан мӕсӕлӕй загъта зианджын бинонтӕн ӕмӕ банысан кодта дохтыры лӕггӕдтӕ адӕмы раз.

"Анатолий Ильяйы фырт уыд нӕ хуыздӕр дохтыртӕй иу. Бирӕ ӕзты уый  фӕкуыста цӕсгомджынӕй", - загъта министр.

Годжысаты Тамерлан ма иу хатт ӕрсидт цӕрджытӕм, цӕмӕй хъахъхъӕной сӕхи, ӕххӕст кӕной "Роспотребнадзор"-ы домӕнтӕ ӕмӕ пайда кӕной индивидуалон хъахъхъӕнӕн ӕрмӕджытӕй.

6
Тӕрхондон

Гæджиты Регинайы марæгæн аскъуыддзаг кодтой 16 азы ахæст

7
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

7
Аэропорт Дзӕуджыхъӕу

Дзӕуджыхъӕуы аэропорт сног кодта йӕ куыст штатон режимы

4
(ранӕуӕггонд 11:25 24.02.2021)
Аэропорт сӕхгӕдтой 23 февралы ӕвзӕр боныгъӕды тыххӕй. Авивакомпанитӕ сифтонг кодтой пассажирты хӕринаг ӕмӕ нозтӕй

ЦХИНВАЛ, 24 фев - Sputnik. Аэропорт "Дзӕуджыхъӕу" ӕртыццӕджы, 24 февралы, сног кодта йӕ куыст штатон режимы. Уый тыххӕй хъусын кӕны 15-ӕм Регион аэропорты PR-менеджеры ныхӕстыл ӕнцойгӕнгӕйӕ.

"Ӕввахс рӕстӕджы атӕхдзысты дыууӕ рейсы, кӕцытӕ уый размӕ ӕрурӕдтой. Авиакомпанитӕ пассижирты ӕхсӕвы бакодтой уазӕгдӕттӕм", - банысан кодта ныхасӕмбал.

Аэропорт сӕхгӕдтой 23 февралы 13:40 сахатӕй ӕвзӕр боныгъӕды тыххӕй. Аэропорты ӕрурӕдтой дыууӕ хӕдтӕхӕджы. Авивакомпанитӕ сифтонг кодтой пассажирты хӕринаг ӕмӕ нозтӕй.

4
Дзауы районы фӕбӕрӕг сты хуыздӕр шахматисттӕ скъоладзауты хсӕн

Дзауы районы фӕбӕрӕг сты хуыздӕр шахматисттӕ скъоладзауты хсӕн

11
Ерысты иууыл ӕнтыстджындӕр разындысты Цхуырбаты Георгийы, Санахъоты Георгийы ӕмӕ Цхуырбаты Азӕмӕт

ЦХИНВАЛ, 25 фев – Sputnik, Плиты Фатимӕ. Гуфтайы скъолайы ахуырдзау Цхуырбаты Георгийы ӕмӕ Дзауы скъолайы ахуырдзаутӕ Санахъоты Георгийы ӕмӕ Цхуырбаты Азӕмӕт рамбылдтой шахмӕттӕй районы турнир, уый тыххӕй фехъусын кодта Sputnik районы пресс-службӕйы кусӕг Тедеты Лиана.

Турнир среди школьников Дзауского района по шахматам
Пресс-служба Дзауского района
Дзауы районы фӕбӕрӕг сты хуыздӕр шахматисттӕ скъоладзауты хсӕн

Районы фыццагады хайад райсын сӕ бон не ссис дӕрддзӕф районы ахуырдзаутӕ -Къуаиса, Синагур ӕмӕ Кировы скъолатӕй. Уыдон бахъыгдардта рцӕуын ӕвзӕр боныгъӕд.

"Уӕлахиздзаутӕ ӕмӕ призертӕ райстой лӕвӕрттӕ, призтӕ ӕмӕ грамотатӕ. Сӕхи рдыгӕй бузныг дзырдтой организатортӕн", - загъта уый.

Йӕ ныхӕстӕм гӕсгӕ, шахмӕттӕм фӕстаг ӕзты тынг цымыдис кӕсынц скъоладзаутӕ, рӕзы сӕ арӕхстдзинад дӕр.

Спортивон мадзал ацыд районы сывӕллӕтты сфӕлдыстады галуаны.

Турнир среди школьников Дзауского района по шахматам
Пресс-служба Дзауского района
Дзауы районы фӕбӕрӕг сты хуыздӕр шахматисттӕ скъоладзауты хсӕн

 

11