Транскамы цӕгатирыстойнаг фадыгыл фидар кӕнынц зӕйты ныхмӕ галерей

Транскамы цӕгатирыстойнаг фадыгыл фидар кӕнынц зӕйты ныхмӕ галерей

6
(ранӕуӕггонд 11:41 11.11.2020)
Куыстытӕ цӕуынц федералон автотрассӕ А-164 зӕйцӕуӕн бынӕтты (Хуссар Ирыстоны арӕны цур) арӕзтӕдты капиталон цалцӕджы фӕлгӕтты

ЦХИНВАЛ, 11 ноя — Sputnik. Транскавказаг автомагистралы цӕгатирыстойнаг фадыгыл фидар кӕнынц быцӕугӕнӕн систӕй зӕйты ныхмӕ галерей, хъусын кӕны "Росавтодор"-ы сайт.

Нысан куыд цӕуы, афтӕмӕй къултӕ сфидар кӕныны тыххӕй амад ӕрцыд сис 350 дондзӕджындзӕй. Арӕзтады дӕргъ у 270 метры онг.

"Капиталон цалцӕггӕнӕн куыстытӕ адарддӕр уыдзысты 2021 азы уалдзӕджы дӕр – раивдзысты фӕндаджы уӕлцъар, дыууӕполосӕйон фӕндаг бамбӕрздзысты уӕззау бетонӕй. Афтӕ ма дзы сӕвӕрдзысты вентиляции, автоматикон ифтонгад ӕмӕ зынгсирвӕзтты ныхмӕ сигнализации, сцалцӕг кӕндзысты инженерон хызӕгтӕ", - дзырдӕуы хъусинаджы.

Паддзахадон контрактмӕ гӕсгӕ, 800 метры дӕргъӕн ӕмӕ 4,5 метры бӕрзӕндӕн нырыккон ӕмӕ ӕдас галерей эксплуатацимӕ лӕвӕрд ӕрцӕудзӕн 2022 азы декабры.

Транскавказы автомагистраль у иунӕг фӕндаг, кӕцы иу кӕны Хуссар Ирыстоны Уӕрӕсеимӕ. Ӕрвылбон дӕр ацы фӕндагыл рацӕуы 8 мины онг машинӕйы.

6
Цæгат Иры дæс мин адæймаджы бæрц сарæзтой вакцина коронавирусы ныхмæ

Цæгат Иры дæс мин адæймаджы бæрц сарæзтой вакцина коронавирусы ныхмæ

5
Республикæйы æнæнздзинадхъахъхъæнынады министры ныхæстæм гæсгæ, коллективон иммунитетæн хъæуы, цæмæй цæрджыты 60 процентæн вирус тæссаг мауал уа

ЦХИНВАЛ, 26 фев – Sputnik. Цæгат Ирыстон–Аланийы республикæйы коронавирусы ныхмæ прививкæтæ скодтой 9 мины æмæ 947 адæймагæн, хъусын кæны ПТРК "Алания" республикæйы æнæнздзинадхъахъхъæнынады министр Годжысаты Тамерланы ныхæстыл æнцогæнгæйæ.

Йæ ныхæстæм гæсгæ Цæгат Ирыстоны вакцинаци цæуы æнтыстджынæй. Фылдæр прививкæтæ кæнынц хистæр кары адæм.

"Чи фӕрынчын ис ӕмӕ вакцинаци чи рацыд уыдон имӕйаг нымӕц хъуамӕ уой цӕрджыты 60 процентӕй фылдӕр, цӕмӕй арӕзт ӕрцӕуа коллективон иммунитет. Уый фӕрцы мах хатдзыстӕм сӕрибар ӕмӕ ӕдас", - загъта Годжысаты Тамерлан.

Цæгат Ирыстоны фӕрынчынуӕвджытӕй 14 148 сӕнӕниз сты, 131 адӕймаджы та амардысты. Республикӕйы медицинон уагдӕтты хоскӕнынад цӕуынц 263 адӕймаджы, 414 адӕймаджы та сты амбулаторон хоскӕнынады.

Фæстаг бæрæггæнæнтæм Уӕрӕсейы пандемийы рӕстӕджы коронавирусӕй ӕдӕппӕт фӕрынчын сты 3 983 197 адӕймаджы, уыдонӕй 3 472 091 сӕнӕниз сты, 77 068 адӕймаджы та амардысты.

5
Тӕрхондон

Гæджиты Регинайы марæгæн аскъуыддзаг кодтой 16 азы ахæст

10
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

10
Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

0
(ранӕуӕггонд 16:14 02.03.2021)
Каратистты тренеры ныхӕстӕм гӕсгӕ, спортсментӕ сӕхи иттӕг хорз равдыстой

ЦХИНВАЛ, 2 мар - Sputnik, Гӕбӕраты Элина. Ӕвзонг каратисттӕ Хуссар Ирыстонӕй равдыстой иттӕг хорз фӕстиуджытӕ РЦИ-Аланийы чемпионат ӕмӕ фыццагады, уыдон рамбылдтой дыууадӕс майданы, фехъусын кодта Sputnik спортсменты тренер Созайты Владимир.

Уый банысан кодта, ерысты нысан уыд сбӕрӕг кӕнын хъуыздӕр каратистты ӕмӕ саразын командӕ Уӕрӕсейы фыццагадмӕ, кӕцы ацӕудзӕн 2-5 апрелы Орелы.

"Дудайты Донна ӕмӕ Тедеты Анна рамбылдтой сыгъзӕрин майдантӕ, Тадтаты Софья ӕмӕ Джиджджойты Анна – ӕвзист майдантӕ, Гаглойты Диана райста бронзӕ", - загъта Созайты Владимир.

Тренер банысан кодта, спортсментӕ сӕхи хорз кӕй равдыстой ӕмӕ ныр бахызтысты РЦИ-Аланийы командӕмӕ.

"Афтӕ ма сӕхи хорз равдыстой дебютанттӕ дӕр: Цыбырты Анастасия ӕмӕ Лалыты Джер бацахстой фыццаг бынӕттӕ, Цыдугъты Милана ӕмӕ Куыридтаты Даниил та ацыдысты дыккаг бынӕттыл. Ортъаты хотӕ Аланӕ ӕмӕ Диана та сӕ кары къордты райстой бронзӕйон майдантӕ", - радзырдта журналисттӕн тренер.

Ӕппӕтстилон каратэйӕ ерысты цыдысты 25-27 февралы Цӕгат Ирыстоны Октябры хъӕуы.

0