Капельницӕ

Цӕгат Иры ӕрӕмбырд кодтой 7,5 милуаны уӕззау рынчын лӕппуйы хоскӕнынадӕн

4
(ранӕуӕггонд 14:29 16.11.2020)
Фарастаздзыд Цаллаты Давидыл июны тыхдымгӕйы рӕстӕджы рафӕлдӕхт бӕлас, сывӕллон райста сӕры магъзы уӕззау травмӕ. Бынӕттон реаниматологты фӕрцы лӕппу аирвӕзт, фӕлӕ йӕ ныр хъӕуы серьезон реабилитаци

ЦХИНВАЛ, 16 ноя — Sputnik. Цӕгат Ирыстоны ӕрӕмбырд кодтой ӕхсӕз милуан сомӕй фылдӕр фарастаздзыд Цаллаты Давиды хоскӕнынадӕн, кӕцыйыл тыхдымгӕйы рӕстӕджы июны рафӕлдӕхт бӕлас.

15-й Регион, куыд хъусын кӕны, афтӕмӕй  сывӕллон уӕд райста сӕры магъзы уӕззау травмӕ. Бынӕттон реаниматологты фӕрцы лӕппу аирвӕзт, фӕлӕ йӕ ныр хъӕуы серьезон реабилитации.

Посмотреть эту публикацию в Instagram

Публикация от Давидик Цаллаев (@pobeda_za_davidom)

Схос кӕнынӕй рынчын сывӕллонӕн ныфсытӕ бавӕрдтой испайнаг клиникӕйы. Фӕлӕ реабилитации рацӕуыны бӕрц у 7,5 милуан сомы.

"Хуымӕтӕг, фӕлӕ кӕрӕдзи къухтыл ӕнгом хӕцӕг ирыстойнаг цӕрджытӕ, афтӕ ма райгуырӕн бӕстӕйӕ дард цӕрӕг адӕм ӕрӕмбырд кодтой 6 милуан 146 мин сомы. Иннӕ ӕнӕмӕнгхъӕуӕг суммӕ та баххӕст кодтой ӕбӕрӕг хӕрзгӕнджытӕ – уыдоны нӕ бафӕндыд сӕхи раргом кӕнын. Къуырийы разм нын бӕлицц цы уыд, уый абон сӕххӕст ис", - ныффыстой сывӕллоны ныййарджытӕ социалон хызӕджы Instagram.

Ӕрӕмбырдгонд ӕхцаты фӕрцы лӕппу рацӕудзӕн хоскӕнынад, уый фӕстӕ та дӕргъвӕтин реабилитации испайнаг клиникӕйы.

4
Тагъд ӕххуыс

Цӕгат Иры ноджы дыууӕ адӕймаджы фӕзиан сты коронавирусӕй

1
(ранӕуӕггонд 13:51 03.12.2020)
Ивгъуыд суткӕйы цӕгатирыстойнаг республикӕйы рабӕрӕг ис коронавирусӕй 80 ног рынчыны, хъусын кӕны Роспотребнадзор

ЦХИНВАЛ, 3 дек - Sputnik. Цӕгат Ирыстоны ивгъуыд суткӕйы амардысты дыууӕ адӕймаджы COVID-19 диагнозимӕ, хъусын кӕны РЦИ-Аланийы Роспотребнадзоры пресс-службӕ.

"Цӕгат Ирыстоны 3 декабры 8.00 сахатмӕйы бӕрӕггӕнӕнтӕм гӕсгӕ регистрации ӕрцыд 9682 (+ 79 иу суткӕмӕ) фӕрынчыны цауы ног коронавирусон инфекцийӕ", - банысан кодтой уагдоны.

Фӕрынчынуӕвджытӕй 217 адӕймаджы сты амбулаторон хоскӕнынадыл, 404 хос кӕнынц республикӕйы рынчындӕтты, бафтыдтой Роспотребнадзоры.

Ӕдӕппӕт пандемийы рӕстӕджы республикӕйы сӕнӕниз сты 8982 адӕймаджы. Вирусӕй фӕмардуӕвджыты нымӕц схызт 79 онг.

1
Такси

Дзæуджыхъæуккаг таксисттæ æххуыс кæндзысты коронавирусы ныхмӕ тохгӕнӕг дохтыртӕн

3
(ранӕуӕггонд 13:28 03.12.2020)
Парламенты сӕудӕджерадон  æмæ транспорты комитеты сæрдар Бурдзиуты Валерий фæнысан кодта, республикæйы уæззау эпидемиологон уавæрмæ гæсгæ партийы уæнгтæ кӕй фæсидтысты транспортон куыстутаттæм, цæмæй баххуыс кæной поликлиникæты кусджыты рынчынтæм хæццæ кæныны хъуыддаджы

ЦХИНВАЛ, 3 дек - Sputnik. Дзæуджыхъæуккаг таксисттæ æххуыс кæндзысты поликлиникæты дохтыртæ - ласдзысты сӕ рынчыны цæрæнуæттæм. Уый тыххæй дзырд цыд парти "Иугонд Уæрæсе"-йы регионалон хайады æмбырды, хъусын кæны ПТРК "Алания".

Хъусинагӕй куыд бӕрӕг у, афтӕмӕй ӕмбырды архайдтой транспорты, æнæниздзинадхъахъхъæнынады æмæ бæлцæттæ ласæн фирмæты минæвæрттæ.

Парламенты сӕудӕджерадон  æмæ транспорты комитеты сæрдар Бурдзиуты Валерий фæнысан кодта, республикæйы уæззау эпидемиологон уавæрмæ гæсгæ парти "Иугонд Уæрæсе"-йы уæнгтæ кӕй фæсидтысты транспортон куыстутаттæм, цæмæй баххуыс кæной поликлиникæты кусджыты рынчынтæм хæццæ кæныны хъуыддаджы.

"Пандемийæйы рæстæг дохтыртыл уæззау уаргъ æвæрд ис, уымæ гӕсгӕ нæ фаг кæны транспорт. Дзæуджыхъæуы ӕртӕ поликлиникæимæ кусдзысты такситы дыууӕ фирмæйы", - бадзырдтой ӕмбырды.

Мадзалы ма загътой, шофыртæ кæй нæ куысдзысты коронавирусæй рынчынтимæ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 63 милуан адӕймагӕй фылдӕр, 1,4 милуан рынчынӕй фылдӕр амардысты.

3
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

0
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

0