COVID-19.

Цӕгат Иры COVID-19 рынчыны нымæц схызт 8463 онг Роспотребнадзор

4
(ранӕуӕггонд 12:28 17.11.2020)
Дыццӕджы рнайсоммӕйы бӕрӕггӕнӕнтӕм гӕсгӕ, фӕрынынуӕвджыты иумӕйаг нымӕц республикӕйы схызт 8463 онг, хъусын кӕны Роспотребнадзор

ЦХИНВАЛ, 17 ноя – Sputnik. Цӕгат Ирыстоны фæстаг суткæйы рабӕрӕг кодтой 73 фӕрынчынуӕвӕджы коронавирусон инфекцийӕ, бон раздӕр фехъусын кодтой 72 рынчыны тыххӕй. Дыццӕджы рнайсоммӕйы бӕрӕггӕнӕнтӕм гӕсгӕ, фӕрынчынуӕвджыты иумӕйаг нымӕц республикӕйы схызт 8463 онг, фехъусын кодта дыццӕджы Роспотребнадзор.

- 448 адӕймаджы сты амбулаторон хоскӕнынады.

- 344адӕймаджы хос кӕнынц республикӕйы медицинон уагдӕтты.

- 7558 адӕймаджы сӕнӕнниз сты.

- 73 адӕймаджы амардысты.

Дунейы бӕстӕтӕй COVID-19 кӕм тынгдӕр апарахат ис, уыцы рейтингы Уӕрӕсе ахсы цыппӕрӕм бынат АИШ, Инди ӕмӕ Бразилийы фӕстӕ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми.

4
Сабанты Александр

Ирыстойнаг хъӕбысӕйхӕцӕг рамбылдта сыгъзӕрин майдан Уӕрӕсейы фыццагады

2
(ранӕуӕггонд 15:42 04.12.2020)
Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй

ЦХИНВАЛ, 4 дек — Sputnik. Ирон богал Сабанты Александр ссис Уӕрӕсейы фыццагады уӕлахиздзау уӕгъдибар хъӕбысхӕстӕй, хъусын кӕны Цӕгат Ирыстоны спорты министрады пресс-службӕ.

Уӕрӕсейы фыццагад уӕгъдибар хъӕбысхӕстӕй 23 азы кары онг спортсменты хсӕн уагъд цӕуы Смоленскы.

Финалон тохы 61 килограммы уӕзы категорийы Сабанты Александр рамбылдта Ай-Белек Монгушы Тывайӕ 11:0 хыгъдӕй.

"Финалмӕ фӕндагыл Сабанты Александр нӕ фембылд иу балл дӕр. Квалификацийы рамбылдта Яков Павловы 11:0 хыгъдӕй, финалы 1/8 – Гаглойты Зауыры 10:0 хыгъдӕй, финалы цыппӕрӕм хайы 5:0 хыгъды тушейыл рамбылдта Рахим Гурдалиевы, ӕрдӕгфинадлы та Бикъойты Вадимы 10:0 хыгъдӕй", - дзырдӕуы хъусинаджы.

Пресс-службӕйы бафтыдой, зӕгъгӕ, ирон хъӕбысӕйхӕцджытӕ рамбылдтой ноджы дыууӕ ӕвзист ӕмӕ ӕртӕ бронзӕйон майданы. Ӕвзист майдантӕ рамбылдтой Толпарты Аслан (92 кг) ӕмӕ Хынцӕгты Сослан (125 кг), бронзӕйон майданты хицӕуттӕ та баисты Дзукъаты Роберт (74 кг), Цкъаты Сослан ӕмӕ Цхуырбаты Артем (92 кг).

Афтӕ ма, майрӕмбоны сыгъзӕрин майданыл 97 килограммы уӕзы категорийы тох кӕндзӕн Хуыгаты Хох.

2
Хуыгаты Алан

Алцыдӕр сараздзӕн уӕлахизӕн: Хуыгаты Алан Дзӕуджыхъӕуы боксы изӕрмӕ цӕттӕкӕнынады тыххӕй

6
Боксер Хуыгаты Алан радзырдта Sputnik, кӕй у цӕттӕ алкӕцы раундмӕ дӕр, фӕлӕ уӕддӕр нывӕнды фӕуын тох нокаутӕй

ЦХИНВАЛ, 4 дек – Sputnik, Хъуылымбегты Азӕмӕт. Ирон боксер Хуыгаты Алан, кӕцы нырма иу хатт дӕр нӕ фембылд, хайад райсдзӕн боксы изӕры Дзӕуджыхъӕуы 10 декабры.

"Ӕз цӕттӕ дӕн алкӕцы раундмӕ дӕр, фӕлӕ уӕддӕр нывӕндын фӕуын тох ӕмгъуыдӕй раздӕр. Тох цӕудзӕн мӕ райгуырӕн горӕты, ӕмӕ ӕз алцыдӕр сараздзӕн, цӕмӕй рамбулон", - радзырдта Хуыгаты Алан.

Спортсмены тренер Сланты Виталий фехъусын кодта Sputnik, Хуыгаты Алан кӕй у цӕттӕ ӕмӕ нӕ сараздзӕн рӕдыдтытӕ ацы тохы.

"Алан у иууыл тӕссагдӕр боксертӕй сӕ иу йӕ уӕзы категорийы – мах нӕ дызӕрдыг кӕнӕм йӕ уӕлахизы", - банысан кодта Сланты Виталий.

Алан архайы 63 килограммы уӕзы категорийы. Боксер ис 20-ӕм бынатыл Уӕрӕсейы Боксы федерацийы рейтингы йӕхи уӕзы категорийы.

6