Хуссар Иры журналистты хонынц хайад райсын РЦИ-Аланийы сӕргълӕууӕджы премийы конкурсы

Хуссар Иры журналистты хонынц хайад райсын РЦИ-Аланийы сӕргълӕууӕджы премийы конкурсы

4
(ранӕуӕггонд 11:50 03.12.2020)
Номинаци "Иудзинад"-ы хуыздӕр куысты автор райсдзӕн Цӕгат Ирыстоны сӕргълӕууӕджы преми 50 мин сомы бӕрц

ЦХИНВАЛ, 3 дек - Sputnik. Цӕгат Ирыстоны радон хатт ратдзысты РЦИ-Аланийы сӕргълӕууӕджы преми иууыл хуыздӕр журналистон куысты тыххӕй, конкурсы хайад райсынмӕ хонынц Хуссар Ирыстоны цӕрджыты дӕр.

Цӕгат Ирыстоны сӕргълӕууӕджы преми дӕттынц цалдӕр номинацийы: "Тема года" (2020 – Год памяти и Славы), "Честь и слава", "Траектория будущего/ Фидӕн", "Проба пера" и "Единение". Фӕстаг номинацийы хайад исынц Хуссар Ирыстоны журналистты публикацитӕ ӕмӕ ӕндӕр информацион ӕрмӕджытӕ.

Цӕгат Ирыстоны мыхуыр ӕмӕ массон коммуникациты хъуыддӕгты фӕдыл комитеты пресс-службӕ куыд хъусын кӕны, афтӕмӕй конкурсмӕ уадзынц ӕрмӕджытӕ, кӕцытӕ рацыдысты 2020 азы 1 январӕй 1 декабры онг. Хайад райсыны фӕдыл куырдиӕттӕ ист цӕудзысты 10 декабры онг.

Конкурсы фӕдыл ӕххӕст информаци гӕнӕн ис базонын комитеты сайтыл.

4
Ваннæ

Цæгат Иры æнахъом саби фæхуыдыг ваннæйы

4
(ранӕуӕггонд 12:58 22.01.2021)
Фæдысгæрсты версимæ гæсгæ, Дыгургомы 33-аздзыд цæрæг хъуамæ ныннадтаид йæ чысыл сывæллæтты, сбадын сæ кодта ваннæйы, рауагъта дон æмæ рахызт телефонæй дзурынмæ. Ацы æнæхъола ахасты тыххæй фарастмæйдзыд лæппу фæхуыдыг

ЦХИНВАЛ, 22 янв — Sputnik. Цæгатирыстойнаг фæдагурджытæ æвзарынц уголовон хъуыддаг бынæттон сылгоймаджы ныхмæ, кæцы аххосджын цæуы йæ æнæбæрнон ахасты тыххæй æнахъом сывæллоны мæлæты. Уый тыххæй хъусын кæны Цæгат Иры Слестгæнæн комитеты пресс-службæ.

Фæдысгæрсты версимæ гæсгæ, Дыгургомы 33-аздзыд цæрæг хъуамæ ныннадтаид йæ чысыл сывæллæтты - фарастмæйдзыд лæппу æмæ дыууæаздзыд чызджы, сбадын сæ кодта ваннæйы, рауагъта дон æмæ рахызт телефонæй дзурынмæ.

"Сылгоймаг дон рауагъта æмæ рахызт ваннæйон хатæнæй, сывæллæтты иунæгæй ныууадзгæйæ, æмæ дзырдта мобилон телефонæй. Ацы æнæхъола ахасты тыххæй фарастмæйдзыд лæппу фæныхъуырдта дон æмæ фæхуыдыг", - дзырдæуы хъусинаджы.

Сылгоймаджы ныхмæ барадхъахъхъæнæг органтæ бакодтой уголовон хъуыддаг статья "причинение смерти по неосторожности"-мæ гæсгæ, сгæрст цæрынц, сывæллæттæ цы уавæрты цардысыты бинонтæм.

4
Вакцинаци

Битарты Вячеслав: Цӕгат Ир цӕттӕ кӕны массон вакцинацимӕ коронавирусы ныхмӕ

3
(ранӕуӕггонд 11:20 15.01.2021)
Цӕгат Ирыстоны сӕргълӕууӕджы ныхӕстӕм гӕсгӕ, уыдон ӕнхъӕлмӕ кӕсынц вакцинӕйы егъау партимӕ

ЦХИНВАЛ, 15 янв — Sputnik. Цӕгат Ирыстонмӕ абоны бон ӕрластой COVID-19-ы ныхмӕ вакцинӕйы 842 комплекты. Ӕнхъӕлмӕ кӕсынц ноджы егъау партимӕ, цӕмӕй райдайой республикӕйы цӕрджыты массон вакцинаци. Уый тыххӕй фехъусын кодта республикӕйы разамонӕг Битарты Вячеслав "Россия 24"-йы эфиры.

Битарты Вячеславы ныхӕстӕм гӕсгӕ, ӕнӕниздзинад хъахъхъӕнынады министрад ныридӕгӕн хъусын кӕны ацы информаци ӕмбӕстӕгтӕн.

"Республикӕйы ӕнӕниздзинад хъахъхъӕнынады министрад сарӕзта фӕндагон картӕ, кӕцыйы фӕлгӕтты хъусын кӕндзысты информаци ӕмбӕстӕгтӕн. Алкӕмӕндӕр ис фадат бацӕуын горӕты ӕртӕ поликлиникӕмӕ ӕмӕ саразын прививкӕ", - банысан кодта Битарты Вячеслав.

Амӕйразмӕ Уӕрӕсейы президент Владимир Путин хицауады уӕнгтимӕ рабадтыл бахӕс кодта райдайын цӕрджыты массон вакцинаци коронавирусы ныхмӕ.

3
Кокойты Тарзан

Кокойты Тарзан: Дзуццаты Хадзы-Мураты фæзынд ирон поэзийы уыд уникалон

0
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæй
Кокойты Тарзан: Дзуццаты Хадзы-Мураты фæзынд ирон поэзийы уыд уникалон

Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.

"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.

Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.

"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.

Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.

Лæмбынæгдæр хъусут аудиоæрмæджы.

0
Темӕтӕ:
Радио иронау