Цӕгат Ир райсдзӕн COVID-19-ы ныхмӕ вакцинӕйы ног парти

9
(ранӕуӕггонд 15:58 07.12.2020)
Мӕйы размӕ коронавирусы ныхмӕ прививкӕ сарӕзтой 42 адӕймаджы. Ӕнӕниздзинад хъахъхъӕнынады министрады куыд банысан кодтой, афтӕмӕй нырма вакцинӕйӕ ницы ӕппӕрццаг фӕстиуджытӕ рахатыдтой

ЦХИНВАЛ, 7 дек - Sputnik. Цӕгат Ирыстонмӕ къуырийы кӕрӕттӕм ӕрласдзысты коронавирусы ныхмӕ вакцинӕйы 400 дозӕйы. Уый тыххӕй хъусын кӕны ПТРК "Алания" республикӕйы  Ӕнӕниздзинад хъахъхъӕнынады министры хӕдивӕг Томайты Тамарайы ныхӕстыл нцойгӕнгӕйӕ.

Вакцинӕ ӕрласдзысты Дзӕуджыхъӕуы фыццаг полликлиникӕмӕ, фӕстӕдӕр та, иннӕ партиты райстимӕ прививкӕ саразыны фадат уыдзӕн ӕндӕр горӕты поликлиникӕты дӕр.

"Мӕйы размӕ прививкӕ сарӕзтой 42 адӕймаджы. Уыдон нырма вакцинӕйӕ ницы ӕппӕрццаг фӕстиуджытӕ рахатыдтой. Вакцинӕ кусы. Сидӕм цӕрджытӕм, цӕмӕй ӕнӕмӕнгӕй саразой прививкӕтӕ", - загъта министрады минӕвар.

Томайты Тамара ма банысан кодта, COVID-19 апарахатимӕ сӕвзӕргӕ уавӕр нырма дӕр кӕй у вазыгджын ӕмӕ радон хатт ӕрсидт цӕрджытӕм, цӕмӕй ӕхӕст кӕной Роспотребнадзоры уынаффӕтӕ.

9
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3
Аэропорт Дзӕуджыхъӕу

Дзӕуджыхъӕуы аэропорт сног кодта йӕ куыст штатон режимы

3
(ранӕуӕггонд 11:25 24.02.2021)
Аэропорт сӕхгӕдтой 23 февралы ӕвзӕр боныгъӕды тыххӕй. Авивакомпанитӕ сифтонг кодтой пассажирты хӕринаг ӕмӕ нозтӕй

ЦХИНВАЛ, 24 фев - Sputnik. Аэропорт "Дзӕуджыхъӕу" ӕртыццӕджы, 24 февралы, сног кодта йӕ куыст штатон режимы. Уый тыххӕй хъусын кӕны 15-ӕм Регион аэропорты PR-менеджеры ныхӕстыл ӕнцойгӕнгӕйӕ.

"Ӕввахс рӕстӕджы атӕхдзысты дыууӕ рейсы, кӕцытӕ уый размӕ ӕрурӕдтой. Авиакомпанитӕ пассижирты ӕхсӕвы бакодтой уазӕгдӕттӕм", - банысан кодта ныхасӕмбал.

Аэропорт сӕхгӕдтой 23 февралы 13:40 сахатӕй ӕвзӕр боныгъӕды тыххӕй. Аэропорты ӕрурӕдтой дыууӕ хӕдтӕхӕджы. Авивакомпанитӕ сифтонг кодтой пассажирты хӕринаг ӕмӕ нозтӕй.

3