Ирон самбисттӕ ссисты иууыл хуыздӕр Цӕгат Кавказы

Ирон самбисттӕ ссисты иууыл хуыздӕр Цӕгат Кавказы

6
(ранӕуӕггонд 13:00 15.12.2020)
ЦКФЗ чемпионат ацыд Нальчикы. Хъӕбысӕйхӕцджытӕ тох кодтой ӕрмӕст бӕрзонд хорзӕхтыл нӕ, фӕлӕ ма Уӕрӕсейы чемпионатмӕ балцӕгтыл дӕр

ЦХИНВАЛ, 15 дек — Sputnik. Ирон самбисттӕ рамбылдтой аст хорзӕхы Цӕгат Кавказы федералон зылды (ЦКФЗ) чемпионаты, хъусын кӕны Цӕгат Ирыстоны спорты министрады пресс-службӕ.

Икъаты Сӕрмӕт
© Photo : Из личного архива Артура Плиева

ЦКФЗ чемпионат ацыд Нальчикы. Хъӕбысӕйхӕцджытӕ тох кодтой ӕрмӕст бӕрзонд хорзӕхтыл нӕ, фӕлӕ ма Уӕрӕсейы чемпионатмӕ балцӕгтыл дӕр.

"Цӕгат Ирыстоны командӕ рамбылдта ӕртӕ сыгъзӕрин, ӕртӕ ӕвзист ӕмӕ дыууӕ бронзӕйон майданы. Кады пьедесталы фыццаг къӕпхӕнмӕ схызтысты Гаглойты Эллина ( 54 килолграммы) ӕмӕ Цырыхты Дана (59 килограммы)", - дзырдӕуы хъусинаджы.

Елойты Георгий (64 кг), Елизавета Кузьмина (54 кг), Къӕбысты Элланда (72 кг) ссисты турниры ӕвзист призертӕ.

Чемпионаты бронзӕйон хорзӕхтӕ та райстой Кокайты Кристина ӕмӕ Лазарты Алана (50 кг).

Ирыстоны минӕвӕрттӕй ноджы иу – Джанайты Сослан – бацахста фыццаг бынат хӕстон самбойы чемпионаты 98 килограммы уӕзы категорийы.

6
Цхинвайлаг армрестлер рамбылдта Цӕгат Иры чемпионат

Цхинвайлаг армрестлер рамбылдта Цӕгат Иры чемпионат

25
(ранӕуӕггонд 15:08 25.01.2021)
Хӕбӕлаты Арсен фӕстаг мӕйы йе 'нтыстджын ралӕудты фӕрцы дыууӕ хатт бацис сызгъӕрин майданты хицау ӕмӕ райста балцӕгтӕ бӕрзонддӕр ӕмвӕзады ерыстӕм

ЦХИНВАЛ, 25 янв — Sputnik, Плиты Фатимӕ. Хуссарирыстойнаг спортсмен Хӕбӕлаты Арсен рамбылдта Цӕгат Ирыстоны чемпионат армспортӕй. Ерысты фӕлгӕтты лӕппу фӕуӕлахиз ис авд спортсменыл, уый тыххӕй Sputnik фехъусын кодта йӕ тренер Джиоты Валерий.

Хӕбӕлаты Арсен мӕйы размӕ та рамбылдта Цӕгат Ирыстоны фыццагад фӕсивӕды хсӕн.

"Арсен рамбылдта 80 кг уӕзы, мӕйы размӕ та уыд тыхджындӕр ӕрыгӕтты хсӕн Цӕгат Ирыстоны фыццагады", - загъта тренер.

Йӕ ныхӕстӕм гӕсгӕ, Хӕбӕлаты Арсен йӕ уӕлахизты фӕрцы райста балцӕгтӕ Уӕрӕсейы фыццагад ӕмӕ чемпионатмӕ дӕр.

"Кӕд нырмӕ лӕппуйӕн йе 'нтыстытӕ уыдысты ӕрыгӕтты хсӕн, уӕд ныр та басаста чемпионаты ӕмвӕзад дӕр", - бафтыдта уый.

Ивгъуыд азы Цӕгат Ирыстоны чемпионаты Хӕбӕлаты Арсен ссис ӕвзист призер. У ӕрыгӕтты хсӕн Уӕрӕсейы фыццагады уӕлахиздзау, дуне ӕмӕ Европӕйаг ерысты призер. Архайгӕ армрестлертӕй у иууыл ӕнтыстджындӕр Гасситы Сосланы фӕстӕ.

25
Ваннæ

Цæгат Иры æнахъом саби фæхуыдыг ваннæйы

4
(ранӕуӕггонд 12:58 22.01.2021)
Фæдысгæрсты версимæ гæсгæ, Дыгургомы 33-аздзыд цæрæг хъуамæ ныннадтаид йæ чысыл сывæллæтты, сбадын сæ кодта ваннæйы, рауагъта дон æмæ рахызт телефонæй дзурынмæ. Ацы æнæхъола ахасты тыххæй фарастмæйдзыд лæппу фæхуыдыг

ЦХИНВАЛ, 22 янв — Sputnik. Цæгатирыстойнаг фæдагурджытæ æвзарынц уголовон хъуыддаг бынæттон сылгоймаджы ныхмæ, кæцы аххосджын цæуы йæ æнæбæрнон ахасты тыххæй æнахъом сывæллоны мæлæты. Уый тыххæй хъусын кæны Цæгат Иры Слестгæнæн комитеты пресс-службæ.

Фæдысгæрсты версимæ гæсгæ, Дыгургомы 33-аздзыд цæрæг хъуамæ ныннадтаид йæ чысыл сывæллæтты - фарастмæйдзыд лæппу æмæ дыууæаздзыд чызджы, сбадын сæ кодта ваннæйы, рауагъта дон æмæ рахызт телефонæй дзурынмæ.

"Сылгоймаг дон рауагъта æмæ рахызт ваннæйон хатæнæй, сывæллæтты иунæгæй ныууадзгæйæ, æмæ дзырдта мобилон телефонæй. Ацы æнæхъола ахасты тыххæй фарастмæйдзыд лæппу фæныхъуырдта дон æмæ фæхуыдыг", - дзырдæуы хъусинаджы.

Сылгоймаджы ныхмæ барадхъахъхъæнæг органтæ бакодтой уголовон хъуыддаг статья "причинение смерти по неосторожности"-мæ гæсгæ, сгæрст цæрынц, сывæллæттæ цы уавæрты цардысыты бинонтæм.

4
Хуссар Иры теннисисткӕтӕ райстой фондз призоны бынат ЦКФЗ ерысты

Фыццаг ахӕм ӕнтыст: цхинвайлаг теннисисткӕ райста балцӕг Уӕрӕсейы чемпионатмӕ

0
(ранӕуӕггонд 12:37 26.01.2021)
Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст республикӕйы историйы у фыццаг

ЦХИНВАЛ, 26 янв — Sputnik, Плиты Фатимӕ. Хуссарирыстойнаг теннисисткӕтӕ бацахстой фондз призон бынаты Цӕгат Кавказы Федералон зылды ерысты. Елбачиты Ирина, Кокойты Аманда ӕмӕ Джиголаты Аланӕ ӕрхастой цыппар ӕвзист ӕмӕ иу бронзӕйон майданы, фехъусын кодта Sputnik уӕлыстол теннисы Федерацийы хистӕр, уӕлдӕр спортивон дӕсныйы скъолайы тренер Джиоты  Мириан.

"Цӕгат Ирыстоны командӕйы сконды архайдтой нӕ чызджытӕ ӕртӕйӕ - Елбачиты Ирина, Кокойты Аманда ӕмӕ Джиголаты Алана ӕмӕ райстой дыккаг бынат, уыдон фӕхӕрд сты ӕрмӕст фысым командӕйӕн. Фыццаг хатт систӕм дыккаг призертӕ",-  бафтыдта уый.

Йӕ ныхӕстӕм гӕсгӕ, фыццаг хатт нӕ республикӕйы историйы Хуссар Ирыстоны минӕвӕр Елбачиты Ирина райста балцӕг Уӕрӕсейы чемпионатмӕ индивидуалон ерысты архайгӕйӕ.

"Елбачиты Ирина хисӕрмагонд ерысты куыд ӕвзист призер, афтӕ райста балцӕг ӕмӕ апрелы тох кӕндзӕн Мӕскуыйы. Ахӕм ӕнтыст нӕ республикӕйы историйы у фыццаг. Уымӕй дарддӕр ЦКФЗ ерыстӕ Елбачиты чызгӕн уыдысты ӕнтыстджын - уый къайон ерысты та Цӕгат Ирыстоны минӕвар Лапина Светланаимӕ бацахста ӕртыккаг бынат", - загъта тренер.

Цӕгат Кавказы Федералон зылды ерыстӕ теннисӕй цыдысты Кӕсӕг-Балхъары Республикӕйы.

0