Ирон самбисттӕ ссисты иууыл хуыздӕр Цӕгат Кавказы

Ирон самбисттӕ ссисты иууыл хуыздӕр Цӕгат Кавказы

8
(ранӕуӕггонд 13:00 15.12.2020)
ЦКФЗ чемпионат ацыд Нальчикы. Хъӕбысӕйхӕцджытӕ тох кодтой ӕрмӕст бӕрзонд хорзӕхтыл нӕ, фӕлӕ ма Уӕрӕсейы чемпионатмӕ балцӕгтыл дӕр

ЦХИНВАЛ, 15 дек — Sputnik. Ирон самбисттӕ рамбылдтой аст хорзӕхы Цӕгат Кавказы федералон зылды (ЦКФЗ) чемпионаты, хъусын кӕны Цӕгат Ирыстоны спорты министрады пресс-службӕ.

Икъаты Сӕрмӕт
© Photo : Из личного архива Артура Плиева

ЦКФЗ чемпионат ацыд Нальчикы. Хъӕбысӕйхӕцджытӕ тох кодтой ӕрмӕст бӕрзонд хорзӕхтыл нӕ, фӕлӕ ма Уӕрӕсейы чемпионатмӕ балцӕгтыл дӕр.

"Цӕгат Ирыстоны командӕ рамбылдта ӕртӕ сыгъзӕрин, ӕртӕ ӕвзист ӕмӕ дыууӕ бронзӕйон майданы. Кады пьедесталы фыццаг къӕпхӕнмӕ схызтысты Гаглойты Эллина ( 54 килолграммы) ӕмӕ Цырыхты Дана (59 килограммы)", - дзырдӕуы хъусинаджы.

Елойты Георгий (64 кг), Елизавета Кузьмина (54 кг), Къӕбысты Элланда (72 кг) ссисты турниры ӕвзист призертӕ.

Чемпионаты бронзӕйон хорзӕхтӕ та райстой Кокайты Кристина ӕмӕ Лазарты Алана (50 кг).

Ирыстоны минӕвӕрттӕй ноджы иу – Джанайты Сослан – бацахста фыццаг бынат хӕстон самбойы чемпионаты 98 килограммы уӕзы категорийы.

8
Кард

Цӕгат Иры цӕрӕг аххосджын цӕуы йӕ мады амарыны

10
(ранӕуӕггонд 11:06 27.04.2021)
Цӕгат Ирыстоны Майрӕмададжы хъӕуы хисӕрмагонд хӕдзӕрттӕй иуы 20 апрелы ссардӕуыд 83-аздзыд сылгоймаджы мӕрдон буар кардӕй бирӕнымӕц цӕфтимӕ

ЦХИНВАЛ, 27 апр - Sputnik. Цӕгат Ирыстоны ӕхсайаздзыд цӕрӕгмӕ зӕрдӕ ӕхсайы йӕ ныййарӕг мады амарыны, хъусын кӕны регионы Слестгӕнӕн комитеты слестгӕнӕн управленийы пресс-службӕ.

"Фыдгӕнӕгӕн ӕввахс рӕстӕджы равзардзысты ахӕсты амӕлттӕ ӕмӕ йын рахӕсдзысты йӕ мады амарыны фӕдыл зылынгӕнӕн скъуыддзаг", - дзырдӕуы хъусинаджы.

Цӕгат Ирыстоны Майрӕмададжы хъӕуы хисӕрмагонд хӕдзӕрттӕй иуы 20 апрелы ссардӕуыд 83-аздзыд сылгоймаджы мӕрдон буар кардӕй бирӕнымӕц цӕфтимӕ.

10
ТрИрыстойнаг каратисткӕтӕ рамбылдтой ӕртӕ майданы Уӕрӕсейы фыццагады Омскы

Ирыстойнаг каратисткӕтӕ рамбылдтой ӕртӕ майданы Уӕрӕсейы фыццагады Омскы

6
(ранӕуӕггонд 14:49 20.04.2021)
Ирон спортсменкӕтӕ рамбылдтой иу ӕвзист ӕмӕ дыууӕ бронзӕйон майданы. Ерыстӕ ӕрӕмбырд кодтой 900 спортсмены 57 регионӕй

ЦХИНВАЛ, 20 апр — Sputnik. Цӕгат Ирыстоны минӕвӕрттӕ рамбылдтой ӕртӕ майданы Уӕрӕсейы фыццагады каратэйӕ Омскы. Ирон спортсменкӕтӕ райстой иу ӕвзист ӕмӕ дыууӕ бронзӕйон майданы, хъусын кӕны республикӕйы спорты министрады пресс-службӕ.

Три медали завоевали осетинские спортсменки на первенстве России по каратэ
Ирыстойнаг каратисткӕтӕ рамбылдтой ӕртӕ майданы Уӕрӕсейы фыццагады Омскы

Ӕвзист призер 68 килограммы уӕзы категорийы ссис Виктория Бубликова. Кады пьедесталы ӕртыккаг къӕпхӕнмӕ схызтысты Цораты Илина (14-15 азы, 54 кг) ӕмӕ Борӕдзӕуты  Камила (16-17 азы, 53 кг). Ерысты хайад райстой 900 спортсмены 57 регионӕй.

Амӕйразмӕ цӕгатирыстойнаг спортсменкӕ Таймӕзты Мӕдинӕ ссис Европӕйы чемпионаты бронзӕйон призер Лиссабоны.

6
Харебаты Вадим

Харебаты Вадим: ныффыстон бирæ ног зарджытæ

2
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

2
Темӕтӕ:
Радио иронау