Цӕгат Иры 130 адӕймагӕй фылдӕр сарӕзтой привикӕтӕ коронавирусӕй

Цӕгат Иры 130 адӕймагӕй фылдӕр сарӕзтой прививкӕтӕ коронавирусӕй

4
(ранӕуӕггонд 11:20 13.01.2021)
Республикӕйы пандемийы райдайӕнӕй сбӕрӕг кодтой коронавирусӕй 13 мин рынчынӕй фылдӕр, 12 мин пациентӕй фылдӕр сӕнӕниз сты, 101 адӕймаджы амардысты

ЦХИНВАЛ, 13 янв — Sputnik. Цӕгат Ирыстоны 137 адӕймаджы сарӕзтой прививкӕ коронавирусӕй, уыдон иууылдӕр сӕхи хатынц хорз. Уый тыххӕй хъусын кӕны 15-ӕм Регион республикӕйы ӕнӕниздзинад хъахъхъӕнынады министрады пресс-службӕйыл ӕнцойгӕнгӕйӕ.

Ӕвдӕм поликлиникӕйы дохтыр-эпидемиолог Юлия Жирнякы ныхӕстӕм гӕсгӕ, вакцинаци уагъд цӕуы дыууӕ этапӕй.

Прививкӕтӕ сарӕзтой алыгъуызон категориты адӕмӕн. Вакцинӕ хъӕуы аразын медицинӕ, ахуырады кусджытӕн, бирӕ адӕмимӕ чи кусы, уыдонӕй алкӕмӕн дӕр",  - загъта дохтыр.

Специалисты ныхӕстӕм гӕсгӕ, прививкӕ аразын нӕй гӕнӕн адӕмӕн, кӕцытӕ ӕрдӕг азы дӕргъы уыдысты рынчын коронавирусӕй, 18 азы кары онг ӕмбӕстӕгтӕн, афтӕ ма ӕвгъӕдджын сылгоймӕгтӕн. Вакцинацийы размӕ ӕмбӕстӕгтӕ рацӕуынц басгӕрст иммуноглобулины фӕдыл.

Республикӕйы пандемийы райдайӕнӕй сбӕрӕг кодтой коронавирусӕй 13 095 рынчыны (+ 82 иу суткӕмӕ), 12 408 пациенты сӕнӕниз сты, 101 адӕймаджы амардысты.

4
Цхинвайлаг армрестлер рамбылдта Цӕгат Иры чемпионат

Цхинвайлаг армрестлер рамбылдта Цӕгат Иры чемпионат

25
(ранӕуӕггонд 15:08 25.01.2021)
Хӕбӕлаты Арсен фӕстаг мӕйы йе 'нтыстджын ралӕудты фӕрцы дыууӕ хатт бацис сызгъӕрин майданты хицау ӕмӕ райста балцӕгтӕ бӕрзонддӕр ӕмвӕзады ерыстӕм

ЦХИНВАЛ, 25 янв — Sputnik, Плиты Фатимӕ. Хуссарирыстойнаг спортсмен Хӕбӕлаты Арсен рамбылдта Цӕгат Ирыстоны чемпионат армспортӕй. Ерысты фӕлгӕтты лӕппу фӕуӕлахиз ис авд спортсменыл, уый тыххӕй Sputnik фехъусын кодта йӕ тренер Джиоты Валерий.

Хӕбӕлаты Арсен мӕйы размӕ та рамбылдта Цӕгат Ирыстоны фыццагад фӕсивӕды хсӕн.

"Арсен рамбылдта 80 кг уӕзы, мӕйы размӕ та уыд тыхджындӕр ӕрыгӕтты хсӕн Цӕгат Ирыстоны фыццагады", - загъта тренер.

Йӕ ныхӕстӕм гӕсгӕ, Хӕбӕлаты Арсен йӕ уӕлахизты фӕрцы райста балцӕгтӕ Уӕрӕсейы фыццагад ӕмӕ чемпионатмӕ дӕр.

"Кӕд нырмӕ лӕппуйӕн йе 'нтыстытӕ уыдысты ӕрыгӕтты хсӕн, уӕд ныр та басаста чемпионаты ӕмвӕзад дӕр", - бафтыдта уый.

Ивгъуыд азы Цӕгат Ирыстоны чемпионаты Хӕбӕлаты Арсен ссис ӕвзист призер. У ӕрыгӕтты хсӕн Уӕрӕсейы фыццагады уӕлахиздзау, дуне ӕмӕ Европӕйаг ерысты призер. Архайгӕ армрестлертӕй у иууыл ӕнтыстджындӕр Гасситы Сосланы фӕстӕ.

25
Ваннæ

Цæгат Иры æнахъом саби фæхуыдыг ваннæйы

4
(ранӕуӕггонд 12:58 22.01.2021)
Фæдысгæрсты версимæ гæсгæ, Дыгургомы 33-аздзыд цæрæг хъуамæ ныннадтаид йæ чысыл сывæллæтты, сбадын сæ кодта ваннæйы, рауагъта дон æмæ рахызт телефонæй дзурынмæ. Ацы æнæхъола ахасты тыххæй фарастмæйдзыд лæппу фæхуыдыг

ЦХИНВАЛ, 22 янв — Sputnik. Цæгатирыстойнаг фæдагурджытæ æвзарынц уголовон хъуыддаг бынæттон сылгоймаджы ныхмæ, кæцы аххосджын цæуы йæ æнæбæрнон ахасты тыххæй æнахъом сывæллоны мæлæты. Уый тыххæй хъусын кæны Цæгат Иры Слестгæнæн комитеты пресс-службæ.

Фæдысгæрсты версимæ гæсгæ, Дыгургомы 33-аздзыд цæрæг хъуамæ ныннадтаид йæ чысыл сывæллæтты - фарастмæйдзыд лæппу æмæ дыууæаздзыд чызджы, сбадын сæ кодта ваннæйы, рауагъта дон æмæ рахызт телефонæй дзурынмæ.

"Сылгоймаг дон рауагъта æмæ рахызт ваннæйон хатæнæй, сывæллæтты иунæгæй ныууадзгæйæ, æмæ дзырдта мобилон телефонæй. Ацы æнæхъола ахасты тыххæй фарастмæйдзыд лæппу фæныхъуырдта дон æмæ фæхуыдыг", - дзырдæуы хъусинаджы.

Сылгоймаджы ныхмæ барадхъахъхъæнæг органтæ бакодтой уголовон хъуыддаг статья "причинение смерти по неосторожности"-мæ гæсгæ, сгæрст цæрынц, сывæллæттæ цы уавæрты цардысыты бинонтæм.

4
Кафе Vincenzo

Прокуратурӕ басгӕрста хъусинаг Цхинвалы кафе "Vincenzo"-йы мыздты фӕурӕды фӕдыл

1
(ранӕуӕггонд 13:17 26.01.2021)
Генералон прокуратурӕ ауагъта басгӕрст социалон хызӕг Instagram-ы куы ныммыхуыр кодтой информаци уагдоны кусджытӕн мыздты нӕ бафидыны тыххӕй, уый фӕдыл

ЦХИНВАЛ, 26 янв - Sputnik. Хуссар Ирыстоны Генпрокуратурӕ ауагъта басгӕрст столицӕйы кафе "Vincenzo"-йы мыздтӕ нӕ фидыны фӕдыл.

Ӕмбӕлон барамынд радта республикӕйы генпрокурор Дзӕгъиаты Уырызмӕг социалон хызӕг Instagram-ы куы фӕзынд хъусинаг, ома 2020 азы мартӕй фӕстӕмӕ кафейы кусджытӕн мызд нӕ фидынц, уый фӕстӕ.

Уагдоны пресс-службӕ куыд хъусын кӕны, афтӕмӕй прокуророн басгӕрсты рӕстӕджы ӕркастысты мызды фӕдыл документтӕм фарон мартӕй фӕстӕмӕ ныры рӕстӕджы онг периоды.

"Афтӕ ма ӕрныхас кодтой кафейы кусджытимӕ, кӕцытӕ банысан кодтой, мызд сын кӕй фидынц рӕстӕгыл фӕллойады бадзырдты домӕнтӕм гӕсгӕ", - дзырдӕуы хъусинаджы.

Басгӕрсты фӕстиуджытӕм гӕсгӕ, информаци, кӕцы ныммыхуыр кодтой социалон хызӕджы, не сфидар кодтой.

1