Коронавирус

Цӕгат Иры Роспотребнадзоры фехъусын кодтой ног бӕрӕггӕнӕнтӕ коронавирусы фӕдыл

6
Республикӕйы пандемийы рӕстӕджы сбӕрӕг кодтой 14 381 фӕрынчынуӕвӕджы, уыдонӕй 13 646 сӕнӕниз сты, 115 адӕймаджы амардысты

ЦХИНВАЛ, 29 янв – Sputnik. Цӕгат Ирыстоны сбӕрӕг кодтой 65 ног рынчыны коронавирусӕй. Майрӕмбоны райсоммӕйы бӕрӕггӕнӕнтӕм гӕсгӕ, фӕрӕнчынуӕвджыты иумӕйаг нымӕц у 14 381.

"Республикӕ Цӕгат Ирыстон-Аланийы 29 январы 8:00 сахатмӕ сбӕрӕг кодтой 14 381 (+65 иу суткӕмӕ) фӕрынчынуӕвӕджы коронавирусон инфекцийӕ", - фехъусын кодтой Роспотребнадзоры.

Фӕрынчынуӕвджытӕй 13 646 сӕнӕниз сты, 115 адӕймаджы та амардысты. Республикӕйы медицинон уагдӕтты хоскӕнынад цӕуынц 282 адӕймаджы, 338 адӕймаджы та сты амбулаторон хоскӕнынады.

Уӕрӕсейы иу суткӕмӕ коронавирус бахӕцыд 19 138 адӕймагыл. Пандемийы рӕстӕджы коронавирусӕй ӕдӕппӕт фӕрынчын сты 3 793 810 адӕймаджы, уыдонӕй 3 229 258 сӕнӕниз сты, 71 655 адӕймаджы та амардысты.

6
Ирон богал ссис Уӕрӕсейы чемпион греко-римаг хъӕбысхӕстӕй

Ирон богал ссис Уӕрӕсейы чемпион греко-римаг хъӕбысхӕстӕй

5
(ранӕуӕггонд 11:41 03.03.2021)
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй

ЦХИНВАЛ, 3 мар – Sputnik. Ирон богал Теблойты Давид рамбылдта сыгъзӕрин майдан Уӕрӕсейы чемпионаты греко-римаг хъӕбысхӕстӕй 18 азы кары онг спортсменты хсӕн, хъусын кӕны 15-ӕм Регион.

Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй.

Афтӕ ма, турниры бронзӕйон призертӕ ссисты Теблойты Даниэль (55 кг), Габиты Сӕрмӕт (71 кг), Цоциты Азӕмӕт (71 кг) ӕмӕ Хуыбиаты Азӕмӕт (92 кг).

Спортсментӕ ерыстӕм цӕттӕ кодтой тренертӕ Гаглойты Уахтанг, Цӕмӕхъаты Нарт ӕмӕ Гудиты Ильяйы къухдариуӕгады бын.

5
Цæгат Иры дæс мин адæймаджы бæрц сарæзтой вакцина коронавирусы ныхмæ

Цæгат Иры дæс мин адæймаджы бæрц сарæзтой вакцина коронавирусы ныхмæ

5
Республикæйы æнæнздзинадхъахъхъæнынады министры ныхæстæм гæсгæ, коллективон иммунитетæн хъæуы, цæмæй цæрджыты 60 процентæн вирус тæссаг мауал уа

ЦХИНВАЛ, 26 фев – Sputnik. Цæгат Ирыстон–Аланийы республикæйы коронавирусы ныхмæ прививкæтæ скодтой 9 мины æмæ 947 адæймагæн, хъусын кæны ПТРК "Алания" республикæйы æнæнздзинадхъахъхъæнынады министр Годжысаты Тамерланы ныхæстыл æнцогæнгæйæ.

Йæ ныхæстæм гæсгæ Цæгат Ирыстоны вакцинаци цæуы æнтыстджынæй. Фылдæр прививкæтæ кæнынц хистæр кары адæм.

"Чи фӕрынчын ис ӕмӕ вакцинаци чи рацыд уыдон имӕйаг нымӕц хъуамӕ уой цӕрджыты 60 процентӕй фылдӕр, цӕмӕй арӕзт ӕрцӕуа коллективон иммунитет. Уый фӕрцы мах хатдзыстӕм сӕрибар ӕмӕ ӕдас", - загъта Годжысаты Тамерлан.

Цæгат Ирыстоны фӕрынчынуӕвджытӕй 14 148 сӕнӕниз сты, 131 адӕймаджы та амардысты. Республикӕйы медицинон уагдӕтты хоскӕнынад цӕуынц 263 адӕймаджы, 414 адӕймаджы та сты амбулаторон хоскӕнынады.

Фæстаг бæрæггæнæнтæм Уӕрӕсейы пандемийы рӕстӕджы коронавирусӕй ӕдӕппӕт фӕрынчын сты 3 983 197 адӕймаджы, уыдонӕй 3 472 091 сӕнӕниз сты, 77 068 адӕймаджы та амардысты.

5
Хуссар Иры театр ралæудзæн Мæскуыйы

Спектакльтӕ ӕмӕ сфӕлдыстадон изӕр: Хуссар Иры театр ралæудзæн Мæскуыйы

0
(ранӕуӕггонд 13:59 03.03.2021)
Сфæлдыстадон къорд Уæрæсейы столицæйы равдисдзæн дыууæ трагедийы æмæ ауадздзӕн уæрæсейаг коллегӕтимæ иумæйаг сфæлдыстадон изæр

ЦХИНВАЛ, 3 мар– Sputnik, Плиты Фатимæ. Мæскуыйы Яблочкины номыл актёры централон хӕдзар суазӕг кӕндзӕн Хуссар Ирыстоны паддзахадон драмон театры. Республикӕйы сфӕлдыстадон къорд уӕрӕсейаг столицӕйы равдисдзӕн спектакльтӕ "Антигона" ӕмӕ "Фандо и Лис", фехъусын кодта Sputnik ПДТ аивадон къухдариуӕггӕнӕг Дзудцаты Тамерлан.

Сфӕлдыстадон коллектив развӕлгъау райста хуынд "Дни осетинский культуры на Арбате"-мӕ.

"Яблочкины номыл актеры централон хӕдзар хоны Хуссар Ирыстоны паддзахадон драмон театры "Дни осетинской культуры на Арбате"-мӕ. Мах равдисдзыстӕм дыууӕ спектаклы, афтӕ ма нын ацӕудзӕн Мӕскуыйы театр ӕмӕ кинойы разагъта актертимӕ иумӕйаг сфӕлдыстадон изӕр. Мах цӕттӕ сӕм Уӕрӕсейы сӕйраг горӕты ралӕуынмӕ", - загъта Дзудцаты Тамерлан.

Йӕ ныхӕстӕм гӕсгӕ, сфӕлдыстадон коллективы ралӕуд Мӕскуыйы фӕахъаз уыдзӕн ирон культурӕйы парахатӕн Уӕрӕсейы.

Хетӕгкаты Къостайы номыл театры гастрольтӕ цӕудзысты Мӕскуыйы 5-8 апрелы.

0