Дзӕуджыхъӕуы супермаркеты бӕстыхайы ӕрцыд срӕмыгъд

Дзӕуджыхъӕуы супермаркеты бӕстыхайы ӕрцыд срӕмыгъд

8
Развӕлгъау бӕрӕггӕнӕнтӕм гӕсгӕ, уӕлвӕткон цауы аххосаг ссис газы срӕмыгъд

ЦХИНВАЛ, 12 фев - Sputnik. Дзӕуджыхъӕуы супермаркеты майрӕмбоны райсом ӕрцыд срӕмыгъд, зианбаййафджыты фӕдыл нырма дырыс информаци нӕй, фехъусын кодтой РИА Новости Цӕгат Ирыстоны экстренон службӕты.

Агентады ныхасӕмбал фехъусын кодта, цауы развӕлгъау аххосаг кӕй у газы срӕмыгъд: супермаркеты ныккӕнды уыдысты туаггуыры баллонтӕ.

Супермаркеты цур хӕдзар, развӕлгъау бӕрӕггӕнӕнтӕм гӕсгӕ, нӕ бахъыгдард.

"Бӕстыхай, кӕцыйы ӕрцыд срӕмыгъд, цӕрӕг хӕдзӕрттӕй лӕууы 100 метры дарддӕр. Развӕлгъау бӕрӕггӕнӕнтӕм гӕсгӕ, цӕрӕг хӕдзӕрттӕ нӕ бахъыгдард сты", - банысан кодта экстренон службӕты минӕвар.
МЧС РФ
Дзӕуджыхъӕуы супермаркеты бӕстыхайы ӕрцыд срӕмыгъд

 

8
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3
Аэропорт Дзӕуджыхъӕу

Дзӕуджыхъӕуы аэропорт сног кодта йӕ куыст штатон режимы

3
(ранӕуӕггонд 11:25 24.02.2021)
Аэропорт сӕхгӕдтой 23 февралы ӕвзӕр боныгъӕды тыххӕй. Авивакомпанитӕ сифтонг кодтой пассажирты хӕринаг ӕмӕ нозтӕй

ЦХИНВАЛ, 24 фев - Sputnik. Аэропорт "Дзӕуджыхъӕу" ӕртыццӕджы, 24 февралы, сног кодта йӕ куыст штатон режимы. Уый тыххӕй хъусын кӕны 15-ӕм Регион аэропорты PR-менеджеры ныхӕстыл ӕнцойгӕнгӕйӕ.

"Ӕввахс рӕстӕджы атӕхдзысты дыууӕ рейсы, кӕцытӕ уый размӕ ӕрурӕдтой. Авиакомпанитӕ пассижирты ӕхсӕвы бакодтой уазӕгдӕттӕм", - банысан кодта ныхасӕмбал.

Аэропорт сӕхгӕдтой 23 февралы 13:40 сахатӕй ӕвзӕр боныгъӕды тыххӕй. Аэропорты ӕрурӕдтой дыууӕ хӕдтӕхӕджы. Авивакомпанитӕ сифтонг кодтой пассажирты хӕринаг ӕмӕ нозтӕй.

3