Дзӕуджыхъӕуы супермаркеты срӕмыгъд

Цӕгат Иры прокуратурӕ загъта Дзӕуджыхъӕуы супермаркеты срӕмыгъды аххосаг

12
(ранӕуӕггонд 13:53 12.02.2021)
Тыхджын срӕмыгъд ӕрцыд майрӕмбоны райсомӕй цӕгатирыстойнаг столицӕйы Гагкайы фырты уынгыл, уӕлвӕткон цауы фӕстиуӕгӕн ныппырх ис базарадон центры ӕртӕуӕладзыгон бӕстыхай

ЦХИНВАЛ, 12 фев — Sputnik. Развӕлгъау бӕрӕггӕнӕнтӕм гӕсгӕ, Дзӕуджыхъӕуы супермаркеты срӕмыгъд ӕрцыд, газ кӕй хъуызын уый аххосӕй, хъусын кӕны 15 регион.

Тыхджын срӕмыгъд ӕрцыд майрӕмбоны райсомӕй цӕгатирыстойнаг столицӕйы Гагкайы фырты уынгыл, уӕлвӕткон цауы фӕстиуӕгӕн ныппырх ис базарадон центры ӕртӕуӕладзыгон бӕстыхай. Прокуратурӕ уадзы басгӕрст базарадон центры ныппырхы фӕдыл.

"Прокуророн басгӕрсты фӕстиуӕгӕн аргълӕвӕрд ӕрцӕудзӕн бӕрнон кусджыты архайдӕн, уымӕй дарддӕр ма сбӕрӕг кӕндзысты, куыд ӕххӕст цыдысты зынгсирвӕзтон, арӕзтадон ӕмӕ газы хӕтӕлты эксплуатацийы ӕдасдзинады домӕнтӕ", - дзырдӕуы хъусинаджы.

Дзӕуджыхъӕуы къухдариуӕггӕнджытӕ куыд фехъусын кодтой, афтӕмӕй ӕввахс районты цӕрджыты цард ӕмӕ ӕдасдзинадӕн ницы тас у. Сӕ куыст кӕнынц ахуырадон уагдӕттӕ ӕмӕ дзӕуджыхъӕуы социалон куыстуӕттӕ. Уымӕй дарддӕр базарадон объекттӕ дӕр кусынц штатон режимы.

12
Ирон богал ссис Уӕрӕсейы чемпион греко-римаг хъӕбысхӕстӕй

Ирон богал ссис Уӕрӕсейы чемпион греко-римаг хъӕбысхӕстӕй

5
(ранӕуӕггонд 11:41 03.03.2021)
Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй

ЦХИНВАЛ, 3 мар – Sputnik. Ирон богал Теблойты Давид рамбылдта сыгъзӕрин майдан Уӕрӕсейы чемпионаты греко-римаг хъӕбысхӕстӕй 18 азы кары онг спортсменты хсӕн, хъусын кӕны 15-ӕм Регион.

Омскы турниры Теблойты Давид архайдта 65 килограммы уӕзы категорийы – финалон тохы уый рамбылдта спортсмены Адыгейӕ 8:0 хыгъдӕй.

Афтӕ ма, турниры бронзӕйон призертӕ ссисты Теблойты Даниэль (55 кг), Габиты Сӕрмӕт (71 кг), Цоциты Азӕмӕт (71 кг) ӕмӕ Хуыбиаты Азӕмӕт (92 кг).

Спортсментӕ ерыстӕм цӕттӕ кодтой тренертӕ Гаглойты Уахтанг, Цӕмӕхъаты Нарт ӕмӕ Гудиты Ильяйы къухдариуӕгады бын.

5
Цæгат Иры дæс мин адæймаджы бæрц сарæзтой вакцина коронавирусы ныхмæ

Цæгат Иры дæс мин адæймаджы бæрц сарæзтой вакцина коронавирусы ныхмæ

5
Республикæйы æнæнздзинадхъахъхъæнынады министры ныхæстæм гæсгæ, коллективон иммунитетæн хъæуы, цæмæй цæрджыты 60 процентæн вирус тæссаг мауал уа

ЦХИНВАЛ, 26 фев – Sputnik. Цæгат Ирыстон–Аланийы республикæйы коронавирусы ныхмæ прививкæтæ скодтой 9 мины æмæ 947 адæймагæн, хъусын кæны ПТРК "Алания" республикæйы æнæнздзинадхъахъхъæнынады министр Годжысаты Тамерланы ныхæстыл æнцогæнгæйæ.

Йæ ныхæстæм гæсгæ Цæгат Ирыстоны вакцинаци цæуы æнтыстджынæй. Фылдæр прививкæтæ кæнынц хистæр кары адæм.

"Чи фӕрынчын ис ӕмӕ вакцинаци чи рацыд уыдон имӕйаг нымӕц хъуамӕ уой цӕрджыты 60 процентӕй фылдӕр, цӕмӕй арӕзт ӕрцӕуа коллективон иммунитет. Уый фӕрцы мах хатдзыстӕм сӕрибар ӕмӕ ӕдас", - загъта Годжысаты Тамерлан.

Цæгат Ирыстоны фӕрынчынуӕвджытӕй 14 148 сӕнӕниз сты, 131 адӕймаджы та амардысты. Республикӕйы медицинон уагдӕтты хоскӕнынад цӕуынц 263 адӕймаджы, 414 адӕймаджы та сты амбулаторон хоскӕнынады.

Фæстаг бæрæггæнæнтæм Уӕрӕсейы пандемийы рӕстӕджы коронавирусӕй ӕдӕппӕт фӕрынчын сты 3 983 197 адӕймаджы, уыдонӕй 3 472 091 сӕнӕниз сты, 77 068 адӕймаджы та амардысты.

5
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

3
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

3