Ирон чъиритæ

Уæрæсейы хуыздæр хæринаггæнджытæ ахуыр кæнынц ирон чъиритæ кæнын

21
(ранӕуӕггонд 14:02 19.02.2021)
Ахуырты разамонджытæ æмæ эксперттæ — колледжы ахуыргæнджытæ. Сæ хæс у уазджыты æрмæст чъиритæ кæныныл сахуыр кæнын нæ, фæлæ сæм национ хæринаджы æууæлтæ æмæ истори фæхæццæ кæнын

ЦХИНВАЛ, 19 фев – Sputnik. Уæрæсейы хуыздæр хæринаггæнджытæ ахуыр кæнынц ирон чъиритæ кæнын. Проект "Абилимпикс" æххæстгæнгæйæ сын Дзӕуджыхъӕуы базарадон-экономикон техникумы скодтой дæсныйадæвдисæг ахуыртæ, хъусын кӕны ПТРК "Алания".

"Разамонджытæ æмæ эксперттæ — колледжы ахуыргæнджытæ. Сæ хæс у уазджыты æрмæст чъиритæ кæныныл сахуыр кæнын нæ, фæлæ сæм национ хæринаджы æууæлтæ æмæ истори фæхæццæ кæнын.  Ног фæлтæрддзинад райсгæйæ хæринаггæнджытæ с зонындзинæдтæ дæтдзысты сæхи регионты дæр", - дзырдӕуы хъусинаджы.

Фæстаг рæстæджы Уæрæсейы алы къуымты ирон национ чъиритæ сты тынг парахат. Ацы проекты архайджытæн ныр фадат уыдзæн сæ горæтты æцæг ирон национ хойраг цæттæ кæныны сусæгдзинæдтæ равдисынæн.

Хъусинагӕй куыд бӕрӕг у, афтӕмӕй дæсныйадæвдисæг ахуыртæм йæ цæстд дардта Цӕгат Ирыстоны кулинарон авивады хуыздæр минæвæрттæй иу, техникумы директор Æбиты Валерий.

21
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10
Хъадамантӕ

Цӕгат Иры цӕрӕг хылы рӕстӕджы лӕдзӕгӕй фӕнадта ацӕргӕ лӕджы

10
(ранӕуӕггонд 13:18 17.09.2021)
Хъыгдардбаййафӕг 75-аздзыд нӕлгоймаг бахауд медицинон уагдонмӕ сӕрымагъзы тавмӕимӕ

ЦХИНВАЛ, 17 сен – Sputnik. Цӕгат Ирыстоны тӕрхондоны раз ӕрлӕудзӕн нӕлгоймаг, кӕцы фӕнадта 75-аздзыд пенсиисӕджы. Уый тыххӕй хъусын кӕны республикон МХМ пресс-службӕ.

Хъыгдардбаййафӕг 75-аздзыд нӕлгоймаг бахауд медицинон уагдонмӕ сӕрымагъзы тавмӕимӕ.

"Милицийы кусджытӕ цыбыр ӕмгъуыдмӕ сбӕрӕг кодтой ӕмӕ ӕрурӕдтой фыдгӕнӕджы. Уый хылы рӕстӕджы цывта пенсиисӕджы сӕр лӕдзӕгӕй", - дзырдӕуы хъусинаджы.

Фыдгӕнӕг уый фӕстӕ йӕхи бааууон кодта хылы бынатӕй, ацӕргӕ нӕлгоймаджы уадзыгӕй хаудӕй ныууадзгӕйӕ.

Цауы фӕдыл басгӕрст уадзынц Мӕздӕджы районы милицийы хайады кусджытӕ.

10