Зӕй Транскамы

Уӕрӕсейы УУМ фӕдзӕхсы зӕйты ӕрцӕуыны тасӕй Ирыстоны хӕхты

3
(ранӕуӕггонд 14:34 09.03.2021)
Уагдоны банысан кодтой, хӕхты хӕй у тас зӕйтӕ ӕрцӕуынӕй, уымӕ гӕсгӕ ӕнхъӕлмӕ кӕсын кӕуы уӕлвӕткон уавӕртӕм

ЦХИНВАЛ, 9 мар - Sputnik. Ирыстоны хӕххон ӕмӕ уӕлвӕз районты ӕввахс суткӕйы ис уӕлвӕткон уавӕрты ӕмӕ цауты сӕвзӕрыны тас, кӕцытӕ баст сты зӕйты ӕрцӕуынимӕ. Уый тыххӕй дыццӕджы хъусын кӕны УФ УУМ цӕгатирыстойнаг хайад.

"Росгидромет"-ы бӕрӕггӕнӕнтӕм гӕсгӕ, 9 марты 18.00 сахатӕй 10 марты 18.00 сахаты онг республикӕйы хӕххон районты у тӕссаг зӕйтӕ ӕрцӕуынӕй", - дзырдӕуы хъусинаджы.

Уагдоны бафӕдзӕхстой, кӕй хъӕуы ӕххӕст кӕнын сӕйраг фӕткойтӕ зӕйты ӕрцӕуынӕй тӕссаг районты, цӕмӕй уой къӕрццхъус ӕмӕ арӕхстджын.

Уӕлвӕткон уагдоны бӕрӕггӕнӕнтӕм гӕсгӕ, ӕввахс суткӕйы Цӕгат Ирыстоны уадзӕн ивгӕ асӕст, ницы уадиссаг дӕлдзырӕттӕ ӕнхъӕлмӕ кӕсынц.

Уӕлдӕфы хъӕрмад хӕххон районты бонӕй уыдзӕн -4°С /+1°С, ӕхсӕв та -8°С / -13°С.

3
Ирыстойнаг гимнасткӕтӕ рамбылдтой ӕхсӕз майданы ӕппӕтуӕрӕсейон ерысты Калмыкийы

Ирыстойнаг гимнасткӕтӕ рамбылдтой ӕхсӕз майданы ӕппӕтуӕрӕсейон ерысты Калмыкийы

1
(ранӕуӕггонд 11:01 14.04.2021)
Ирон гимнасткӕтӕ рамбылдтой ӕртӕ сыгъзӕрин, иу ӕвзист ӕмӕ дыууӕ бронзӕйон майданы. Афтӕ ма спортсменкӕтӕ райстой фыццаг ӕмӕ дыккаг бынӕттӕ къордон ерысты

ЦХИНВАЛ, 14 апр — Sputnik. Цӕгат Ирыстоны гимнасткӕтӕ ӕнтыстджын архайд скодтой Ӕппӕтуӕрӕсейон ерысты аивадон гимнастикӕйӕ Олимпиаг чемпионкӕ Алина Макаренкойы призтыл Калмыкийы. Уый тыххӕй хъусын кӕны республикӕйы спорты министрады пресс-службӕ.

Осетинские гимнастки успешно выступили на всероссийских соревнованиях в Калмыкии
Ирыстойнаг гимнасткӕтӕ рамбылдтой ӕхсӕз майданы ӕппӕтуӕрӕсейон ерысты Калмыкийы

Сӕ кары категориты уӕлахиздзаутӕ ссисты Перисаты Фаризӕ, Найфонты Алеся ӕмӕ Гӕдзӕонты Амина. Ӕвзист майдан рамбылдта Цӕрикъаты Амага. Бронзӕйон майдантӕ райстой Биасты Ирина ӕмӕ Маргарита Билимович.

Спортсменкӕтӕ, кӕцытӕ архайынц дыккаг рӕнхъы, бацахстой фыццаг бынат. Командӕйы сконды сты Шанайты София, Мария Солнышкина, Ӕлборты Елизавета, Гудиты Ева ӕмӕ Лагкуты София.

Осетинские гимнастки успешно выступили на всероссийских соревнованиях в Калмыкии
Ирыстойнаг гимнасткӕтӕ рамбылдтой ӕхсӕз майданы ӕппӕтуӕрӕсейон ерысты Калмыкийы

Гимнасткӕтӕ, кӕцытӕ архайынц ӕвзӕнгты фыццаг рӕнхъы, ацыдысты дыккаг бынатыл. Конмадӕйы сконды сты Цӕрикъаты Амага, Перисаты Фаризӕ, Битеты Яна, Батырты Самира, Вероника Худякова ӕмӕ Уртъаты Каролина.

Ерысты хайад райстой 800 спортсменкӕйӕ фылдӕр.

1
Цæгат Иры ирон театр равдисдзæн Цхинвалы Шекспиры трагеди

Цæгат Иры ирон театр равдисдзæн Цхинвалы Шекспиры трагеди

24
Уильям Шекспиры историон пьесӕ "Ричард III" таурæгъ кæны паддзахы бынатыл тохыл. Трагедийы æвдыст цæуы Англи XV æнусы

ЦХИНВАЛ, 13 апр - Sputnik, Плиты Фатимӕ. Цæгат Ирыстоны ирон театр Цхинвалы 22 апрелы равдисдзæн режиссер Уалыты Гивийы спектакль "Ричард III". Уый тыххæй Sputnik фехъусын кодтой РХИ паддзахадон драмон театры пресс-службæйы.

Уильям Шекспиры историон пьесӕ "Ричард III" таурæгъ кæны паддзахы бынатыл тохыл. Трагедийы æвдыст цæуы Англи XV æнусы.

"Хетæгкаты Къостайы номыл Хуссар Ирыстоны паддзахадон театр æмæ Цæгат Ирыстоны Тæбæхсауты Балойы номыл ирон театры сфидар кодтой æмгуыстады тæгтæ. 2019 азы мах ныццыдыстæм гастрольтимæ Дзæуджыхъæумæ. Уыцы аз Цæгат Иры театр æрхаста Цхинвалмæ фæсивæдон труппæимæ спектакль "Ромео и Джульетта", уый дæр у Уалыты Гивийы куыст. Ныр дӕр та нӕм ӕрхӕссынц иу равдыст, ныридӕгӕн билеттæ сты кассæты", - загътой культурон уагдоны.

Уалыты Гивийы спектакль "Ричард III"-йæ ивгъуыд аз Цæгат Ирыстоны бакодтой театралон сезон. Стæй ма 2020 азы национ театрты æппæтуæрæсейон фестивалы экспертон къамисы хъуыдымæ гæсгæ спектакль бацыд 15 хуыздæр спектаклы номхыгъдмæ.

24
Милици

Хуссар Иры ПАИ сног кодта скъӕрыны бартӕ ӕмӕ номыртӕ дӕттыны куыст

1
Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст

ЦХИНВАЛ, 14 апр - Sputnik, Козаты Диана. Хуссар Ирыстоны Паддзахадон автоинспекцийы сног кодтой хӕдтулгӕтӕн номырон нысӕнттӕ, скъӕрыны бартӕ ӕмӕ транспортон фӕрӕзты регистрацийы фӕдыл документтӕ дӕттын. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.

Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст.

"Ацы проблемӕ фӕзынд уый тыххӕй, ӕмӕ бланктӕ цы компани цӕттӕ кӕны, уый кусджытӕ иууылдӕр фӕрынчын сты коронавирусӕй. Ныр ногӕй райдыдтам дӕттын скъӕрыны бартӕ, номыртӕ ӕмӕ техпаспорттӕ", - радзырдтой МХМ.

Уагдоны бафтыдтой, транспорт срегистраци кӕныны фӕдыл ӕвдисӕндар бланктӕ республикӕмӕ кӕй ӕрхӕццӕ уыдзысты ӕввахс 2-3 боны.

1