Хъӕрӕцаты Аслан ахызт Дохайы турниры ӕдӕгфиналмӕ къайон ерысты
ЦХИНВАЛ, 11 мар - Sputnik, Хъуылымбегты Азӕмӕт. Уӕрӕсейӕгтӕ Хъӕрӕцаты Аслан ӕмӕ Андрей Рублев ахызтысты теннисон турнир АТР ӕрдӕгфиналмӕ Дохайы. Финалы цыппӕрӕм хайы къайон ерысты уыдон рамбылдтой Марсело Мело ӕмӕ Жан-Жюльен Ройеры 6:2, 6:3 хыгъдӕй.
Из архива тренера М. Джиоева
Ӕрдӕгфиналы Уӕрӕсейы минӕвӕрттӕ фембӕлдзысты французаг теннисисттимӕ Жереми Шарди ӕмӕ Фабрис Мартинимӕ.
Амӕйразмӕ Хъӕрӕцаты Аслан ӕмӕ Андрей Рублев фембӕлдысты Лоренцо Сонего ӕмӕ Андреа Вавассориимӕ. Уӕрӕсейаг спортсментӕ рамбылдтой 7:6, 6:2 хыгъдӕй.
Хисӕрмагонд ерысты Хъӕрӕцаты Аслан фембылд турниры фыццаг номер Доминик Тимӕн Австрийӕ.
Турнир цӕудзӕн 13 марты онг, йӕ призон фонд у 890 мин доллары.
Ирыстойнаг гимнасткӕтӕ рамбылдтой ӕхсӕз майданы ӕппӕтуӕрӕсейон ерысты Калмыкийы
(ранӕуӕггонд 11:01 14.04.2021)
Ирон гимнасткӕтӕ рамбылдтой ӕртӕ сыгъзӕрин, иу ӕвзист ӕмӕ дыууӕ бронзӕйон майданы. Афтӕ ма спортсменкӕтӕ райстой фыццаг ӕмӕ дыккаг бынӕттӕ къордон ерыстыЦХИНВАЛ, 14 апр — Sputnik. Цӕгат Ирыстоны гимнасткӕтӕ ӕнтыстджын архайд скодтой Ӕппӕтуӕрӕсейон ерысты аивадон гимнастикӕйӕ Олимпиаг чемпионкӕ Алина Макаренкойы призтыл Калмыкийы. Уый тыххӕй хъусын кӕны республикӕйы спорты министрады пресс-службӕ.
Сӕ кары категориты уӕлахиздзаутӕ ссисты Перисаты Фаризӕ, Найфонты Алеся ӕмӕ Гӕдзӕонты Амина. Ӕвзист майдан рамбылдта Цӕрикъаты Амага. Бронзӕйон майдантӕ райстой Биасты Ирина ӕмӕ Маргарита Билимович.
Спортсменкӕтӕ, кӕцытӕ архайынц дыккаг рӕнхъы, бацахстой фыццаг бынат. Командӕйы сконды сты Шанайты София, Мария Солнышкина, Ӕлборты Елизавета, Гудиты Ева ӕмӕ Лагкуты София.
Гимнасткӕтӕ, кӕцытӕ архайынц ӕвзӕнгты фыццаг рӕнхъы, ацыдысты дыккаг бынатыл. Конмадӕйы сконды сты Цӕрикъаты Амага, Перисаты Фаризӕ, Битеты Яна, Батырты Самира, Вероника Худякова ӕмӕ Уртъаты Каролина.
Ерысты хайад райстой 800 спортсменкӕйӕ фылдӕр.
Цæгат Иры ирон театр равдисдзæн Цхинвалы Шекспиры трагеди
ЦХИНВАЛ, 13 апр - Sputnik, Плиты Фатимӕ. Цæгат Ирыстоны ирон театр Цхинвалы 22 апрелы равдисдзæн режиссер Уалыты Гивийы спектакль "Ричард III". Уый тыххæй Sputnik фехъусын кодтой РХИ паддзахадон драмон театры пресс-службæйы.
Уильям Шекспиры историон пьесӕ "Ричард III" таурæгъ кæны паддзахы бынатыл тохыл. Трагедийы æвдыст цæуы Англи XV æнусы.
"Хетæгкаты Къостайы номыл Хуссар Ирыстоны паддзахадон театр æмæ Цæгат Ирыстоны Тæбæхсауты Балойы номыл ирон театры сфидар кодтой æмгуыстады тæгтæ. 2019 азы мах ныццыдыстæм гастрольтимæ Дзæуджыхъæумæ. Уыцы аз Цæгат Иры театр æрхаста Цхинвалмæ фæсивæдон труппæимæ спектакль "Ромео и Джульетта", уый дæр у Уалыты Гивийы куыст. Ныр дӕр та нӕм ӕрхӕссынц иу равдыст, ныридӕгӕн билеттæ сты кассæты", - загътой культурон уагдоны.
Уалыты Гивийы спектакль "Ричард III"-йæ ивгъуыд аз Цæгат Ирыстоны бакодтой театралон сезон. Стæй ма 2020 азы национ театрты æппæтуæрæсейон фестивалы экспертон къамисы хъуыдымæ гæсгæ спектакль бацыд 15 хуыздæр спектаклы номхыгъдмæ.
Хуссар Иры ПАИ сног кодта скъӕрыны бартӕ ӕмӕ номыртӕ дӕттыны куыст
ЦХИНВАЛ, 14 апр - Sputnik, Козаты Диана. Хуссар Ирыстоны Паддзахадон автоинспекцийы сног кодтой хӕдтулгӕтӕн номырон нысӕнттӕ, скъӕрыны бартӕ ӕмӕ транспортон фӕрӕзты регистрацийы фӕдыл документтӕ дӕттын. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.
©
Sputnik / Максим Блинов
Республикӕйы фӕстаг рӕстӕджы сӕвзӕрд проблемӕтӕ ацы бланктӕ аразын ӕмӕ республикӕмӕ ӕрласыны фӕдыл. Мидхъуыддӕгты министрад ныфс ӕвӕрдтой цыбыр ӕмгъуыдмӕ аскъуыддзаг кӕнын фарст.
"Ацы проблемӕ фӕзынд уый тыххӕй, ӕмӕ бланктӕ цы компани цӕттӕ кӕны, уый кусджытӕ иууылдӕр фӕрынчын сты коронавирусӕй. Ныр ногӕй райдыдтам дӕттын скъӕрыны бартӕ, номыртӕ ӕмӕ техпаспорттӕ", - радзырдтой МХМ.
Уагдоны бафтыдтой, транспорт срегистраци кӕныны фӕдыл ӕвдисӕндар бланктӕ республикӕмӕ кӕй ӕрхӕццӕ уыдзысты ӕввахс 2-3 боны.