Слестгæнæн комитет

Цæгат Иры райдыдта басгæрст æхсæзмæйдзыд сабийы мæлæты фæдыл

4
(ранӕуӕггонд 11:14 22.03.2021)
Фæдысгарджытæ басгардзысты æнамонд хабары лыстæг хæйттæ, кæцытæ расайдтой æнаджом сывæллоны мæлæт Цæгат Ирыстоны Мæздæджы

ЦХИНВАЛ, 22 мар - Sputnik. Цæгат Ирыстоны райдыдта басгæрст æхсæзмæйдзыд сабийы амæлæты фæдыл, хъусын кæны Цæгат Ирыстоны Слестгæнæн комитеты слестгæнæн управленийы пресс-службæ.

Ӕнамонд хабар æрцыд знон, 21 марты, Мæздæджы хисæрмагонд хæдзæрттæй иуы.

"Ваннæйы мад йæхи надта йæ 6-мæйон сывæллонимæ иумæ æмæ афынæй. Сывæллон фæхуыдыг. Цауы фæдыл Мæздæджы районы слестгæнæн хайад уадзы процессуалон басгæрст", - дзырдæуы хъусинаджы.

Ныртæккæ фæдысгарджытæ уадзынц мадзæлттæ цауы лыстæг хæйттæ рабæрæг кæныныл. Басгæрсты фæдыл ист æрцæудзæн процессуалон скъуыддзаг.

 

4
Къӕвда

Цӕгат Иры ӕнхъӕлмӕ кӕсынц тӕркъӕвда ӕмӕ тыхдымгӕмӕ УУМ

17
(ранӕуӕггонд 15:53 27.07.2021)
Цӕгат Ирыстоны территорийыл уыдзӕн тӕркъӕвда ӕмӕ ихуард, афтӕ ма тыхдымгӕтӕ дӕр 25 м/с онг

ЦХИНВАЛ, 27 июл — Sputnik. Тӕркъӕвда, ихуард ӕмӕ тыхдымӕгӕтӕ 25 м/с онг гӕнӕн ис бахъыгдарой Цӕгат Ирыстоны цӕрджыты дыццӕджы, бафӕдзӕхстой Уӕрӕсейы Уӕлвӕткон уавӕрты министрады (УУМ).

"Синоптикты бӕрӕггӕнӕнтӕм гӕсгӕ, 27 июлы гӕнӕн ис фӕзыной уӕлвӕткон цаутӕ, кӕцытӕ баст сты энергетикӕ, бастдзинад, ЦКХ ӕмӕ транспорты куысты фехӕлдимӕ Дард Скӕсӕн, Сыбыр ӕмӕ Цӕгат Кавказы федералон зылдты территоритыл", - дзырдӕуы хъусинаджы.

УУМ экспертты бӕрӕггӕнӕнтӕм гӕсгӕ, Цӕгат Ирыстоны гӕнӕн ис уа тӕркъӕвда, ихуард ӕмӕ тыхдымгӕтӕ 25 м/с онг.

17
Нузалы аргъуан

Цæгат Ирыстоны бацæттæ кодтой цыппар ног динон туристон маршруты

27
(ранӕуӕггонд 13:30 27.07.2021)
Ног маршруттæ цæуынц цыппар бынатыл - Дзæуджыхъæу, Куырттаты ком, Мæздæг æмæ Алагирыл. Ныридæгæн снывыл кодтой маршрутты паспорттæ æмæ сæ арвыстой туроператортæм дарддæры реализацийæн

ЦХИНВАЛ, 27 июл - Sputnik. Цæгат Ирыстоны туризмы комитет бацæттæ кодта цыппар религиозон туристон маршруты, хъусын кæны "15-æм Регион" уагдоны сæргълæууæджы хæдивæг Салхъазанты Светланайыл æнцойгæнгæйæ.

"Динон туризм у перспективон къабæзтæй иу, уымæй дарддæр ма нæм 2022 азы уыдзæн зæрдылдарæн бон — Аланийы донаргъуыды 1100 азы бон. Туризмы комитет Дзæуджыхъæуккаг Епархи æмæ чырыстон аргъуанимæ бацæттæ кодта цыппар религиозон туристон маршруты. Снывыл кодтой маршрутты паспорттæ, арвыстой сæ туроператортæм дарддæры реализацийæн", — загъта Салхъазанты Светлана.

Ног маршруттæ цæуынц цыппар бынатыл - Дзæуджыхъæу, Куырттаты ком, Мæздæг æмæ Алагирыл. Уымæй уæлдай, рагзагъдмæ гæсгæ, бæрæггонд цæудзысты, динон объекттæ кæм ис, уыимæ аргъуантæ, моладзандæттæ, уыцы бынæттæ.

27
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

0
(ранӕуӕггонд 09:36 30.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзалы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

0