Дзæуджыхъæуы рацæудзæн згъæрæхца Алайнаг æхсин Марияйы хуызистимæ
(ранӕуӕггонд 12:14 22.03.2021)
Мария Ясаг (Алайнаг) йæ рæстæджы хъуыстгонд уыд йæ уæздандзинад æмæ куырыхондзинадæй. Азфысджытæ куыд нысан кодтой, афтæмæй уый стыр лæггад кодта чырыстон аргъуантæнЦХИНВАЛ, 22 мар – Sputnik, Плиты Фатимæ. Цæгат Иры рауадзысты Мария Ясагы (алайнаг) хуызистимæ згъæрæхца Аланийы чырыстон дины райстыл 1100 азы сӕххӕсты бӕрӕгбон нысан кӕныны фӕлгӕтты. Уый тыххæй хъусын кæны Дзæуджыхъæуккаг алайнаг епархи.
Фарстыл уынаффæ цыд Цæгат Ирыстоны национ ахастыты министр Цуциты Аслан æмæ Дзæуджыхъæуккаг æмæ Алайнаг архиепископ Леониды фембæлды рæстæджы.
"Аланийы чырыстон дины райстыл 1100 азы сӕххӕстæн нывонд згъæрæхцайы чъылдымон фарс сфæлынддзæн æхсин Марии Ясагы хуызист, кæцы сисдзысты Дзæуджыхъæуы сыгъдæг Владимиры аргъуанæй", - дзырдæуы хъусинаджы.
Мария Алайнаг йæ рæстæджы хъуыстгонд уыд йæ уæздандзинад æмæ куырыхондзинадæй. Азфысджытæ куыд нысан кодтой афтмæй уый стыр лæггад кодта чырыстон аргъуантæн. Уый стыр фæд ныууагъта Уæрæсейы историон хъысмæты
Дзюдоист Тасойты Инал ссис Европӕйы чемпион
(ранӕуӕггонд 11:08 19.04.2021)
Финалон тохы 100 килограммы уӕзы категорийы ирон спортсмен рамбылдта Хенк Гролы ЦХИНВАЛ, 19 апр — Sputnik. Ирон спортсмен Тасойты Инал рамбылдта сыгъзӕрин майдан 2021 азы Европӕйы чемпионаты, хъусын кӕны цӕгатирыстойнаг спорты министрады пресс-службӕ.
Ерыстӕ цыдысты Лиссабоны (Португали) 16-18 апрелы.
"Тасойты Инал Финалон тохы 100 килограммы уӕзы категорийы рамбылдта Голландийӕ спортсмен Хенк Гролы ӕмӕ ссис континенталон фыццагады уӕлахиздзау", - дзырдӕуы хъусинаджы.
Тасойты Инал у 2019 азы Европӕйы чемпион, 2019 азы Европейаг хъӕзтыты уӕлахиздзау, дунейы чемпионатты дыууӕ хатты бронзӕйон призер.
Хуссар Ир хайад исы "WorldSkills Russia" ерысты
(ранӕуӕггонд 09:44 19.04.2021)
Хуссар Ирыстон "WorldSkills Russia"-йы уӕнг кӕй нӕу, уымӕ гӕсгӕ конкурсон нывӕзты нӕ архайы ЦХИНВАЛ, 19 апр - Sputnik, Плиты Фатимӕ. Цхинвалы бирӕпрофилон колледжы студенткӕ Дзеранты Анна хайад исы Уӕрӕсейы хуыздӕр хӕбизджынгӕнӕджы ерысты чемпионат "WorldSkills Russia"-йы фӕлгӕтты, уый тыххӕй Sputnik фехъусын кодта колледжы директор Козаты Лира.
"Мах фӕхуыдтой хайад райсын ӕрыгӕтты хсӕн (16 азы онг кары). Ӕфсапъӕты факультеты студенткӕ Дзеранты Анна дзы кусы ӕнтыстджынӕй цалдӕр бон. Цӕттӕ кӕнынц алыхуызон ирон уӕлибыхтӕ", - загъта уый.
Йӕ ныхӕстӕм гӕсгӕ, Хуссар Ирыстон "WorldSkills Russia"-йы уӕнг кӕй нӕу, уымӕ гӕсгӕ конкурсон нывӕзты нӕ архайы.
"Мах исӕм ӕрмӕст баллтӕ. Мадзал фадат дӕтты дӕхи равдисын, фӕлтӕрддзинад райсын ӕмӕ бонустӕ ӕрымбырд кӕнын организацийы скондмӕ бацӕуынӕн",- бафтыдта Козаты Лира.
Хуыздӕр ӕфсинты конкурс цӕуы чемпионат "WorldSkills Russia"-ы фӕлгӕтты.
Цхуырбаты Алан: рæстæгимæ иумæ ивы радиойы куыст дæр
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæйЦхуырбаты Алан: рæстæгимæ иумæ ивы радиойы куыст дæр
Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.
"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.
Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.
"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.
Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.
Темӕтӕ: