Слестгæнæн управлени

Цæгат Иры бакодтой уголовон хъуыддаг мадыл йæ æхсæзмæйдзыд сабийы мæлæты фæстæ

7
(ранӕуӕггонд 15:07 31.03.2021)
Сылгоймаг йæ чысыл сывæллонимæ йæхи надта ваннæйы æмæ афынæй - сывæллон æнæркастæй аззайгæйæ фæхуыдыг ис

ЦХИНВАЛ, 31 мар — Sputnik. Цæгат Ирыстоны барадхъахъхъæнæг органтæ бакодтой уголовон хъуыддаг республикæйы цæрæг сылгоймаджы ныхмæ, кæцы аххосджын цæуы йæ æнахъом сабийы æнæркастæй ныууадзыны, цæй фæстиуæгæн сывæллон амард. Уый тыххæй хъусын кæны РЦИ-Аланийы слестгæнæн управленийы пресс-службæ.

Трагеди æрцыд 21 марты горæт Мæздæджы хисæрмагонд хæдзæрттæй иуы.

"Йæ æхсæзмæйдзыд сывæллонимæ ваннæйы йæхи найгæйæ 32-аздзыд сылгоймаг афынæй. Сывæллон æнæркастæй аззайгæйæ фæхуыдыг ис", - дзырдæуы хъусинаджы.

Ныртæккæ уагъд цæуынц слестгæнæн мадзæлттæ, кæцытæ здæхт сты æнамонд хабары лыстæг хæйттæ раргом кæнынмæ.

7
Тасойты Инал

Дзюдоист Тасойты Инал ссис Европӕйы чемпион

2
(ранӕуӕггонд 11:08 19.04.2021)
Финалон тохы 100 килограммы уӕзы категорийы ирон спортсмен рамбылдта Хенк Гролы

ЦХИНВАЛ, 19 апр — Sputnik. Ирон спортсмен Тасойты Инал рамбылдта сыгъзӕрин майдан 2021 азы Европӕйы чемпионаты, хъусын кӕны цӕгатирыстойнаг спорты министрады пресс-службӕ.

Ерыстӕ цыдысты Лиссабоны (Португали) 16-18 апрелы.

"Тасойты Инал Финалон тохы 100 килограммы уӕзы категорийы рамбылдта Голландийӕ спортсмен Хенк Гролы ӕмӕ ссис континенталон фыццагады уӕлахиздзау", - дзырдӕуы хъусинаджы.

Тасойты Инал у 2019 азы Европӕйы чемпион, 2019 азы Европейаг хъӕзтыты уӕлахиздзау, дунейы чемпионатты дыууӕ хатты бронзӕйон призер.

2
Хуссар Ир хайад исы WorldSkills Russia-ы ерысты

Хуссар Ир хайад исы "WorldSkills Russia" ерысты

3
(ранӕуӕггонд 09:44 19.04.2021)
Хуссар Ирыстон "WorldSkills Russia"-йы уӕнг кӕй нӕу, уымӕ гӕсгӕ конкурсон нывӕзты нӕ архайы

ЦХИНВАЛ, 19 апр - Sputnik, Плиты Фатимӕ. Цхинвалы бирӕпрофилон колледжы студенткӕ Дзеранты Анна хайад исы Уӕрӕсейы хуыздӕр хӕбизджынгӕнӕджы ерысты чемпионат "WorldSkills Russia"-йы фӕлгӕтты, уый тыххӕй Sputnik фехъусын кодта колледжы директор Козаты Лира.

"Мах фӕхуыдтой хайад райсын ӕрыгӕтты хсӕн (16 азы онг кары). Ӕфсапъӕты факультеты студенткӕ Дзеранты Анна дзы кусы ӕнтыстджынӕй цалдӕр бон. Цӕттӕ кӕнынц алыхуызон ирон уӕлибыхтӕ", - загъта уый.

Йӕ ныхӕстӕм гӕсгӕ, Хуссар Ирыстон "WorldSkills Russia"-йы уӕнг кӕй нӕу, уымӕ гӕсгӕ конкурсон нывӕзты нӕ архайы.

"Мах исӕм ӕрмӕст баллтӕ. Мадзал фадат дӕтты дӕхи равдисын, фӕлтӕрддзинад райсын ӕмӕ бонустӕ ӕрымбырд кӕнын организацийы скондмӕ бацӕуынӕн",- бафтыдта Козаты Лира.

Хуыздӕр ӕфсинты конкурс цӕуы чемпионат "WorldSkills Russia"-ы фӕлгӕтты.

3
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

0
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

0
Темӕтӕ:
Радио иронау