Соттиты Яна

Ирыстойнаг уӕзисӕг ссис Европӕйы чемпионаты призер

7
Европӕйы чемпионаты уӕззау атлетикӕйӕ, кӕцы уагъд цӕуы Мӕскуыйы, ирон спортсменкӕ архайы 76 килограммы уӕзы категорийы

ЦХИНВАЛ, 9 апр — Sputnik. Цӕгатирыстойнаг уӕзисӕг Соттиты Яна рамбылдта ӕвзист майдан Европӕйы чемпионаты, хъусын кӕны республикӕйы спорты министрад.

Европӕйы чемпионаты уӕззау атлетикӕйӕ, кӕцы уагъд цӕуы Мӕскуыйы, ирон спортсменкӕ архайы 76 килограммы уӕзы категорийы.

"Соттиты Яна равдыста фӕстиуӕг 246 килограммы (112 + 134). Фӕстаг фӕлварӕны спортсменкӕ систа 137 килограммы, фӕлӕ тӕрхонгӕнджытӕ нӕ банымадтой ацы фӕлварӕн", - дзырдӕуы хъусинаджы.

Пресс-службӕйы бафтыдтой, зӕгъгӕ, спортсменкӕйы ерыстӕм бацӕттӕ кодтой Дзгъойты Олег ӕмӕ Тасойты Ӕхсарбег.

7
Цӕгат Иры фӕзындзысты этнохъӕу ӕмӕ сӕрдыгон театр

Цӕгат Иры фӕзындзысты этнохъӕу ӕмӕ сӕрдыгон театр

8
(ранӕуӕггонд 15:56 14.05.2021)
Туризмы фӕдыл комитет сарӕзта этнохъӕуы концепци интерактивон музеймӕ гӕсгӕ

ЦХИНВАЛ, 14 май - Sputnik. Цӕгат Ирыстон фӕзындзысты этнохъӕу ӕмӕ сӕрдыгон театр. Уый тыххӕй фехъусын кодта туризмы фӕдыл комитеты сӕрдар Кодзаты Зауырбег.

"Мах сарӕзтам этнохъӕуы концепци интерактивон музеймӕ гӕсгӕ. Хъӕуы ма ссарын зӕххы фадыг ӕмӕ финанстӕ. Уый фӕстӕ мах фӕнды саразын сӕрдыгон театр Дзӕуджыхъӕуы доны станцы районы. Уыцы территорийыл уыдзӕн фадат организаци кӕнын массон культурон мадзӕлттӕ", - банысан кодта комитеты сӕрдар.

Уымӕй дарддӕр, комитет нывӕнды среконструкци кӕнын Цъӕймӕ фӕндаг, кӕцыйы дӕргъ у 12 километры. Ацы проекты фӕдыл ис документаци, фӕлӕ дзы хъӕуы бахӕссын чысыл ивындзинӕдтӕ.

Афтӕ ма, уагдон банхъардта хъус ӕрдарын Мидӕгрӕбыйнаг ӕхсӕрдзӕнты райрӕзтмӕ. Ацы ран хъӕуы сцалцӕг кӕнын фӕндаг, рахицӕн кӕнын зӕххы фадгуытӕ ӕмӕ дарддӕр аразын фӕндаггӕрон объекттӕ.

8
Челӕхсаты Рустем

Челæхсаты Рустем ссæрибар кодта Цæгат Иры сæргълæууæджы администрацийы хистæры бынат

8
(ранӕуӕггонд 16:03 13.05.2021)
Республикæйы сæргълæууæг æмæ хицауады администрацийы разамонæджы бынатмæ Челæхсаты Рустем нысангонд æрцыд 2016 азы марты мæйы

ЦХИНВАЛ, 13 май — Sputnik. Челæхсаты Рустем суæгъд кодта Цæгат Ирыстоны сæргълæууæг æмæ хицауады администрацийы разамонæджы бынат. Æмбæлон уынаффæ цыппæрæмы бафыста республикæйы сæргълæууæджы хæстæ рæстæгмæ æххæстгæнæг Сергей Меняйло, хъусын кæны 15-æм регион.

"Стыр бузныг уын зæгъын! Арфæ уын кæнын нæ иумæйаг куысты тыххæй, æнтыстджын æмархайды тыххæй республикæйы пайдайæн. Мæ зæрдæ уын зæгъы æнæниздзинад æмæ æнтыстытæ уе ‘ппæт хъуыддæгты. Хицауады ног скондæн мæ зæрдæ зæгъы æнтыстытæ æмæ зæрдиаг куыст нæ адæмы пайдайæн", – ныффыста уый йæ сыфыл социалон иугонд Инстаграмы.

Уæ зæрдыл уын æрлæууын кæнæм, республикæйы сæргълæууæг æмæ хицауады администрацийы разамонæджы бынатмæ Челæхсаты Рустем нысангонд æрцыд 2016 азы марты мæйы.

8
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4