Коронавирус

Цӕгат Иры коронавирусӕй амардысты ноджы цыппар адӕймаджы

5
(ранӕуӕггонд 10:26 15.04.2021)
Бон раздӕр республикӕйы коронавирусӕй амардысты цыппар адӕймаджы, пандемийы райдайӕнӕй COVID-19-ы амӕттӕгтӕ баисты 189 адӕймаджы

ЦХИНВАЛ, 15 апр — Sputnik. Цӕгат Ирыстоны ивгъуыд суткӕйы ноджы цыппар адӕймаджы амардысты коронавирусӕй. Афтӕ ма республикӕйы иу суткӕмӕ сбӕрӕг кодтой COVID-19-ӕй 12 ног рынчыны.

Фӕрынчынуӕвджытӕй 15 840 сӕнӕниз сты, 189 адӕймаджы та амардысты. Республикӕйы медицинон уагдӕтты хоскӕнынад цӕуынц 45 адӕймаджы, 503 адӕймаджы та сты амбулаторон хоскӕнынады.

Дунейы бӕстӕтӕй COVID-19 кӕм тынгдӕр апарахат ис, уыцы рейтингы Уӕрӕсе ахсы фӕндзӕм бынат АИШ, Инди, Бразили ӕмӕ Францийы фӕстӕ. Бӕстӕйы коронавирусӕй фӕрынчын сты 4 666 209 адӕймаджы.

5
Цӕгат Иры райдыдтой исын тревел-программӕ Орел и Решка

Цӕгат Иры ӕрӕвнӕлдтой тревел-программӕ "Орел и Решка" исынмӕ

3
(ранӕуӕггонд 11:25 02.08.2021)
Популярон алӕвӕрд хъуамӕ систаиккой фарон, фӕлӕ коронавирусы пандмийы фӕдыл арӕнӕвӕрдты тыххӕй исыны процесс аргъӕвтой иу аз

ЦХИНВАЛ, 2 авг - Sputnik. Цӕгат Ирыстонмӕ ӕрцыд уӕрӕсейаг телеканал "Пятница"-йы иууыл популярондӕр тревел-программӕтӕй иу "Орел и Решка"-йы исӕн къорд, хъусын кӕны 15-ӕм регион.

Алӕвӕрды амонджытӕ Регина Тодоренко ӕмӕ Тимур Родригез базонгӕ кӕндзысты кӕсджыты республикӕйы цардуаг, культурӕ, традицитӕ ӕмӕ фенддаг бынӕттимӕ. Алӕвӕрд исдзысты цалдӕр локацийы.

Популярон алӕвӕрд "Орел и Решка" хъуамӕ систаиккой 2020 азы, фӕлӕ коронавирусы пандмийы фӕдыл арӕнӕвӕрдты тыххӕй исыны процесс аргъӕвтой иу азмӕ.

3
Ирыстоны рауагътой амонӕг туристтӕн

Ирыстоны рауагътой амонӕг туристтӕн

7
Волонтерты ныфс ис, ацы амонӕг кӕй аиуварс кӕндзӕн конфликттӕ туристтӕ ӕмӕ бынӕттон цӕрджыты хсӕн

ЦХИНВАЛ, 2 авг - Sputnik. Цӕгат Ирыстоны волонтертӕ сарӕзтой амонӕг туристтӕн. Уый тыххӕй фехъусын кодта йӕ Telegram-каналы къамисӕг Гасситы Михаил.

Амонӕджы дзырдӕуы, ӕхсӕнадон бынӕттӕм нозтджынӕй цӕуыны бар кӕй нӕй.

Уымӕй дарддӕр амонӕджы фыст у дресс-код туристтӕн сыгъдӕг бынӕттӕм цӕуынӕн. Нӕлгоймӕгтӕн нӕй бар хизын кувӕндӕттӕм цыбыркъах хӕлӕфты ӕмӕ майкаты, сылгоймӕгтӕ та хъуамӕ скӕной даргъ дарӕс, кӕцы ӕмбӕхсы къухтӕ ӕмӕ къӕхтӕ, афтӕ ма сӕрбӕттӕн дӕр.

Уӕ зӕрдыл уын ӕрбалӕууын кӕнӕм, Ирыстоны цӕрджыты зӕрдӕмӕ арӕх кӕй нӕ цӕуы туристты уагахаст, ууыл хъаугъатӕ фӕцӕуы социалон хызӕгты.

7
Парламенты сесси

Хуссар Иры парламент фæнд кæны ауадзын сесси майрæмбоны

0
(ранӕуӕггонд 15:04 03.08.2021)
Уымæй размæ закондæттæг органы рабадт фæкъуыхцы ис кворумы æнæуæвынады аххосæй. Депутатты хсæн æнæразыдзинад сæвзæрд Центрæвзарæнкомы уæнгты снысан кæныны процедурæйы фæдыл

ЦХИНВАЛ, 3 авг – Sputnik, Козаты Диана. Хуссар Ирыстоны парламент снысан кодта радон рабадты датæ, уый фæнд кæнынц ауадзын майрæбоны, 6 августы, фехъусын кодта спикер Тадтаты Алан ПТРК "Ир" –ы эфиры.

Парламенты рабат, кæцыйы рæстæджы хъуамæ æркастаиккой президенты æнхъарæнмæ ЦӔК сæрдары бынатмæ æмæ фидар æрцыдаид йе ʻсконд, нæ ацыд.

"Мах хъуамæ æркæсæм медикты фиддонты фарстмæ, бахæссæм ивындзинæдтæ бюджетмæ, кæцытæ хауынц электрохаххы фæстауæрцон линийы арæзтадмæ. Боны фæткыл ма ис централон æвзарæн къамисы сконд сфидар кæныны фарст, архайгæйы æмгъуыд фæуд кæны 16 августы", - загъта Тадтаты Алан.

Уый ныфс бавæрдта, алцыдæр кæй уыдзæн "законы фæлгæтты".

"Алкæцы депутатæн дæр бар ис схъæлæс кæнын иу кæнæ иннæ кандидаты тыххæй, ахæм хаххыл цæудзæн хъæлæсæппæрст", - бафтыдта уый.

0