Гергиты Валерий

Мариинаг оркестр Гергиты Валерийы сæргълæудæй ралæудзæн Дзæуджыхъæуы

3
(ранӕуӕггонд 13:43 15.04.2021)
Культурон мадзал уагъд æрцæудзæн XХ Мæскуыйаг Куадзæнон фестивалы фæлгæтты, кæцы цæудзæн 22 апрелæй 17 маймæ

ЦХИНВАЛ, 15 апр — Sputnik. Цæгат Ирыстоны сæйраг горæты ралæудзæн Мариинаг театры симфонион оркестр Гергиты Валерийы сæргълæудæй. Культурон мадзал уагъд æрцæудзæн 5 майы XХ Мæскуыйаг Куадзæнон фестивалы фæлгæтты.

Уымæй дарддæр ма фестивалы хорон программæйы цытджын гала-концерты ралæудзæн камерон хор "Алания". Мадзал ацæудзæн 16 майы П.И. Чайковскийы номыл концертон залы. Сфæлдыстадон къордтæ базонгæ кæндзысты мæскуыйаг кæсджыты сæ регионты иууыл ирддæр традицитимæ.

Юбилейон XХ Мæскуыйаг Куадзæнон фестиваль цæудзæн 22 апрелæй 17 маймæ. Мадзалæн ис уæрмх географи æмæ хъæздыг программæ - симфонион, хорон, хæрзаудæн.

3
Цӕгат Иры фӕзындзысты этнохъӕу ӕмӕ сӕрдыгон театр

Цӕгат Иры фӕзындзысты этнохъӕу ӕмӕ сӕрдыгон театр

8
(ранӕуӕггонд 15:56 14.05.2021)
Туризмы фӕдыл комитет сарӕзта этнохъӕуы концепци интерактивон музеймӕ гӕсгӕ

ЦХИНВАЛ, 14 май - Sputnik. Цӕгат Ирыстон фӕзындзысты этнохъӕу ӕмӕ сӕрдыгон театр. Уый тыххӕй фехъусын кодта туризмы фӕдыл комитеты сӕрдар Кодзаты Зауырбег.

"Мах сарӕзтам этнохъӕуы концепци интерактивон музеймӕ гӕсгӕ. Хъӕуы ма ссарын зӕххы фадыг ӕмӕ финанстӕ. Уый фӕстӕ мах фӕнды саразын сӕрдыгон театр Дзӕуджыхъӕуы доны станцы районы. Уыцы территорийыл уыдзӕн фадат организаци кӕнын массон культурон мадзӕлттӕ", - банысан кодта комитеты сӕрдар.

Уымӕй дарддӕр, комитет нывӕнды среконструкци кӕнын Цъӕймӕ фӕндаг, кӕцыйы дӕргъ у 12 километры. Ацы проекты фӕдыл ис документаци, фӕлӕ дзы хъӕуы бахӕссын чысыл ивындзинӕдтӕ.

Афтӕ ма, уагдон банхъардта хъус ӕрдарын Мидӕгрӕбыйнаг ӕхсӕрдзӕнты райрӕзтмӕ. Ацы ран хъӕуы сцалцӕг кӕнын фӕндаг, рахицӕн кӕнын зӕххы фадгуытӕ ӕмӕ дарддӕр аразын фӕндаггӕрон объекттӕ.

8
Челӕхсаты Рустем

Челæхсаты Рустем ссæрибар кодта Цæгат Иры сæргълæууæджы администрацийы хистæры бынат

8
(ранӕуӕггонд 16:03 13.05.2021)
Республикæйы сæргълæууæг æмæ хицауады администрацийы разамонæджы бынатмæ Челæхсаты Рустем нысангонд æрцыд 2016 азы марты мæйы

ЦХИНВАЛ, 13 май — Sputnik. Челæхсаты Рустем суæгъд кодта Цæгат Ирыстоны сæргълæууæг æмæ хицауады администрацийы разамонæджы бынат. Æмбæлон уынаффæ цыппæрæмы бафыста республикæйы сæргълæууæджы хæстæ рæстæгмæ æххæстгæнæг Сергей Меняйло, хъусын кæны 15-æм регион.

"Стыр бузныг уын зæгъын! Арфæ уын кæнын нæ иумæйаг куысты тыххæй, æнтыстджын æмархайды тыххæй республикæйы пайдайæн. Мæ зæрдæ уын зæгъы æнæниздзинад æмæ æнтыстытæ уе ‘ппæт хъуыддæгты. Хицауады ног скондæн мæ зæрдæ зæгъы æнтыстытæ æмæ зæрдиаг куыст нæ адæмы пайдайæн", – ныффыста уый йæ сыфыл социалон иугонд Инстаграмы.

Уæ зæрдыл уын æрлæууын кæнæм, республикæйы сæргълæууæг æмæ хицауады администрацийы разамонæджы бынатмæ Челæхсаты Рустем нысангонд æрцыд 2016 азы марты мæйы.

8
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0