Тасойты Инал

Дзюдоист Тасойты Инал ссис Европӕйы чемпион

6
(ранӕуӕггонд 11:08 19.04.2021)
Финалон тохы 100 килограммы уӕзы категорийы ирон спортсмен рамбылдта Хенк Гролы

ЦХИНВАЛ, 19 апр — Sputnik. Ирон спортсмен Тасойты Инал рамбылдта сыгъзӕрин майдан 2021 азы Европӕйы чемпионаты, хъусын кӕны цӕгатирыстойнаг спорты министрады пресс-службӕ.

Ерыстӕ цыдысты Лиссабоны (Португали) 16-18 апрелы.

"Тасойты Инал Финалон тохы 100 килограммы уӕзы категорийы рамбылдта Голландийӕ спортсмен Хенк Гролы ӕмӕ ссис континенталон фыццагады уӕлахиздзау", - дзырдӕуы хъусинаджы.

Тасойты Инал у 2019 азы Европӕйы чемпион, 2019 азы Европейаг хъӕзтыты уӕлахиздзау, дунейы чемпионатты дыууӕ хатты бронзӕйон призер.

6
 Алани

"Тбау" ссис цӕгатирыстойнаг футболон клуб "Аланийы" официалон дон

4
(ранӕуӕггонд 15:12 19.10.2021)
Æмгуыстады фæлгæты ма арæзт æрцыд футболуарзджытимæ фембæлд. Футболисттæн лæвæрдтой фарстытæ хъазты тыххæй, стæй сæ царды тыххæй дæр

ЦХИНВАЛ, 19 окт – Sputnik. Футболон клуб "Алани" æмæ компаниты къорд "Бавари" бафыстой бадзырд. Ныр нуазыны доны æвгтыл уыдзæн футболон клубы логотип, хъусын кӕны Осетия-Ирыстон.

"Тбау"-ы эмблемæ та уыдзæн футболистты уæлæдарæсыл.

Æмгуыстады фæлгæты ма арæзт æрцæудзæн цымыдисаг мадзæлттæ дæр.

Зæгъæм, фыццаг мадзал – футболуарзджытимæ фембæлд. Футболисттæн лæвæрдтой фарстытæ хъазты тыххæй, стæй сæ царды тыххæй дæр.

Футболуарзджытæн ма фадат уыд сæ уарзон футболисттимæ къамтӕ сисынæн дӕр.

4

Цӕгат Иры цӕуы цæрджыты æппæтуæрæсеон сфыст

6
(ранӕуӕггонд 13:02 19.10.2021)
Сфысты специалисттæ пайда кæнынц сæрмагонд планшеттæй. Техникон ногдзинæдты фæрцы мадзал цæуы  бæлвырддæр æмæ тагъддæр

ЦХИНВАЛ, 19 окт – Sputnik. Цӕгат Ирыстоны цæуы цæрджыты æппæтуæрæсеон сфыст. Уый райдыдта 18 октябры ӕмӕ адарддӕр уыдзæн 14 ноябрьмæ, хъусын кӕны республикӕйы сӕргълӕууӕг ӕмӕ хицауады пресс-службӕ.

Мадзалы пайда кæнынц нымæцон технологитæй.

"Ацы сфысты сӕйраг хицӕндзинад иннӕтӕй - бæстæйы цæрджытӕн ис фадат сæхи тыхтæй фарстытæн дзуæппытæ радтын паддзахадон лæггæдты порталы уылты. Цæрджытæ дзуаппытæ ратдзысты 33 фарстæн", - дзырдӕуы хъусинаджы.

Уымӕй дарддӕр ма кампанийы хайад райсӕн ис сфастуадзӕджы ӕххуысӕй, науӕд та стационарон фадыджы. Дзӕуджыхъӕуы ахӕм фадгуытӕ ис 96.

Сфысты специалисттæ пайда кæнынц сæрмагонд планшеттæй. Техникон ногдзинæдты фæрцы мадзал цæуы  бæлвырддæр æмæ тагъддæрæй.

Цæгат Ирыстоны ма кусы цæрджыты æппæтуæрæсеон сфысты комкоммæ лини. Сæдæ æвдай сæрмагонд ахуыргонд операторы дзуаппытæ дæтдзысты цæрджыты фарстытæн. Комкоммæ  лини кусы æрвылбон, фараст сахатæй дыууын иу сахатмæ.

Мадзал хъуамæ ацыдаид фарон, фæлæ йæ  коронавирусы пандемийы тыххæй рахастой ацы азмæ.

2010 азы сфысты бæрæггæнæнтæм республикæйы цæры авдсæдæ дыууадæс мин адæймаджы.

6
Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

Уӕрӕсейы хицауад рахицӕн кодта сывӕллӕттимӕ бинонтӕн ӕххуысӕн 28,3 млрд сомы

0
(ранӕуӕггонд 15:39 19.10.2021)
Уӕлӕмхасӕн 28,3 миллиард сомы ацӕудзысты 3-7 азы кары сывӕллӕттимӕ бинонтӕн ӕххуысӕн, ноджы 5,9 миллиард сомы та рахицӕн кӕндзысты бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты

ЦХИНВАЛ, 19 окт — Sputnik. Уӕрӕсейаг бинонтӕн, кӕцыты хъомыл кӕнынц 3-7 азы кары сывӕллӕтты, рахицӕн кӕндзысты 28 миллиард сомӕй фылдӕр, хъусын кӕны РИА Новости.

Уӕрӕсейаг премьер Михаил Мишустины уынаффӕмӕ гӕсгӕ, дзырд цӕуы ӕрвылмӕйон фиддоныл, кӕцыйы бӕрцуат баст у бинонты астӕуккаг ӕфтиагыл.

Нысангонд ӕрцыд, бюджетӕй 2021 азы ацы мадзалӕн ныридӕгӕн рахицӕн кодтой 276 миллиард сомы. Уӕлӕмхасӕн фӕрӕзтӕ рахицӕн кӕндзысты хицауады фӕстауӕрцон фондӕй.

"Афтӕ ма бафыстой барамынд, цӕмӕй рахицӕн кӕной 5,9 миллиард сомы бинонтӕн, кӕцытӕ хъомыл кӕнынц ӕртӕ кӕнӕ фылдӕр сывӕллӕтты. Уыдонӕн ма ис бар исын сӕрмагонд ӕрвылмӕйон фиддонтӕ, цалынмӕ сывӕллоныл ӕртӕ азы ма сӕххӕст уа", - дзырдӕуы хъусинаджы.

Хицауады куыд банысан кодтой, афтӕмӕй федералон бюджеты ацы нысӕнттӕн ис 59 миллиард сомӕй фылдӕр. Ныртӕккӕ ахӕм ӕххуыс исынц 620 мин бирӕсывӕллонджын бинонтӕ, уӕлӕмхасӕн фӕрӕзты руаджы та фиддонтӕ исдзысты ноджы 48 мин сывӕллоны ахӕм бинонты.

0