Коронавирус

Цӕгат Ирмӕ ӕрластой коронавирусы ныхмӕ ног вакцинӕ "КовиВак"

13
(ранӕуӕггонд 11:29 27.05.2021)
Республикӕйы коронавирусӕй ӕдӕппӕт фӕрынчын сты 16 970 адӕймаджы, уыдонӕй 16 516 сӕнӕниз сты, 208 адӕймаджы та амардысты

ЦХИНВАЛ, 27 май — Sputnik. Коронавирусы ныхмӕ ног вакцинӕ "КовиВак"-ы фыццаг парти фӕхӕццӕ кодтой Цӕгат Ирыстоны медицинон уагдӕттӕм. Регионмӕ ӕдӕппӕт ӕрластой 780 дозӕйы, хъусын кӕны телеканал "Осетия-Ирыстон".

Ацы вакцинӕ, куыд ӕндӕр уӕрӕсейаг аналогтӕ, афтӕ у дыууӕкомпонентон. Цыппӕрӕм поликлиникӕйы медицинон хо Абайты Зӕлинӕ куыд банысан кодта, афтӕмӕй ацы вакцинӕйы сӕйраг хицӕндзинад иннӕтӕй у – бавӕрыны уавӕртӕ.

Вакцинацийы райдайӕнӕй цыппӕрӕм поликлиникӕйы прививкӕтӕ сарӕзтой аст минӕй фылдӕр адӕймаджы. Специалисттӕ не сбӕрӕг кодтой вазыгджын фӕрссаг эффекттӕ. Ӕрмӕстдӕр кӕцыдӕр пациенттӕн фӕфылдӕр сӕ буары температурӕ. Вакцинӕ нӕ аразынц фӕфылдӕргонд температурӕимӕ ӕмӕ аутоиммуннон низтимӕ адӕмӕн, афтӕ ма сывӕллӕттӕн ӕмӕ ӕвгъӕддон сылгоймӕгтӕн.

13
 Алани

"Тбау" ссис цӕгатирыстойнаг футболон клуб "Аланийы" официалон дон

2
(ранӕуӕггонд 15:12 19.10.2021)
Æмгуыстады фæлгæты ма арæзт æрцыд футболуарзджытимæ фембæлд. Футболисттæн лæвæрдтой фарстытæ хъазты тыххæй, стæй сæ царды тыххæй дæр

ЦХИНВАЛ, 19 окт – Sputnik. Футболон клуб "Алани" æмæ компаниты къорд "Бавари" бафыстой бадзырд. Ныр нуазыны доны æвгтыл уыдзæн футболон клубы логотип, хъусын кӕны Осетия-Ирыстон.

"Тбау"-ы эмблемæ та уыдзæн футболистты уæлæдарæсыл.

Æмгуыстады фæлгæты ма арæзт æрцæудзæн цымыдисаг мадзæлттæ дæр.

Зæгъæм, фыццаг мадзал – футболуарзджытимæ фембæлд. Футболисттæн лæвæрдтой фарстытæ хъазты тыххæй, стæй сæ царды тыххæй дæр.

Футболуарзджытæн ма фадат уыд сæ уарзон футболисттимæ къамтӕ сисынæн дӕр.

2

Цӕгат Иры цӕуы цæрджыты æппæтуæрæсеон сфыст

4
(ранӕуӕггонд 13:02 19.10.2021)
Сфысты специалисттæ пайда кæнынц сæрмагонд планшеттæй. Техникон ногдзинæдты фæрцы мадзал цæуы  бæлвырддæр æмæ тагъддæр

ЦХИНВАЛ, 19 окт – Sputnik. Цӕгат Ирыстоны цæуы цæрджыты æппæтуæрæсеон сфыст. Уый райдыдта 18 октябры ӕмӕ адарддӕр уыдзæн 14 ноябрьмæ, хъусын кӕны республикӕйы сӕргълӕууӕг ӕмӕ хицауады пресс-службӕ.

Мадзалы пайда кæнынц нымæцон технологитæй.

"Ацы сфысты сӕйраг хицӕндзинад иннӕтӕй - бæстæйы цæрджытӕн ис фадат сæхи тыхтæй фарстытæн дзуæппытæ радтын паддзахадон лæггæдты порталы уылты. Цæрджытæ дзуаппытæ ратдзысты 33 фарстæн", - дзырдӕуы хъусинаджы.

Уымӕй дарддӕр ма кампанийы хайад райсӕн ис сфастуадзӕджы ӕххуысӕй, науӕд та стационарон фадыджы. Дзӕуджыхъӕуы ахӕм фадгуытӕ ис 96.

Сфысты специалисттæ пайда кæнынц сæрмагонд планшеттæй. Техникон ногдзинæдты фæрцы мадзал цæуы  бæлвырддæр æмæ тагъддæрæй.

Цæгат Ирыстоны ма кусы цæрджыты æппæтуæрæсеон сфысты комкоммæ лини. Сæдæ æвдай сæрмагонд ахуыргонд операторы дзуаппытæ дæтдзысты цæрджыты фарстытæн. Комкоммæ  лини кусы æрвылбон, фараст сахатæй дыууын иу сахатмæ.

Мадзал хъуамæ ацыдаид фарон, фæлæ йæ  коронавирусы пандемийы тыххæй рахастой ацы азмæ.

2010 азы сфысты бæрæггæнæнтæм республикæйы цæры авдсæдæ дыууадæс мин адæймаджы.

4