Дзӕуджыхъӕуы нӕлгоймаг йӕхи аппӕрста хидӕй Теркмӕ

Дзӕуджыхъӕуы нӕлгоймаг йӕхи аппӕрста хидӕй Теркмӕ

15
(ранӕуӕггонд 10:53 01.06.2021)
Ӕнамонд хабар ӕрцыд уазӕгдон "Дзӕуджыхъӕу"-ы цур, уырдӕм уайтагъд бацыдысты ирвӕзынгӕнджытӕ

ЦХИНВАЛ, 1 июн — Sputnik. Дзӕуджыхъӕуы нӕлгоймаг йӕхи аппӕрста хидӕй теркмӕ, хъусын кӕны 15 регион Цӕгат Ирыстоны УУМ пресс-службӕйыл ӕнцойгӕнгӕйӕ.

Ӕнамонд хабар ӕрцыд уазӕгдон "Дзӕуджыхъӕу"-ы цур. УУМ фехъусын кодтой, цауы тыххӕй сӕм кӕй фехъусын кодтой дыццӕджы райсом фондз сахатыл.

"Уырдӕм уайтагъд бацыдысты ирвӕзынгӕнджытӕ. Нӕлгоймаджы мӕрдон буар ссардӕуыд Олег Кошевойы уынгыл хиды цур ӕмӕ йӕ радтой барадхъахъхъӕнӕг органтӕм", - дзырдӕуы хъусинаджы.

УУМ пресс-службӕйы ма банысан кодтой, ныртӕккӕ кӕй бӕрӕг кӕнынц фӕмардуӕвӕджы ном ӕмӕ мыггаг.

15
Поэт Джусойты Нафи

Дзӕуджыхъӕуы уынгтӕй иуӕн ратдзысты Джусойты Нафийы ном

23
(ранӕуӕггонд 10:59 10.06.2021)
Нафийы ном сӕнусон кодтой йӕ амӕлӕты фӕстӕ - Цхинвалы уынгтӕй иу хӕссы академикы ном, йӕ номыл лӕвӕрд цӕуы преми, бавӕрдтой йӕ национ пантеоны

ЦХИНВАЛ, 10 июн – Sputnik. Цӕгат Ирыстоны сӕйраг горӕты фӕзындзӕн Джусойты Нафийы уынг. Уый тыххӕй хъусын кӕны 15 регион.

"Дзӕуджыхъӕуы уынгтӕй иуӕн ӕввахс бонты ратдзысты академик Джусойты Нафийы ном. Уый фӕдыл скъуыддзаг рахастӕуыд горӕты топонимикон къамисы рабадты", - дзырдӕуы порталы хъусинаджы.

Афтӕ ма Джусойты Нафи ӕмӕ йӕ номдзыд ӕфсымӕр Хаджеты Таймуразы нӕмттӕ Хуссар Ирыстоны дӕр ратдзысты дыууӕ скъолайӕн.

Джусойты Нафийы райгуырд Хуссар Ирыстоны Къуыдаргомы. Нафийы ном сӕнусон кодтой йӕ амӕлӕты фӕстӕ - Цхинвалы уынгтӕй иу хӕссы академикы ном, йӕ номыл лӕвӕрд цӕуы преми, бавӕрдтой йӕ национ пантеоны.

23
Хуссар Иры ӕмӕ Цӕгат Иры журналистты командӕтӕн ацыд хӕларадон фембӕлд

Хуссар ӕмӕ Цӕгат Иры журналистты командӕтӕн футболӕй ацыд хӕларадон фембӕлд Дзӕуджыхъӕуы

35
(ранӕуӕггонд 14:59 27.05.2021)
Дыууӕ республикӕйы журналистты матчы фыццаг хай ацыд уазджыты уӕлиадӕй - Хуссар Иры командӕ ӕмбылдта 2:0 хыгъдӕй. Фӕлӕ йӕ дыккаг хайы фысымтӕ райдыдтой размӕ бырсын ӕмӕ бакъуырдтой фондз пуртийы

ЦХИНВАЛ, 27 мая — Sputnik, Плиты Фатимӕ. Дзӕуджыхъӕуы Хуссар ӕмӕ Цӕгат Ирыстоны журналистты командӕты фембӕлд футболӕй ахицӕн ис 5:3 хыгъдӕй фысымты пайдайӕн.

Конференция Север-Юг
© Sputnik / Фатима Плиева
Дыккаг ӕхсӕнадӕмон зонадон-практикон конференци "Архитектоника медиапространства Северной и Южной Осетии: глобальные вызовы, технологии, самоконтроль"

Фембӕлд ацыд Дзӕуджыхъӕуы уагъд цӕуӕг дыккаг ӕхсӕнадӕмон зонадон-практикон конференци "Архитектоника медиапространства Северной и Южной Осетии: глобальные вызовы, технологии, самоконтроль"-ы фӕлгӕтты. Ахайдтой дзы Хуссар Ирыстон, Цӕгат Ирыстон ӕмӕ Кӕсӕг-Балхъары журналистон ӕхсӕнад. Фыццаг хай уыд кусӕгон, докладтӕ бакастысты дзыллон информацийы фӕрӕзты разамонджытӕ, раныхас кодтой дыууӕ республикӕйы мыхуыр ӕмӕ информацийы комитетты сӕрдӕрттӕ.

Дыууӕ республикӕйы журналистты матчы фыццаг хай ацыд уазджыты уӕлиадӕй. Хуссар Ирыстоны командӕ ӕмбылдта 2:0 хыгъдӕй. Фӕлӕ йӕ дыккаг таймы фысымтӕ райдыдтой размӕ бырсын ӕмӕ бакодтой фондз пуртийы. Хуссар Ирыстоны жуналисттӕ ма фӕлвӕрдтой сраст кӕнынӕн уавӕр, фӕлӕ хъазт ахицӕн ис 5:3 хыгъдӕй.

"Рамбылдта хӕларад. Стыр бузныг уын рӕсугъд хъазты тыххӕй. Нӕй зӕгъӕн, чидӕр уыд лӕмӕгъдӕр, чидӕр та тыхджындӕр. Фылдӕр пуртитӕ батахт Хуссар Ирыстоны къулдуӕртты", - загъта РЦИ-А мыхуыры комитеты разамонӕг  Фидараты Юрий.

Цӕгат Ирыстоны командӕйы сконды уыд иууыл карджындӕр хъазӕг, фӕлӕ кармӕ ӕнкӕсгӕйӕ нымад ӕрцыд турниры хуыздӕр хъазӕгыл.

Хуссар Ирыстоны ӕмӕ Цӕгат Ирыстоны журналистты футболон командӕтӕ ӕмбӕлынц ныр дыккаг хатт, фыццаг хъазт ацыд 2019 азы ӕмӕ ахицӕн ис Хуссар Ирыстоны пайдайӕн.

Конференция Север-Юг
© Sputnik / Фатима Плиева
Хуссар Иры ӕмӕ Цӕгат Иры журналистты командӕтӕн ацыд хӕларадон фембӕлд Дзӕуджыхъӕуы
35
Хуссар Иры ацыд автозгъорд Уӕрӕсейы боны цытӕн

Хуссар Иры ацыд автозгъорд Уӕрӕсейы боны цытӕн

4
(ранӕуӕггонд 18:59 12.06.2021)
Бӕрӕгбоны цытӕн автозъорды архайджытӕн раарфӕ кодтой Хуссар Ирыстоны президент Бибылты Анатолийы, Россотрудничествойы хайады сӕргълӕууӕг Сергей Скворцов ӕмӕ фӕсивӕдон организацийы хистӕр Коцты Михаил

ЦХИНВАЛ, 12 июн — Sputnik, Хъуылымбегты Азӕмӕт. Хуссар Ирыстоны ацыд автозгъорд Уӕрӕсейы боны цытӕн. Дӕс хӕдтулгӕйӕ фылдӕр Хуссар Ирыстон ӕмӕ Уӕрӕсейӕ тырысатимӕ сабаты ӕрзылдымты Цхинвалыл.

Мадзалмӕ йӕ хъус дардта президент Бибылты Анатолийы. Уый раарфӕ кодта архайджытӕн бӕрӕгбоны фӕдыл.

"Уӕрӕсейы бон Хуссар Ирыстоны у паддзахадон бӕрӕгбон, ӕхсызгон мын у фӕсивӕд йӕ афтӕ кӕй нысан кӕны. Бузныг дзурын автозгъорды архайджытӕн. Хуыцау зӕгъӕт, цӕмӕй автозъорд суа ӕрвылазон", - загъта президент.

Автозъорд сорганизаци кодта фӕсивӕдон организаци "Иугонд Алани" Хуссар Ирыстоны Уӕрӕсейы минӕварадимӕ иумӕ.

  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
  • Хуссар Иры ацыд автозгъорд Уӕрӕсейы боны цытӕн
    Хуссар Иры ацыд автозгъорд Уӕрӕсейы боны цытӕн
    © Sputnik
1 / 4
© Sputnik
Хуссар Иры ацыд автозгъорд Уӕрӕсейы боны цытӕн

Автозъорд райдыдта Кады Аллейы Ӕнусон арты цурӕй, уыйфӕстӕ ссыдысты Тулдзы къохмӕ. Мадзалы рӕстӕджы йӕ архайджытӕ уыдысты Цхинвалы алкӕцы къуымы дӕр.

Уӕрӕсейы бон ӕрвылаз нысан цӕуы Хуссар Ирыстоны 2005 азӕй фӕстӕмӕ.

4