Уæлæмхасæн Глаголица

Цæгат Ирыстоны сарæзтой уæлæмхасæн ирон æмбисæндтæ æмæ загъдаутимæ

22
(ранӕуӕггонд 11:12 05.07.2021)
Проекты автор куыд банысан кодта, афтæмæй уæлæмхасæны сæйраг нысан у фæсивæды сæ историмæ сцымыдис кæнын

ЦХИНВАЛ, 5 июл — Sputnik. Цæгат Ирыстоны бацæттæ кодтой уæлæмхасæн "Глаголица", кæцымæ хаст æрцыд 100 æмбисонды æмæ загъдауы бæрц 30 æвзагмæ, уыимæ ирон æвзагмæ тæлмацгондæй. Уый тыххæй хъусын кæны 15-æм Регион.

Проекты автор Куыдаты Азæмæт куыд радзырдта, афтæмæй æрмæг сдзурын кодтой профессионалон диктортæ æмæ актертæ.

"Æмбисæндты текст лæвæрд цæуы дыууæ æвзагыл: уырыссаг æмæ райдианы æвзагыл, уæлæмхасæны иллюстрацитæ æххæстгонд æрцыдысты иу кæнæ иннæ адæмы национ колорит хынцгæйæ. Профессионалон диктортæ сдзурын кодтой 100 æмбисонды æмæ загъдауы бæрц", – загъта уый.

Куыдаты Азæмæты ныхæстæм гæсгæ, уæлæмхасæны сæйраг нысан у фæсивæды сæ историмæ сцымыдис кæнын.

"Ацы фæнд мæм раджы фæзынд. Ныртæккæ фæсивæд сæ адæмы культурон уидæгтæй адард сты. Уымæй уæлдай мæм уыд идейæ, цæмæй æппæт адæмтæ кæрæдзиимæ æмархайд кæной", – бахахх кодта уый.

Уæлæмхасæны ис ирон, уырыссаг, абазинаг, солиаг, адыгейаг, балхъайраг, башкираг, бурятаг, даргинаг, мæхъæлон, кæсгон, хъазахъхъаг, хъалмыхъхъаг, хъæрæсейаг, карелаг, хъырымы тæтæйрæгты, хъуымыхъхъаг, лекъаг, марийаг, мокшайаг, ногъайаг, тæтæйраг, тавинаг, удмуртиаг, хакасиаг, черкесаг, цæцæйнаг, чувашаг æмæ якутаг æмбисæндтæ æмæ загъдаутæ.

"Мах равзæрстам æппæты цымыдисагдæр æмæ арфмидисджындæр æмбисæндтæ", – бамбарын кодта проекты автор.

​Уæлæмхасæн "Глаголица" лæвары хуызы сæвæрæн ис цавæрфæнды IOS æмæ Android мобилон фæрæзыл дæр.

22
Аэропорт

Беслӕны аэропорт сэвакуаци кодтой "минӕйы" фӕдыл хъусинаджы фӕстӕ

10
(ранӕуӕггонд 12:03 20.10.2021)
Беслӕны аэропорт сэвакуаци кодтой, ӕбӕрӕг гоймӕгтӕ бӕстыхайы рӕмудзӕн ӕрмӕджы сӕвӕрды тыххӕй куы фехъусын кодтой, уый фӕстӕ

ЦХИНВАЛ, 20 окт - Sputnik. Беслӕны сэвакуаци кодтой пассажиртӕ ӕмӕ аэропорт "Дзӕуджыхъӕуы" кусджыты бӕстыхайы рӕмудзӕн ӕрмӕджы сӕвӕрды фӕдыл информацийы фӕстӕ, кӕцы ӕртыццӕджы фехъусын кодта ӕбӕрӕг гоймаг. Уый тыххй хъусын кӕны 15-ӕм регион аэропорты пресс-службӕйыл ӕнцойгӕнгӕйӕ.

Хъусинаджы фӕстӕ цӕгатирыстойнаг аэропорты сарӕзтой эвакуаци, афтӕ ма ӕрурӕдтой рейстӕ дӕр.

"Ныридӕгӕн фӕцис сгӕрст минӕйы фӕдыл информаци, хъусинаг раст нӕ разынд", - загътой аэропорты пресс-службӕйы.

Аэропорт "Дзӕуджыхъӕу" ныридӕгӕн сног кодта йӕ куыст ӕрвылбонон режимы.

10
Дзӕуджыхъӕуы бирӕуӕладзыгон хӕдзӕрттӕй иуы ӕрцыд газы срӕмыгъд

Дзӕуджыхъӕуы бирӕуӕладзыгон хӕдзӕрттӕй иуы ӕрцыд газы срӕмыгъд

11
(ранӕуӕггонд 10:46 20.10.2021)
Цау ӕрцыд дӕсуӕладзыгон хӕдзары Темыраты ӕфсымӕрты уынгыл дыццӕджы ӕхсӕвы

ЦХИНВАЛ, 20 окт — Sputnik. Дзӕуджыхъӕуы бирӕуӕладзыгон хӕдзӕрттӕй иуы газы срӕмыгъды аххосӕй ӕрцыд зынгсирвӕзт, хъусын кӕны Цӕгат Ирыстоны Уӕлвӕткон уавӕрты министрад (УУМ).

Срӕмыгъды фӕстиуӕгӕн зианбаййафджытӕ нӕй.

"Абон хӕдзар (горӕт Дзӕуджыхъӕу, Темыраты ӕфсымӕрты уынг, 69), кӕцыйы ӕрцыд зынгсирвӕзт газы срӕмыгъды тыххӕй, басгардзысты сӕрмагонд организацитӕ. Хӕдзарӕн бахъыгдард йӕ фасадон хай ӕмӕ хатӕнты хсӕн гӕрӕнтӕ, афтӕ ма 2, 4, 4 уӕладзыгты стеклопакеттӕ", - дзырдӕуы хъусинаджы.

Развӕлгъау информацимӕ гӕсгӕ, сӕйраг конструкцитӕ нӕ бахъыгдард сты.

Специалисты выясняют причину пожара, произошедшего во владикавказской многоэтажке
Пресс-служба МЧС по РСО-Алания
Дзӕуджыхъӕуы бирӕуӕладзыгон хӕдзӕрттӕй иуы ӕрцыд газы срӕмыгъд

Дӕсуӕладзыгон хӕдзары срӕмыгъды фӕдыл информаци ӕрбацыд ӕмбисӕхсӕвы фӕстӕ. Зынгсирвӕзт аиуварс кодтой, йӕ фӕзуат уыд 70 квадратон метры, сэвакуаци кодтой ӕхсӕз адӕймаджы.

Цауы фӕдыл Дзӕуджыхъӕуы Терчы районы прокуратурӕ сорганизаци кодта басгӕрст, кӕцыйы рӕстӕджы сбӕрӕг кӕндзысты цауы ӕууӕлтӕ.

11
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

0
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

0