Мæскуы æмæ Дзæуджыхъæуы ацыд презентаци персайнаг æвзагыл Нарты кадджытæн

Мæскуы æмæ Дзæуджыхъæуы ацыд презентаци персайнаг æвзагыл Нарты кадджытæн

12
(ранӕуӕггонд 13:05 07.07.2021)
Æдæппæтæй Кадджытæ сты 500 экземпляры æмæ дзы 400 лæвæрд æрцыд Ираны æххæстбарджын минæварадмæ. Уырдыгæй сæ арвитдзысты профилон ахуыргæнæндæттæм æмæ куыстуæттæм

ЦХИНВАЛ, 7 июл - Sputnik. Персайнаг æвзагыл Нарты кадджыты чиныгæн Мæскуыйы æмæ Дзæуджыхъæуы ацыд презентаци видеобастдзинады руаджы, хъусын кæны ПТРК "Алания".

Мадзалы архайдтой хицаудзинады, зонадон æхсæнады минæвæрттæ, Иран æмæ Цæгат Ирыстоны эксперттæ. Банысангонд æрцыд,  чиныг кæй у Иран æмæ Уæрæсейы хсæн æнгомдзинады фæрæз.

"Æдæппæтæй сты 500 экземпляры æмæ дзы 400 лæвæрд æрцыд Ираны æххæстбарджын минæварадмæ. Уырдыгæй сæ арвитдзысты профилон ахуыргæнæндæттæм æмæ куыстуæттæм", - дзырдæуы хъусинаджы.

Персайнаг æвзагыл Нарты кадджыты чиныджы презентаци уыдис ЦИПУ-йы дæр. Йæ сæргонд — "Нарт-Намэ". Тæлмац кæныныл бакуыстой куыд ирыстойнаг, афтæ ирайнаг ахуыргæндтæ.

Чингуыты фылдæр хай ныридæгæн арвыстой Ираны минæварадмæ. Мадзалы архайдтой республикæйы нациты хсæн ахастдзинæдты фарстаты фæдыл министры хæстæ æххæстгæнæг Цуциты Аслан, ЦИПУ-йы ректоры хæдивæг Туаты Бертæ, историкон факультеты декан Плиты Зæлинæ.

Фембæлд ацыди видео-конференцийы форматы. Онлайн бастдзинад сын уыди ирайнаг минæвæрттимæ дæр. Се ппæт дæр фæнысан кодтой чиныджы ахадындзинад, зонадон æхсæнадæн кæй уыдзæн тынг пайда - ирон эпосы дуне бæстондæрæй байгом кæндзысты Ираны зонадон иртасджытæн.

12
Транскамыл хæдтулгæ сæмбæлд тоннелы бетонон гæрæныл

Транскамыл хæдтулгæ сæмбæлд тоннелы бетонон гæрæныл

17
(ранӕуӕггонд 16:38 30.07.2021)
Аварион-ирвæзынгæнæн куыстыты архайдта сæрмагонд сконды цыппар адæймаджы æмæ техникæйы иунæг иуæг

ЦХИНВАЛ, 30 июл – Sputnik. Майрæмбоны Транскавказаг магистралы 61 километрыл æрцыд фæндагон-транспортон цау (ФТЦ) ВАЗ-21101 хæдтулгæйы архайдæй. Автотранспорты шофыр госпитализацигонд æрцыд Алагиры районы рынчындонмæ, хъусын кæны 15-æм Регион. 

"Аварийы бынатмæ æрвыст æрцыд зынгфæдисон-ирвæзынгæнæг 10-æм хайады радон хъарагъул. Бынаты куыд рабæрæг, афтæмæй шофыр нæ сырæхст скъæрын æмæ сæмбæлд тоннелы бетонон гæрæныл. Зынгфæдисонтæ хъыгдардбаййафæджы суæгъд кодтой, фыццаг æххуыс йын бакодтой æмæ йæ медицинон кусджыты бар бакодтой. Уымæй дарддæр, зынгфæдисонтæ хæдтулгæ тоннелæй ракодтой æмæ фæндаджы уæлцъары артаджы æрмæджытæ рахсадтой", – дзырдæуы Цæгат Ирыстоны æвирхъау цауты министрады пресс-службæйы хъусынгæнинаджы.

Аварион-ирвæзынгæнæн куыстыты архайдта сæрмагонд сконды цыппар адæймаджы æмæ техникæйы иунæг иуæг.

17
Ирон ӕвзагыл ист фильм Разжимая кулаки

Ирон ӕвзагыл ист фильм "Разжимая кулаки" бацыд Торонтойы фестивалы нывӕзтмӕ

16
(ранӕуӕггонд 15:54 30.07.2021)
Кинонывы дзырд цӕуы бинонтыл, кӕцы трагикъон хабӕртты фӕстӕ цӕрынмӕ ралыгъд Мызурмӕ. Фильмы сюжеты сӕйраг хахх - фыд ӕмӕ йӕ ӕртӕ хъӕбулы ӕмахастытӕ

ЦХИНВАЛ, 30 июл – Sputnik. Режиссер Кира Коваленкойы киноныв "Разжимая кулаки" бацыд Торонтойы ӕхсӕнадӕмон кинофестивалы программӕмӕ - Contemporary World Cinema. Лентæйы равдыст суыдзæн йæ цæгатамерикæйаг премьерæ, хъусын кӕны 15-ӕм регион.

Фильм ма райста 74-æм Каннаг кинофестивалы авторон кино "Особый взгляд"-ы конкурсы Гран-при.

Кинонывы дзырд цæуы, трагикъон цауты фæстæ цæгатирыстойнаг шахтерты сахар Мызуры чи æрцард, уыцы бинонтыл. Сюжеты астæумагъз – фыд æмæ йе ‘ртæ сывæллоны ‘хсæн зын æмахастытæ. Лӕгӕн ис дыууӕ фырты ӕмӕ иу чызг, кӕцыты хъомыл кӕны тызмӕгӕй. Йӕ уарзондзинадӕй фыд "хурх" кӕны йӕ чызджы, йӕхицӕй йӕ никуыдӕм уадзы. Чызджы фӕнды алидзын хӕдзарӕй, фӕлӕ фыды амынӕтӕй зын фервӕзӕн у.

Уæ зæрдыл уын æрлæууын кæнæм, кинонывы премьерæ Уæрæсейы уыдзæн фæззæджы.

16
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау