Ирыстойнаг рауагъдон Дзӕгъиаты Алан ссис Ӕппӕтуӕрӕсейон конкурсы уӕлахиздзау

Ирыстойнаг рауагъдон Дзӕгъиаты Алан ссис Ӕппӕтуӕрӕсейон конкурсы уӕлахиздзау

22
(ранӕуӕггонд 14:25 15.07.2021)
Ӕппӕтуӕрӕсейон конкурс нывонд уыд зонад ӕмӕ технологиты азӕн. Дзӕгъиаты Алан хорзӕх райста Паддзахадон думӕйы депутат, олимпиаг чемпионкӕ Светлана Журовайы къухтӕй

ЦХИНВАЛ, 15 июл – Sputnik. Хӕххон паддзахадон аграрон университеты рауагъдон Дзӕгъиаты Алан ссис Ӕппӕтуӕрӕсейон конкурсы уӕлахиздзау, кӕцы нывонд уыд зонад ӕмӕ технологиты азӕн. Ӕвзонг ветеринарӕн радтой хорзӕх проекты тыххӕй, "кӕцы здӕхт у халсарӕг хомаджы руаджы хоскӕнынадмӕ, цӕмӕй фӕфылдӕр кӕной экологион ӕдасдзинад". Уый тыххӕй хъусын кӕны 15-ӕм Регион.

Посмотреть эту публикацию в Instagram

Публикация от НОВОСТИ ОСЕТИИ (@region15.info)

Ӕвзонг ветеринар банысан кодта, йӕ професси йӕ зӕрдӕмӕ кӕй цыд сабибонтӕй фӕстӕмӕ.

"Алыхатт дӕр мӕ фӕндыд, цӕмӕй уыдаин ветеринарон дохтыр, хӕдзары уый никӕй зӕрдӕмӕ цыд – мӕ фыд уыд тренер, боксы тӕрхонгӕнӕг. Ӕз та алыхатт дӕр хӕдзармӕ кодтон цӕрӕгойты, цӕмӕй сын хос кӕнон. Ныр та дӕн ветеринарон дохтыр, ис мын ӕнтыстытӕ, ӕмӕ мӕ бинонтӕ мӕ фарсмӕ балӕууыдысты", - загъта Дзӕгъиаты Алан.

Дзӕгъиаты Алан бузныг загъта йӕ университеты ректор ӕмӕ зонадон разамонӕгӕн, афтӕ ма йӕ бинонтӕн.

22
Транскамыл хæдтулгæ сæмбæлд тоннелы бетонон гæрæныл

Транскамыл хæдтулгæ сæмбæлд тоннелы бетонон гæрæныл

13
(ранӕуӕггонд 16:38 30.07.2021)
Аварион-ирвæзынгæнæн куыстыты архайдта сæрмагонд сконды цыппар адæймаджы æмæ техникæйы иунæг иуæг

ЦХИНВАЛ, 30 июл – Sputnik. Майрæмбоны Транскавказаг магистралы 61 километрыл æрцыд фæндагон-транспортон цау (ФТЦ) ВАЗ-21101 хæдтулгæйы архайдæй. Автотранспорты шофыр госпитализацигонд æрцыд Алагиры районы рынчындонмæ, хъусын кæны 15-æм Регион. 

"Аварийы бынатмæ æрвыст æрцыд зынгфæдисон-ирвæзынгæнæг 10-æм хайады радон хъарагъул. Бынаты куыд рабæрæг, афтæмæй шофыр нæ сырæхст скъæрын æмæ сæмбæлд тоннелы бетонон гæрæныл. Зынгфæдисонтæ хъыгдардбаййафæджы суæгъд кодтой, фыццаг æххуыс йын бакодтой æмæ йæ медицинон кусджыты бар бакодтой. Уымæй дарддæр, зынгфæдисонтæ хæдтулгæ тоннелæй ракодтой æмæ фæндаджы уæлцъары артаджы æрмæджытæ рахсадтой", – дзырдæуы Цæгат Ирыстоны æвирхъау цауты министрады пресс-службæйы хъусынгæнинаджы.

Аварион-ирвæзынгæнæн куыстыты архайдта сæрмагонд сконды цыппар адæймаджы æмæ техникæйы иунæг иуæг.

13
Ирон ӕвзагыл ист фильм Разжимая кулаки

Ирон ӕвзагыл ист фильм "Разжимая кулаки" бацыд Торонтойы фестивалы нывӕзтмӕ

12
(ранӕуӕггонд 15:54 30.07.2021)
Кинонывы дзырд цӕуы бинонтыл, кӕцы трагикъон хабӕртты фӕстӕ цӕрынмӕ ралыгъд Мызурмӕ. Фильмы сюжеты сӕйраг хахх - фыд ӕмӕ йӕ ӕртӕ хъӕбулы ӕмахастытӕ

ЦХИНВАЛ, 30 июл – Sputnik. Режиссер Кира Коваленкойы киноныв "Разжимая кулаки" бацыд Торонтойы ӕхсӕнадӕмон кинофестивалы программӕмӕ - Contemporary World Cinema. Лентæйы равдыст суыдзæн йæ цæгатамерикæйаг премьерæ, хъусын кӕны 15-ӕм регион.

Фильм ма райста 74-æм Каннаг кинофестивалы авторон кино "Особый взгляд"-ы конкурсы Гран-при.

Кинонывы дзырд цæуы, трагикъон цауты фæстæ цæгатирыстойнаг шахтерты сахар Мызуры чи æрцард, уыцы бинонтыл. Сюжеты астæумагъз – фыд æмæ йе ‘ртæ сывæллоны ‘хсæн зын æмахастытæ. Лӕгӕн ис дыууӕ фырты ӕмӕ иу чызг, кӕцыты хъомыл кӕны тызмӕгӕй. Йӕ уарзондзинадӕй фыд "хурх" кӕны йӕ чызджы, йӕхицӕй йӕ никуыдӕм уадзы. Чызджы фӕнды алидзын хӕдзарӕй, фӕлӕ фыды амынӕтӕй зын фервӕзӕн у.

Уæ зæрдыл уын æрлæууын кæнæм, кинонывы премьерæ Уæрæсейы уыдзæн фæззæджы.

12
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

8
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

8