Арт-объект

Цӕгат Иры ацӕудзӕн егъау туристон форум

30
(ранӕуӕггонд 12:13 27.07.2021)
Мадзалмӕ хуынд ӕрцӕудзысты федералон спикертӕ, кӕцытӕ ратдзысты пайдаджын информаци бынӕттон амалиуӕггӕнджытӕ ӕмӕ инвестортӕн

ЦХИНВАЛ, 27 июл - Sputnik. Цӕгат Ирыстоны фӕнд кӕнынц ауадзын гуырахстджын форум, кӕцы нывонд уыдзӕн Цӕгат Кавказы федералон зылды туристон къабаз райтынг кӕнынӕн. Уый тыххӕй 15-ӕм Регион фехъусын кодта республикӕйы туризмы комитеты сӕрдары хӕдивӕг Салхъазанты Светлана. 

Йӕ ныхӕстӕм гӕсгӕ, мадзалмӕ хуынд ӕрцӕудзысты федералон спикертӕ, кӕцытӕ ратдзысты пайдаджын информаци бынӕттон амалиуӕггӕнджытӕ ӕмӕ инвестортӕн.

"Уынаффӕ кӕндзыстӕм кадрон фарстытыл, туризмы ӕдасдзинады фарстытыл, туристон инфраструктурӕ фӕхуыздӕр кӕныныл. Туризм хъӕуы райтынг кӕнын, ацы къабазыл хъӕуы серьезон куыст бакӕнын", - банысан кодта Салхъазанты Светлана.

Уый ма бафтыдта, июны республикӕмӕ ирон уӕлибыхты фестивалы фӕлгӕтты кӕй хъуамӕ фӕхуыдтаиккой уӕрӕсейаг блогертӕ ӕмӕ туроператорты.

"Нӕ хъуыдымӕ гӕсгӕ, уыдон социалон хызты сӕ публикациты руаджы кӕй аздахдзысты туристты хъусдард Ирыстонмӕ", - загъта комитеты сӕрдары хӕдивӕг.

Фӕлӕ коронавирусимӕ уавӕры тыххӕй, балхынцъ кодта уый, мадзал аргъӕвтой октябрьмӕ.

30
Сергей Меняйло

Сергей Меняйлойы равзæрстой Цæгат Иры сæргълæууæгæй

15
(ранӕуӕггонд 10:47 20.09.2021)
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

15
Хъадамантӕ

Цӕгат Иры цӕрӕг хылы рӕстӕджы лӕдзӕгӕй фӕнадта ацӕргӕ лӕджы

10
(ранӕуӕггонд 13:18 17.09.2021)
Хъыгдардбаййафӕг 75-аздзыд нӕлгоймаг бахауд медицинон уагдонмӕ сӕрымагъзы тавмӕимӕ

ЦХИНВАЛ, 17 сен – Sputnik. Цӕгат Ирыстоны тӕрхондоны раз ӕрлӕудзӕн нӕлгоймаг, кӕцы фӕнадта 75-аздзыд пенсиисӕджы. Уый тыххӕй хъусын кӕны республикон МХМ пресс-службӕ.

Хъыгдардбаййафӕг 75-аздзыд нӕлгоймаг бахауд медицинон уагдонмӕ сӕрымагъзы тавмӕимӕ.

"Милицийы кусджытӕ цыбыр ӕмгъуыдмӕ сбӕрӕг кодтой ӕмӕ ӕрурӕдтой фыдгӕнӕджы. Уый хылы рӕстӕджы цывта пенсиисӕджы сӕр лӕдзӕгӕй", - дзырдӕуы хъусинаджы.

Фыдгӕнӕг уый фӕстӕ йӕхи бааууон кодта хылы бынатӕй, ацӕргӕ нӕлгоймаджы уадзыгӕй хаудӕй ныууадзгӕйӕ.

Цауы фӕдыл басгӕрст уадзынц Мӕздӕджы районы милицийы хайады кусджытӕ.

10
Цхуырбаты Тимур

Цхуырбаты Тимур: Хуссар Иры паддзахады бындур сæвæрдтой "Адæмон ныхасы" минæвæрттæ

6
(ранӕуӕггонд 10:45 20.09.2021)
Хуссар Ирыстоны фыццаг æрсидты депутат, фыдыбæстæ хъахъхъæнæг Цхуырбаты Тимур радио Sputnik эфиры радзырдта, паддзахадон тырыса æмæ республикæйæн цы нысаниуæг ис, уый тыххæй
Цхуырбаты Тимур: Хуссар Ирыстоны паддзахады бындур сæвæрдтой "Адæмон ныхасы" минæвæрдтæ

Хуссар Ирыстон ацы бонты нысан кæны дыууæ ахсджиаг бæрæгбоны – Паддзахадон тырыса æмæ Республикæйы бон. Цхуырбаты Тимур куыд радзырдта, уымæ гæсгæ республикæйæн дæр æмæ паддзахадон тырысайæн дæр бындур сæвæрдтой æхсæнадон змæлд "Адæмон ныхас"-ы минæвæрттæ.

"Ирыстоны бахъахъхъæнынæн мах сарæзтам практикон змæлд, фæлæ йын бындур сæвæрдтой "Адæмон ныхасы" уæнгтæ. Фыццаг уыд идейæ, æнæ уый æрмæст хъаруйæ ныцы сараздзынæ, æнæмæнг дзы хъæуы идейæ", - загъта Тимур.

Уый æрхъуыды кодта, паддзахад сæвзæрдты цы адæм архайдтой, уыдон, уæлдайдæр та Цоциты Аланы.

"Гуырдзыстон фыццаг хатт 23 ноябры куы æрбацыд, уæд уыдон тынг цæттæ уыдысты, махмæ та уыд æрмæстдæр хъару, тырыса дæр нын нæ уыд. Ленины портрет сын сæ размæ рахастам сырх тырысаимæ, уымæн нæ, æмæ Ленины табугæнджытæ уыдыстæм, фæлæ гуырдзиæгтæ мæсты кодтой, æмæ уый тыххæй", - бафиппадта Тимур.

Фыдыбæстæ хъахъхъæнæг ма куыд банысан кодта, афтæмæй Хуссар Ирыстоны паддзахадон тырыса идеологон æмæ эстетикон домæнтæм гæсгæ у æххæст.

6
Темӕтӕ:
Радио иронау