Беслæн

Беслæны фæзындзæн терроризмы профилактикæйы æппæтадæмон центр

16
(ранӕуӕггонд 16:23 31.08.2021)
Мадзал арæзт уыдзæн дыууæ хайæ. Проектмæ гæсгæ базилдзысты, фыццæгæм скъолайы бæстыхайæ чи баззад, уыцы хаймæ

ЦХИНВАЛ, 31 авг — Sputnik. Терроризмы профилактикæйы æппæтадæмон центр хъуамæ фæзына Беслæны 2023-æм азмæ, хъусын кæны ПТРК "Алания".

Мадзал арæзт уыдзæн дыууæ хайæ. Проектмæ гæсгæ базилдзысты, фыццæгæм скъолайы бæстыхайæ чи баззад, уыцы хаймæ.

"Сæйраг нысан — 2004-æм азы трагикон цауты фæдтæ бахъахъхъæнын. Уымæ гæсгæ бæстыхайы мидæгæй æххæстæй не сног кæндзысты. Проекты дыккаг къæпхæн та уыдзæн ног бæстыхай. Ам уыдзæн проекцион зал æмæ дзы æвдисдзысты документалон хроникæтæ, стæй ма дзы уыдзæн экспозицитæн бæстыхæйттæ", - дзырдæуы хъусинаджы.

Кълæсты фæнд кæнынц, трагедийыл чи дзурдзæн, ахæм экспозици равæрын. Фенæн ма дзы уыдзæн, дунейы алы рæтты цы стыр фыдбылызтæ æмæ теракттæ æрцыд, уыдоны тыххæй равдыстытæ.

Беслæны трагедийы мысæн бонты агъоммæ Цæгат Ирыстонмæ ссыдысты Æдасдзинады Федералон службæйы æдзард æфсæддонты хæстæджытæ. Уыдоны хъуыдымæ гæсгæ, ахæм мадзæлттæ сты ахсджиаг хъæбатырты ном арынæн æмæ мысынæн.

Центр саразыны архайдзысты бæстæйы хуыздæр реставратортæ. 

16
Пандеми

Ноджы авд адӕймаджы амардысты коронавирусӕй Цӕгат Иры

2
(ранӕуӕггонд 14:28 16.09.2021)
Фӕстаг суткӕ ма Цӕгат Ирыстоны срегистраци кодтой 68 ног фӕрынчынуӕвӕджы коронавирусӕй

ЦХИНВАЛ, 16 сен - Sputnik. Цæгат Ирыстоны ног коронавирусон инфекцийæ амардысты ноджы авд адæймаджы, фехъусын кодта цыппæрæмы республикон Роспотребнадзоры.

Афтæмæй COVID-19-ӕй амæлæг адæмы иумæйаг нымæц регионы схæццæ 636 онг.

Фӕстаг суткӕ ма республикӕйы срегистраци кодтой 68 ног фӕрынчынуӕвӕджы.

Пандемийы райдианӕй коронавирусон инфекции кӕуыл бахӕцыд, уыдон нымӕц схызт 22 044 онг. Уыдонӕй 20 914 сӕнӕниз сты. Стационарон ӕмӕ амбулаторон хоскӕнынадыл сты 659 пациенты.

2
Коронавирус

Цӕгат Иры ноджы 17 адӕймаджы амардысты коронавирусӕй

14
(ранӕуӕггонд 11:42 03.09.2021)
Бон раздӕр республикӕйы COVID-19-ӕй амардысты авд адӕймаджы, фӕмардуӕвджыты иумӕйаг нымӕц схызт 533 онг

ЦХИНВАЛ, 3 сен — Sputnik. Цӕгат Ирыстоны коронавирусӕй амардысты 17 адӕймаджы. Пандемийы райдайӕнӕй COVID-19-ӕй амардысты 533 адӕймаджы.

Афтӕ ма иу суткӕмӕ коронавирус сбӕрӕг кодтой 71 адӕймагӕн. Фӕрынчынуӕвджыты иумӕйаг нымӕц схызт 21 151 онг.

Уӕрӕсейы пандемийы райдайӕнӕй сбӕрӕг кодтой 6 956 318 фӕрынчынуӕвӕджы, вирусӕй амардысты 184 812 адӕймаджы, 6 218 048 та сӕнӕниз сты.

Джон Хопкинсы Университеты бӕрӕггӕнӕнтӕм гӕсгӕ, дунейы коронавирусӕй ӕдӕппӕт фӕрынчын сты 219 милуанӕй фылдӕр адӕймаджы, уыдонӕй 4,5 милуан адӕймагӕй фылдӕр амардысты.

14
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

0
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

0