Тӕрккъӕвда

Цӕгат Иры УУМ фехъусын кодтой штормон фӕдзӕхст

22
Республикӕйы ӕнхъӕлмӕ кӕсынц тӕрккъӕвдатӕм ӕмӕ тыхдымгӕтӕм, бафӕдзӕхстой уӕлвӕткон уагдоны

ЦХИНВАЛ, 2 сен — Sputnik. Цӕгат Ирыстоны Уӕлвӕткон уавӕрты министрады фехъусын кодтой штормон фӕдзӕхст ӕвзӕр боныгъӕды тыххӕй, хъусын кӕны уагдоны пресс-службӕ.

"Республикӕйы территорийыл 2021 азы 1-ӕй 3-ӕм сентябрмӕ ӕнхъӕлмӕ кӕсынц тӕрккъӕвдатӕм, ихуардмӕ ӕмӕ тыхдымгӕтӕм 20-25 м/с онг", - дзырдӕуы уагдоны хъусинаджы.

Министрады ма банысан кодтой, республикӕйы хӕххон районты гӕнӕн ис кӕй ӕрцӕуой цъыфы зӕйтӕ, цӕугӕдӕтты та фӕфылдӕр уа доны ӕмвӕзад.

Ӕвзӕр боныгъӕд ӕнхъӕлмӕ кӕсы Хуссар Ирыстонмӕ дӕр. Ӕртыццӕджы изӕры республикӕйы уарыд тӕрккъӕвда, кӕцыйы фӕстиуӕгӕн хӕххон районты ӕрцыдысты цъыфы зӕйтӕ. Хуссар Ирыстоны УУМ хъусинагмӕ гӕсгӕ, зӕй сӕхгӕдта фӕндаг Дзауы районы Сыбайы хъӕумӕ, цы ран уагъд цӕуы цӕрджыты эвакуаци. Афтӕ ма зӕй ӕрцыд Транскамы фадыгыл дӕр, фӕлӕ фӕндаг уайтагъд ссыгъдӕг кодтой.

22
Александр Усик (Украина) ӕмӕ Гасситы Мурӕт  (Уӕрӕсе)

Тренер Сланты Виталий саргъ кодта "Ирон"-ы шанстӕн Усикы ныхмӕ тохы

4
(ранӕуӕггонд 12:20 27.09.2021)
Ивгъуыд улӕфт бонты ацыд украинӕйаг Александр Усик ӕмӕ британиаг Энтони Джошуайы ныхмӕлӕуд, кӕцыйӕ украинӕйаг боксер рахызт уӕлахиздзауӕй

ЦХИНВАЛ, 27 сен - Sputnik. Украинӕйаг Александр Усик ӕмӕ ирон боксер Гасситы Мурӕты хсӕн патенциалон ныхмӕлӕуды фӕстиуджытӕн зын у рагзагъд саразын, загъта "Ирон"-ы ахуыргӕнӕг, УФ сгуыхт тренер Сланты Виталий 15-ӕм регионӕн.

"Зын зӕгъӕн у, фӕуӕлахиз уыдзӕн Гасситы Мурӕт ахӕмУсикыл, ӕви нӕ. Фӕлӕ мӕ ныфс ис, уыцы тох искуы кӕй ацӕудзӕн. Уый уыдзӕн хорз тох. Мурӕт бирӕ фӕразондӕр у Джошуайӕ. Йӕ цӕф дӕр тыхджындӕр у. Алцыдӕр равдисдзӕн ринг", - загъта Сланты Виталий.

Тренер банысан кодта, тохы фӕстиуджыты ма стыр нысаниуӕг кӕй ис Мурӕты ӕнӕниздзинадӕн райсгӕ травмӕты фӕстӕ.

"Суперсерийы финалы фӕстӕ бирӕ моменттӕ уыд. Райста цӕфтӕ, йӕ уӕз тынг зынтӕй ӕппӕрста. Ныфс ӕвӕрдзыстӕм, сӕ дыккаг тох дӕр кӕй ацӕудзӕн ӕмӕ кӕй уыдзӕн бирӕ конкурентондӕр", – банысан кодта тренер.

Ивгъуыд улӕфт бонты ацыд украинӕйаг Александр Усик ӕмӕ британиаг Энтони Джошуайы ныхмӕлӕуд, кӕцыйӕ украинӕйаг боксер рахызт уӕлахиздзауӕй.

Гасситы Мурӕт фембылд Александр Усикӕн 2018 азы июлы.

4
бӕхты театр

Ирд спектакльтӕ ӕмӕ хъайтартӕ: Цӕгат Иры бӕхты театр "Нартӕ" цӕттӕ кӕны ног сезонмӕ

15
(ранӕуӕггонд 14:22 24.09.2021)
Уæрæсейы иунæг паддзахадон бæхты театрмæ фидæнмæ ис стыр фæндтæ. Фæзынд сæм æхгæд ангар, уыимæ фадат æвзæр боныхъæды тренировкæтæ кæнынæн, стæй зымæгон спектакльтæ дæттынæн

ЦХИНВАЛ, 24 сен - Sputnik. Цӕгатирыстойнаг бæхты театр "Нартæ" йæхи цæттæ кæны ног сезонмæ. Аивадуарзджытæм æнхъæлмæ кæсынц ног спектакльтæ æмæ постановкæтæ, хъусын кӕны ПТРК "Алания".

 Хъусинагӕй куыд бӕрӕг у, афтӕмӕй ныридæгæн театры цæттæ кæнынц Ног Азы бæрæгбонтæм. Сабиты размæ рахæсдзысты спектакль "Алладин и разбойники". Уымӕй дарддӕр ма ӕвӕрынц спектакль "Посвящение семерым", кӕцыйы нысан у Хъолайы цъити кæй райста, уыдоны нæмттæ сæнусон кæнын.

"Уыцы æвирхъау цауы бахауыдысты бæхты театры авд артисты дæр. Уыдон хаст уыдысты Сергей Бодровы исæн къордмæ. Их, мит æмæ лæмидæтты бынæй никæмæн уал бантыст фервæзын", - хъусын кӕны телеуынынад.

"Нарт"-ы хистæр кары артисттæ куыд зæгъынц, афтæмæй æрдзон фыдбылызы фæстæ рæстæг театрæн ссис æппæттæй зындæр. 2002 азы трагеди ахаста цыппаркъахыг артистты цард дæр.

Зæгъын хъæуы уый, æмæ театр 13 азы агомыг кæй уыд, йæ куыст кæй æрлæууыд. Ныр дзы цард бацайдагъ. Уæрæсейы иунæг паддзахадон бæхты театрмæ фидæнмæ ис стыр фæндтæ. Фæзынд сæм æхгæд ангар, уыимæ фадат æвзæр боныхъæды тренировкæтæ кæнынæн, стæй зымæгон спектакльтæ дæттынæн. 

Театры цард дарддæр кæй цæуы, уый нæ хынцгæйæ, ам иу уысм дæр ничи рох кæны Хъолайы цъитийы уæззау цау. Алы спектаклы дæр кусынц канд сæхи архайдыл нæ, фæлæ ма, Хъæрмæдоны комы цы сæ авд æмкусæджы баззад, уыдоны бæсты дæр.

15
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2