кард

Цæгат Ирыстоны фынгæвæрд ахицæн карды цæфтæй

44
(ранӕуӕггонд 12:09 28.09.2021)
Рагагъоммæйы бæрæггæнæнтæм гæсгæ, нæлгоймæгты ныхас расайдта хъаугъамæ æмæ кæрæдзимæ кæрдтæ систой. Аххосджынгондмæ æнхъæлмæ кæсы дыууæ азы онг æмгъуыд

ЦХИНВАЛ, 28 сен — Sputnik. Цæгат Ирыстоны 38-аздзыд бынæттон цæрæджы фынгыл бадгæйæ быцæуы рæстæджы ныццавтой кардæй, хъусын кæны 15-ӕм регион республикон министрады пресс-службæйыл ӕнцойгӕнгӕйӕ.

Рагагъоммæйы бæрæггæнæнтæм гæсгæ, нæлгоймæгты ныхас расайдта хъаугъамæ æмæ кæрæдзимæ кæрдтæ систой.

"Быцæуы рæстæджы аххосджынгонд фынгæй кард фелвæста æмæ дзы хъыгдард баййафæджы къах ныццавта. Полицæйы кусджытæ æртæ суткæйы æмгъуыдмæ рабæрæг кодтой фыдгæнæджы уæвыны бынат. Уый разынд Тельманы поселокы 34-аздзыд уый размæ тæрхонгонд цæрæг", - дзырдӕуы хъусинаджы.

Ныртæккæ фыдгӕнӕг ис полицæйы хайады. Йæ аххосыл дæр басаст. Амынд цауы бындурыл æрфарсты органтæ байгом кодтой уголовон хъуыддаг.

Аххосджынгондмæ æнхъæлмæ кæсы дыууæ азы онг æмгъуыд.

44
Нарты Сырдон

Цӕгат Иры конкурс сбӕрӕг кодта, куыд зонынц фӕсивӕд Нарты кадджыты сусӕгдзинӕдтӕ

22
(ранӕуӕггонд 11:14 22.10.2021)
Конкурсы архайджытӕ сты алы факультеттæй дæр æмæ сæ сæйраг хæс у æппæт къæпхæнтæ ацæуын. Йæ сæйраг нысан – ирон æгъдæуттæ парахат кæнын æмæ сыл фæсивæды ӕфтауын

ЦХИНВАЛ, 22 окт – Sputnik. Фæсивæд фыдæлты истори æмæ æгъдæуттæ куыд зонынц, уый сбæрæг кодтой Цæгат Ирыстоны паддзахадон университеты. Уый тыххӕй хъусын кӕны Осетия-Ирыстон.

Мадзалы фӕлгӕтты арæзт æрцыд интеллектуалон квест. Æппæт фæрстытæ дæр баст уыдысты Нарты кадджытимæ.

10 къорды архайджытӕ сты алы факультеттæй дæр æмæ сæ сæйраг хæс у æппæт къæпхæнтæ ацæуын. Нарты кадджыты сæйраг циклтæ, ирон æгъдæуттæ, кинонывтæ æмæ зарджытӕ базонын, истори æмæ бæстæзонынадӕй цæттæдзинад равдисын, лабиринт ацæуын.

Бафæлвæрдтой, ирон бæгæны куыд фыцын хъæуы, уый радзурын дӕр. Уæдæ сæ арæхстдзинад равдыстой фат æмæ æрдынæй дæр.

"Алы къæпхæны фæрстытыл дæр цыд бæстон æмæ бӕлвырд ныхас. Æрмæст афтæмæй ис фæуæлахиз уæвын. Фæсивæды ныхæстæм гæсгæ, квесты руаджы кæнынц æнгомдæр. Уый тыххӕй мадзал нымайынц кæрæдзиуыл æнувыд кæныны фæрæзыл", - дзырдӕуы хъусинаджы.

Мадзаларазджытæ – университеты профцæдис. Йæ сæйраг нысан – ирон æгъдæуттæ парахат кæнын æмæ сыл фæсивæды ӕфтауын.

Кæронбæттæнмæ уæлахиздзаутæн бацæттæ кодтой цымыдисон æмæ зæрдылдарæн лæвæрттæ.

22
Цӕгат Иры баныгӕдтой 22 хӕстоны стӕгдартӕ, кӕцытӕ фӕмард сты Стыр Фыдыбӕстон хӕсты

Цӕгат Иры баныгӕдтой 22 хӕстоны стӕгдартӕ, кӕцытӕ фӕмард сты Стыр Фыдыбӕстон хӕсты

33
(ранӕуӕггонд 14:01 21.10.2021)
Уӕрӕсейы алы къуымтӕй рацӕугӕ хӕстонтӕ фӕмард сты Кавказы сӕраппонд тохты – агурджытӕ уыдон стӕгдартӕ ссардтой ацы аз

ЦХИНВАЛ, 21 окт — Sputnik. Цӕгат Ирыстоны баныгӕдтой 22 хӕстоны стӕгдартӕ, кӕцытӕ Стыр Фыдыбӕстон хӕсты рӕстӕджы хъахъхъӕдтой Кавказы арӕнтӕ, хъусын кӕӕы регионы УУМ пресс-службӕ.

Саударӕн мадзалы Мӕздӕджы районы хъӕу Предгорноейы хайад райстой бынӕттон администрацийы минӕвӕрттӕ, барадхъахъхъӕнӕг органты кусджытӕ, ӕхсӕнадон организациты уӕнгтӕ.

Кавказы хъахъхъӕнджыты стӕгдартӕ ссарыны фӕдыл масштабон куыст бакондӕуыд Цӕгат Ирыстоны территорийыл ацы аз.

"Ам, Терчы рагъы бӕрзӕндтыл Мӕхъӕлимӕ арӕныл, 1942 азы цыдысты тугкалӕн тохтӕ. Сӕдӕгай солдаттӕ Уӕрӕсейы алы къуымтӕй ам сӕ цард радтой Стыр Уӕлахизы сӕраппонд", - хъусын кӕны пресс-службӕ Мӕздӕджы районы УУМ хайады сӕргълӕуӕг Сергей Осовины ныхӕстӕ.

Уагдоны ма бафтыдтой, агурӕн мадзӕлттӕ Мӕздӕджы районы кӕй цӕуынц ӕнӕхъӕн азы дӕргъы, къорд "Поиск"-ӕн ӕххуыс кӕнынц коллегӕтӕ ӕндӕр регионтӕй.

33
Гӕбӕраты Юрий

Гӕбӕраты Юрий Галуанты Людайы тыххӕй: уый уыд поэт-трибунӕ

0
(ранӕуӕггонд 13:24 24.10.2021)
Газет "Хурзӕирн"-ы сӕйраг редактор Гӕбӕраты Юрийы раныхас Галуанты Людмилайӕн фӕстаг харзбон зӕгъыны церемонийы
Гӕбӕраты Юрий: Галуанты Людмилайы хъуыд трибуна, цӕмӕй тох кодтаит

Фыдохы церемонийы раныхасы газет "Хурзӕрин"-ы сӕйраг редактор Галуанты Людмилайы схуыдта "нӕ нӕргӕ хох, нӕ цӕугӕ мӕсыг рафӕлдӕхт", кӕд ӕмӕ сылгоймагӕй афтӕ никуы фӕдзурынц, уӕддӕр.

"Людайы поэзи нӕ хъуыд, уый хъуыд ӕрмӕстдӕр трибуна, цӕмӕй йӕ наци, йӕ радтӕг адӕмы сӕрыл тох кодтаит, ӕмӕ йыл тох кодта, ӕцӕгӕй лӕугӕ мӕсыг ӕмӕ цӕугӕ хох куыд у, афтӕ", - загъта Гӕбӕраты Юрий.

Редактор куыд банысан кодта, уымӕ гӕсгӕ Людмила Графы чызг йӕ царды девизӕн равзӕрста Джыккайты Шамилы ныхӕстӕ: "Нӕхи йедтӕмӕ никӕй хъӕуӕм мах, нӕхӕдӕг та нӕ аууӕрдӕм нӕхиуыл".

"Уымӕн ӕмӕ йӕ зыдта, нӕхӕдӕг куыннӕ скӕуӕм нӕхиуыл, уӕд нӕ бӕсты ничи зӕгъдзӕн нӕ сӕрыл дӕр, ӕмӕ йын уымӕ гӕсгӕ йӕ поэзи схонӕм атфӕ: Люда уыд поэт-трибунӕ", - бафиппайдта Юрий.

Уый ма бафтыдта йӕ ныхасы, зӕгъгӕ, Галуанты Людмила ӕрмӕст "Ныййараджы кадӕг"-ы йедтӕмӕ куы никуы ахъазыдаид сценӕйыл, уӕддӕр уыд аккаг, цӕмӕй Иры дзыллӕтӕ ацы фӕзуаты ӕрбамбырд уыдаиккой.

0
Темӕтӕ:
Радио иронау