ХИПУ æссис Евразийаг университетты ассоциацийы уæнг

ХИПУ æссис Евразийаг университетты ассоциацийы уæнг

48
(ранӕуӕггонд 09:34 02.06.2015)
Евразиаг университетты ассоцицийы XIII уанелы ХИПУ ист æрцыд ассоциацийы уæнгæй.

ЦХИНВАЛ, 16 апр — Sputnik. Хуссар Ирыстоны паддзахадон университет (ХИПУ) ист æрцыдис Евразиаг университетты ассоциацимæ. ХИПУ-йы пресс-службæйы куыд фехъусын кодтой, афтæмæй ахæм уынаффæ рахастæуыд университетты ассоцицийы XIII уанелы, кæцы уагъд æрцыд Санк-Петербурджы паддзахадон экономикон университеты.

"Уанелы хайад райстой нæ университеты минæвæрттæ ректор Тедеты Вадимы сæргълæудæй. Мадзалы пленарон рабадты ассоциацийы президент Виктор Садовничий æрæмбырдуæвджытæн бакаст Хуссар Ирыстоны президент Тыбылты Леониды арфæйаг фыстæг. Фыстæджы нæ бæстæйы сæргълæууæг банысан кодта, зæгъгæ, Евразийаг университетты ассоциацийы фæрцы Республикæйы фæбæрзонддæр уыдзæн зонад æмæ ахуырады æмвæзад, студенттæн фæзындзысты бирæ ног уавæртæ.

Йæхи рады Тедеты Вадим республикæйы президенты номæй Виктор Садовничиййы схорзæхджын кодта Хæлардзинады орденæй", — загътой пресс-службæйы.

Евразийаг университетты ассоциаци (райдианы уал хуындис СССР университетты ассоциаци) арæзт æрцыд 1989 азы Мæскуыйы паддзахдон университеты инициативæмæ гæсгæ. Ацы уынаффæимæ сразы сты Советон Цæдисы 20 стырдæр уæлдæр ахуыргæнæндоны. 1992 азы ивд æрцыд Евразийаг университетты ассоциацимæ.

48
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3