Хуссар Ирыстоны рауагъдонтæн лæвæрд æрцæудзысты лимиттæ Цæгат Иры уæлдæр ахуыргæнæндæттæм

РХИ-йы рауагъдонтæн ратдзысты лимиттæ Цæгат Иры уæлдæр ахуыргæнæндæттæм

27
(ранӕуӕггонд 09:52 02.06.2015)
Хуссар Ирыстоны ахуырад æмæ зонады фæдыл министрад æмбырд кæны скъолаты рауагъдонты документтæ, кæцыты фæнды Дзуджыхъæуы университеттæм ахуырмæ бацæуын.

ЦХИНВАЛ, 27 апр  — Sputnik. Хуссар Ирыстоны скъолаты рауагъдонтæн лæвæрд æрцæудзысты Цæгат Иры уæлдæр ахуыргæнæндæттæм бахауыны тыххæй лимиттæ, фехъусын кодта къуырисæры ахуырад æмæ зонады фæдыл министр Гасситы Натали.

Алы аз дæр республикæйы рауагъдонтæн фадат вæййы Уæрæсейы хуыздæр уæлдæр ахуыргæнæндæттæм бацæуын – хицæн сын æрцæуынц сæрмагонд квотæтæ.

Министр куыд банысан кодта, афтæмæй рауагъдонты иу хай æвзæрст æрцæудзысты Джæуджыхъæуы университеттæм.

«Ахуырдзауты иу хай ныридæгæн сæ документтæ æрбахастой министрадмæ. Ацы аз нын лимиттæ хицæн æрцыдысты Цæгат Ирыстоны паддзахадон университетæй æмæ Цæгат Кавказы хæххон-металургон институтæй. Нæ рауагъдонтæн сæ бон у æмæ бацæуой ахæм факультеттæм, куыд экономикæ, биология, журналистикæ, туризм æмæ актеры дæсныйад», — загъта Гасситы Натали.

Уый ма банысан кодта, бацæуæн экзаментæ рауагъдонтæ кæй дæтдзысты Джæуджыхъæуы.

Æрвыл аз дæр Уæрæсейы ахуырады фæдыл агентад рахицæн кæны æндæр æмæ æндæр университетты сæрмагонд бынæттæ Хуссар Ирыстоны ахуырдзаутæн.

27
Ленингор

Хуссар Иры Ленингоры районы ссардтой нӕлгоймаджы мӕрдон буар

5
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

5
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3