Монастеры Дзуар Хуссар Ирыстоны

Цхинвалы конференцийы æрдзырдтой историон цыртдзæвæнтæ бахъахъхъæныныл

2
(ранӕуӕггонд 10:04 02.06.2015)
Апрелы мæйы нысан фæцæуы культурон цыртдзæвæнтæ бахъахъхъæныны æппæтдунеон бон. Уымæ гæсгæ нæ дзырды сæр ноджыдæр свæййы, этнографион нысаниуæг кæмæн ис, уыцы культурон бынтæ.

ЦХИНВАЛ, 28 апр — Sputnik. Хуссар Ирыстоны культурон бынтæ бахъахъхъæныны фарстыты фæдыл Цхинвалы уагъд æрцыдис зонадон конференци. Йæ сæйраг темæ уыд Дзауы районы тобæгонд бынат саразыны проект. Мадзалы бæстонæй дзырд цыдис историон культурон цыртдзæвæнтæ бахъахъхъæныны æппæт фарстатыл дæр. Конференци бацæуæн ныхасæй байгом кодта РХИ-йы культурæйы министр Остъаты Мадинæ. Уый куыд банысан кодта, афтæмæй Хуссар Ирыстоны историон рæзты бирæ æнусты дæргъы арæзт æрцыдысты бирæ уникалон культурон цыртдзæвæнтæ. Хъыгагæн, уыдонæй бирæ абон сты мæгуырау уавæры.

Министры ныхæстæм гæсгæ, фæстаг рæстæджы ахæм цыртдзæвæнтæ бахъахъхъæныны фæдыл куыст зынгæ фæактивондæр.

"2015-2017 азты Инвестпрограммæмæ хаст æрцыдысты культурон цыртдзæвæнтæ æмæ уый у æхсызгон хабар. Фæлæ уыцы фæрæзтæ фаг не сты, хъæуы тынг бирæ саразын, цæмæй æндидзыд æрцæуой уникалон цыртдзæвæнтæ æгас республикæйы. Æнæмæнгхъæуæг у культурон бынтæ бахъахъхъæныны фæдыл стратеги бакусын дæр", — загъта Остъаты Мадинæ.

Цыртдзæвæнтæ хъахъхъæныны хайады хистæр Табуты Нелли та куыд банысан кодта, афтæмæй æнæмæнгхъæуæг у Дзауы районы Рукъ, Ерман, Едыс, Сыба, Згъуыбир æмæ æндæр хъæуты тобæгонд зонæйæ расидын.

"Ацы фарстыл мах кусæм бирæ рæстæджы дæргъы. Уыцы хъæуты территоритæ хауынц арф этнографион зонæмæ æмæ йæ хъæуы бахъахъхъæнын, ныртæккæ цахæм у, ахæм хуызы. Зæгъæм, вæййы афтæ, æмæ махæн нæ фехъусын кæнынц, афтæмæй хицæн адæймæгтæ цыртдзæвæнтæ цалцæг кæнынмæ бавналынц æмæ сын се 'ддаг хуыз фæивынц. Уый бынтондæр раст нæу. Чи нæм æрбахаты, ахæмтæн та баххуыс кæнæм специалисттæй, Уæрæсейæ сын æрхонæм реставратортæ ", — загъта уый.

Табуты чызг ноджыдæр æрдзырдта, сæ хайад ма ацы фарстаты фæдыл цы куыст кæны, сæ разы цы проблемæтæ лæууы, уыдæттыл.

Крепость в Дменис
© Sputnik / Дина Гассиева
Крепость в Дменис

Конференцийы ма хайад райста Республикæ Абхазы историон-культурон бынтæ хъахъхъæныны департаменты сæйраг специалист Инал Джопуа. Уый йæ раныхасы бузныг загъта конференцийы организатортæн æмæ банысан кодта, зæгъгæ, адæмы культурæйы историйы къабазы зонындзинæдтæ парахат кæнын у ахсджиаг хъуыддаг. Банысан ма кодта, зæгъгæ, цыртдзæвæнтæ комплексон æгъдауæй бахъахъхъæнын ахсджиаг у тобæгонд зонæтæ саразынæн. Æрмæстдæр ахæм уавæрты ис бахъахъхъæнын этнографион зонæнтæ. Афтæ ма ахсджиагыл банымадта, цæмæй Абхаз æмæ Хуссар Ирыстон кæрæдзийы фæлтæрддзинадимæ зонгæ кæной, уагъд цæуой иумиаг семинартæ, кæцытæ ахъаз кæндзысты цыртдзæвæнтæ бахъахъхъæнынæн.

Мадзалы ма докладтæ бакастысты цыртдзæвæнтæ бахъахъхъæныны æмæ ноджы æндæр ахæм æнгæс проблемæты фæдыл историон зонæдты доктор Дзадтиаты Руслан — «Археологическое исследование Эдисского городища», РХИ-йы Президенты паддзахадон уынаффæгæнæг Коцты Къоста — «Святилище Хисты Дзуар», Хуссар Ирыстоны зонад-иртасæн институты зонадон кусæг Мæргъиты Ирбег — «Гуылдзыг мæсгуытæ», ХИЗИИ-йы кæстæр зонадон кусæг Чилæхсаты Алан — «Склепы на территории заповедной зоны», цыртдзæвæнтæ хъахъхъæныны хайады сæйраг специалист Бæззаты Никъала — «Тлийский могильник», æрыгон натуралистты бæстæзонæн кружокы уæнг Гаглойты Оксанæ — «Зылды мæсыг» æмæ æндæртæ.

Конференцийы хайадисджытæн сæ иумæйаг хъуыды уыдис, нæ цыртдзæвæнтæ кæй хъæуы бахъахъхъæнын, цалынмæ нæ байрæджы ис, уæдмæ.

Кæронбæттæны райст æрцыдысты резолюци æмæ уынаффæ, цы докладтæ бакастысты, уыдон хицæн брошюрæйæ кæй рауадздзысты.

2
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3