Хуссар Иры президент арвыста 151 æрбахуынды гӕххӕтты республикæйы 25 азы бонмæ

© Sputnik / Ада багианХуссар Иры президент арвыста 151 æрбахуынды гӕххӕтты республикæйы 25 азы бонмæ
Хуссар Иры президент арвыста 151 æрбахуынды гӕххӕтты республикæйы 25 азы бонмæ - Sputnik Хуссар Ирыстон
Рафыссын
Хуссар Ирыстоны æрдзырдтой республикæйы юбилейон боны цытæн бæрæгбонон мадзæлтты нывæзтыл.

ЦХИНВАЛ, 9 сен — Sputnik. Хуссар Ирыстоны президент арвыста 151 æрбахуынды республикæйы 25 азы бонмæ, фехъусын кодтой Sputnik президент æмæ хицауады пресс-службæйы.

Цхинвалы дыццæджы уагъд æрцыд Бæрæгбон мадзæлттæ бацæттæ кæнын æмæ ауадзыны фæдыл къамисы рабадт. Къамисы уæнгтæ бæстæйы сæргълæууæгæн фехъусын кодтой мадзæлтты цæттæдзинады æмвæзад æмæ йæ базонгæ кодтой бæрæгбонон мадзæлтты нывæзтимæ.

Паддзахадон уынаффæгæнæг Зассеты Жаннæйы ныхæстæм гæсгæ, "президенты номæй арвыст æрцыд 151 æрбахуынды Уæрæсейы Федерацийы фыццаг адæймæгты, Цæгаткавказаг республикæты минæвæртты, афтæ ма РХИ-йы хæдбардзинад чи банымадта, уыдон адресыл.

"Абоны бонмæ райстам цалдæр делегацийы разыдзинад", — банысан кодта уынаффӕгӕнӕг.

Юбилейон боны нывæзты ис: паддзахадон хорзæхтæ раттын, паддзахадон символты фæдыл астæуккаг скъолаты "Иумæйаг сахат" ауадзын, Хуссар Ирыстоны бæрзæндтæй сæ иумæ альпинистты сцыд, Æхсæнадæмон информацион агентад "Южная Осетия сегодня"-йы сайты презентаци, баиугæнд "РАСТДОН"-ы арæзтады бын фыццаг дуры бавæрд.

Цытджын мадзæлттæ 20 сентябры райдайдзысты централон фæзуаты Æфсæддон парадæй.

Æфсæддон парады фæстæ цыттджын æгъдауæй баконд æрцæудзæн Бæстæзонæн музей, уый фæстæ — Паддзахадон киноконцертон зал "Чермен"-ы цытджын æмбырд æмæ Галаты Борисы номы зард æмæ кафты Паддзахадон ансамбль "Симд"-ы концерт.

Бæрæгбонон мадзæлттæ 20 сентябры фæуыдзысты горæты стадионы стыр концертæй цыппар паддзахадон ансамблы —"Абхазия", "Симд", "Алан" ӕмӕ "Вайнах"-ы хайадистæй, æхсæвы та Цхинвалы сæрмæ арв ныррухс кæндзæн бæрæгбонон салют.

Ног хабӕртты лентӕ
0